THUPHUANG 6:8 - Bawm Common Language Bible Version

⁸ Chun, ka zauh le, rang a dâng mi ka muh le, a tlûnah â chuan mi min chu Thihnâk an ti, a dunglei ah Mithi khua nih a hawng zûl sawm. Nâmsâu hen thah ding leh pâmnâk, râi leh sarâng hen thah na ding hen tual mun li ṭhen hen mun khat tlûnah thuneihnâk an pêk.

THUPHUANG 6:8 ပူးပေါင်းရင်းမြစ်များ

THUFING LASUIBU 5:5

Laikulh thihnâk lampi ah a nan kalpi lai le, a kalnâk lampi chu thihnâk ah a dawng.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

JEREMIA 14:12

Buh ngei na menza khawmsele, ṭangpi deih hen an âu mi ka ngâi piak na awtlo; duahphung thil ap leh fâng thil ap ka sinah hawng ap na khawmsele, an lakah ka lâwm awtlo. Chu ngâk chun, râltuknâk leh sungvângnâk leh râi hen ka thah na awt,” a ti.

JEREMIA 16:16

LALPA nih, “Hi minung tla tleih na ding hen ngarâltu tam tak hawng ding hen ka chah na. Tlâng sâng kip tlûnah mi leh tlâng tênâu ah mi, lung pûk ah mi kah na ding hen kahtu tam tak ka chah na.

JEREMIA 16:4

Râi ṭihnungkâi tak hen an thi lai le, âukhawm anmah lungfâk hen vûi natu an um lai lo. An ruak tla chu tual churtirtu pawng mi hâwi hen tual ah an rîl phut lai. Râltuknâk ah leh sungvâng hen an thi lai le, an ruak tla chu va tla leh ramsa tla râwl asi lai.

JEREMIA 24:10

Anmah leh an thlâktu tla ka pêk na mi ram lakah mi chu pakhat khawm âwl lo ding hen an tlûnah donâk, pâmnâk leh râi ka tlungtir lai,” a ti.

JEREMIA 29:17

LALPA, Zeizawng tikho nih, ‘Râltuknâk, pâmnâk leh râi ka tlungtir le, theipi ei ding tlâklo a ngêt mi hâwi hen ka siam awt.

JEREMIA 43:11

Nebukadnezar a hawng lai le, Aigupta chu a neh lai. Râi lakah thi ding mi chu râi lakah an thi lai le, sal ah put ding mi chu sal ah put hen an um lai, râltuknâk ah thah ding mi chu râltuknâk ah thah hen an um lai.

EZEKIEL 29:5

Nang leh ngâ tla chu ramkaro ah kan lawnh lai. Na taksa chu vûi lo hen tual ah a rîl lai. Vâ leh ramsa tla râwl rangah ka pêk na lai.

EZEKIEL 5:12

Na mi tla anrang thum lakah anrang khat chu khuapi sungah damlo leh sungvâng hen an thi lai le; anrang thum ṭhen hen anrang khat chu khuapi lênglei ah nâmsâu hen thah an si lai; anrang khat a dawnghnâk ah mi chu thli lakah ka thektham lai le, nâmsâu hen ka ṭhâwl na lai.

HOSEA 13:14

Hi minung tla hi laikulh thihnâk lakah mi leh thihnâk thiltikhonâk lakah mi ka hum na awtlo. Laikulh thihnâk, siat leh râwknâk hi bang minung tla tlûnah hin hawng tlungtir khawm le, pawi ka ti awtlo.

HABAKUK 2:5

Neihnâk hi bumtu asi. Mi hamkah tla anna zûm le, an um ziar kho lo. Thihnâk nih tâwk ti a nei lo mi hâwi asi. Churuangah asi, a phun phun hen mah rangah an neh mi chu.

ZEKARIA 6:3

a pathumnâk chu rang ngo tla nih, a palinâk chu rang ṭial tla nih an nûk.

MATHAI 11:23

Chun, nang Kapernaum, vân tiang hen chawnglawmh na si awt mazei? Mithi khua tiang hen na kal awt asi. Nangmah lakah thilchê tak ti mi tla kha Sodom ah ti mi si sele, tutiang hen a um kumza lai.

MATHAI 24:7

Phun dang leh phun dang anna do lai le, ram dang leh ram dang anna do lai. Mun dang dang ah pâm a tlung lai le, lî tla â nîn lai.

1 KORIN 15:55

“Aw thihnâk, na nehnâk chu zeiah me a um? Aw thihnâk, na tûr kha zeiah me a um?”

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.

THUPHUANG 12:4

A mei hen chun vân ârfi tla mun thum ṭhen hen mun khat a nûk le, tual ah a thlâk rawh, chun, nunau nih fa a ring ding mi chu a ring kâ hen a dawlh khonâk ding hen a mâika ah a dîr ko.

THUPHUANG 9:15

Chun, chu dârkar leh ni leh thla leh kum ruat chia lakah, minung mun thum ṭhen hen mun khat thah ding hen anna tîm zet mi vânmifial pali tla chu an sût na rawh.

THUPHUANG 9:18

Chun, chu hamhtirnâk pathum, mei leh meikhû leh kât an kâ thawk hen a hawng suak mi hen chun minung mun thum ṭhen hen mun khat chu thah an si rawh.