THUPHUANG 6:9 - Bawm Common Language Bible Version

⁹ Chun, Dawrâ Fa nih chun singsiahnâk panganâk chu a samh kâ hen mâichâm tangah chun theihtirnâk thu zumhkâi tak hen an pawm mi ruangah leh Pathian ruangah an thah na mi thlarau tla ka muh.

THUPHUANG 6:9 ပူးပေါင်းရင်းမြစ်များ

GENESIS 4:10

Churawhchun, LALPA nih a sinah, “Zei rangah hi thil ṭihnungkâi hi na ti? Na unaupa thisen nih tual thawk hen aw-hâu bang hen phû lam ding hen hawng ka auh.

EXODUS 29:12

Chun, chawchal thisen chu na kutdawng hen tawh le, mâichâm kî fawng lakah nalh. Thisen a lei mi chu mâichâm bul ah bungh hep.

LEVITICUS 4:7

Thisen chu Puanin sungah mi rimthâw duahnâk mâichâm ki fawng a buaih lai. Thisen dang vial chu Puanin tualmâi ah mi bâwlnâk duahnâk mâichâm bul ah a thlêt lai.

JOHAN 16:2

Pumhnâk in ah mi an nar na lai le; asi, âuzawng an thah natu vial nih Pathian tlûnah thil ṭha ti hen anna ruat lai, chu tik chu a hawng tlung awt.

2 KORIN 5:8

Thlangam tak hen kan um kan ti taksa ah um lo hen Lalpa sinah um kan duh dauh.

PHILIPI 1:23

A lâi laklawh ah hin a ngaihnâk theihlo hen ka um ko asi, suak hen Krist sinah um duhnâk ka nei ruangah, chu chu thungâi a ṭha dauh asi.

PHILIPI 2:17

Asi, nan lungnâk hâwlnâk leh rianṭuannâk lakah chun tawih hen um menza khawmsele ka lâwm asi, nan ektê hen ka nan lawmhpi ber na.

2 TIMOTHE 1:8

Chun, kan Lalpa thu theihtirnâk chu zahpi lah le, kei, amah mi rêngtlâ khawm hi hawng ka zahpi ber lah. Thâwngthâng Ṭha ruangah hamh hi Pathian thiltikhonâk hâwi vima hen, hawng ka tuarpi lehlam rawh.

2 TIMOTHE 4:6

Kei lam chu tu khawm ah ap hen ka um liau asi le, ka suak tik a tlung rawh.

HEBRAI 12:23

Vân ah an min rîn hen an um mi Pathian fa tîr tla pumhnâk lawmhkâi takah nan hawng tleng rawh. Mi zawzawng lâirêltu leh mirep thlarau tla rangtling hen siamtu Pathian sinah nan hawng tleng rawh.

THUPHUANG 1:2

chu Johan nih chun Pathian thu leh Jisu Krist theihtirnâk thu leh a thilmuh tla chu a theihtir.

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,

THUPHUANG 14:18

Chun, vânmifial dang mei tlûnah thuneitu chu mâichâm thawk hen a hawng sim nawlh le; anih nih chun hâu fâk tak hen, vânmifial favah hâr tak a put mi sinah chun “Na favah hâr tak kha mang le, tual ah grep rah sûr tla khi va ât rawh, grep rah tla a min ver rawh khi,” ti hen a âu.

THUPHUANG 16:7

Chun, mâichâm thawk hen aw-hâu nih chun “Lalpa Pathian Zeizawng tikho, na lâirêl tla chu a dik hen â rep asi,” a ti mi ka theih.

THUPHUANG 19:10

Chun, amah chu sawnh ding hen a kebul ah ka kûn le, sikhawmsele, anih nih ka sinah, “Kha hâwi hen ti lah, kei chu nangmah unau leh Jisu thusim zâwttu tla hâwi hen to-aw kasi, Pathian lam sawnh rawh,’ a ti. Jisu nih thudik a sim mi chu khuavâng tla lakah thaw khumh hen thu sim asi.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.

THUPHUANG 8:3

Chun, vânmifial dang a hawng le, ngûn rimthâw duahnâk bâwm put hen mâichâm kiangah a dîr. Chun, laltophah mâika ah ngûn mâichâm tlûnah mi thenhlimh zawzawng thlachamnâk tla sapsuannâk ding hen zeilo rimthâw tam tak a sinah an pêk.

THUPHUANG 9:13

Chun, vânmifial paruknâk nih chun a tâwtawrâwt chu a tum le, Pathian mâika ah ngûn mâichâm ki tla thawk hen aw-hâu ka theih le,