THUPHUANG 6:4 - Bawm Common Language Bible Version

⁴ Chun, rang dang a sen mi a hawng suak nawlh le, a tlûnah â chuan mi sinah chun tual tuknâk umtir ding hen thuneihnâk an pêk, khatlei khatlei anna thah tawnh ding hen; chun nâmsâu lianpi an pêk.

THUPHUANG 6:4 ပူးပေါင်းရင်းမြစ်များ

SAM 17:13

LALPA, hawng le! Ka mêlma tla chu do hen neh na rawh! Na nâmsâu hen misual lakah mi ruang hawng ka suah;

DANIAL 5:19

A rokual tuktarâi ruangah phun zawzawng leh zât zawzawng leh hawlh zawzawng nih an ṭih le, an thîr. Thah ding a duh mi chu a thah na, nungtir ding a duh mi chu a nunh na. A duh mi zawng zahkâi hen khawm a tuah, ningzak khawm a saih na.

ZEKARIA 1:8

LALPA vânmifial rang sen tlûnah â chuan mi ka muh le, tivakuam ah lênmui thing nâwngah â dîn le, a dunglei ah rang dang tla, a sen mi, a senduk mi leh a ngo mi tla an um.

ZEKARIA 6:2

Kari masa chem chu rang sen tla nih an nûk le, a panihnâk chu rang dum tla nih an nûk,

MATHAI 10:34

“Laikulh ah hin rem lêngtir ding hen hawng kal hen hawng ka ruat lah u. Rem lêngtir ding hen hawng kal kasi lo le, nâmsâu lêngtir ding hen hawng kal kasi dauh.

MATHAI 24:6

Chun, tuknâk thuthang nan theih teh lai; nan lawksawng lonâk ding hen a thiamthih u; chubang tla chu a hawng tlung ding rêng asi. Sikhawmsele, dawnghnâk chu asi lai lo rih.

JOHAN 19:11

Jisu nih, “Tlûnlei thawk hen pêk na si lo chun, ka tlûnah hin tikhonâk rerêng na nei lai lo; churuangah na sinah hawng ka pêktu nih khan sual a phurh khun asi,” a ti.

THUPHUANG 12:3

Chun, thilchê dang vân ah a hawng lang nawlh le, rûlrêu sen lianpi, lû pasarih leh ki parâ a nei mi, lallukhuh pasarih â khuh mi a hawng um.

THUPHUANG 13:10

Âuzawng tleih tumtu chu tleih hen an um lai le, nâmsâu hen thah tumtu chu nâmsâu hen thah hen a um bâk lai. Chu chu mi thenhlimh tla felfênâk leh zumhkâinâk chu asi.

THUPHUANG 17:3

Thlarau hen ka hawng um le, vânmifial nih ramkaro ah a hawng ka kalpi. Chun, sualnâk min hen a khat mi sarâng sen lû pasarih leh ki parâ a nei mi tlûnah nunau a to mi ka muh.

THUPHUANG 17:6

Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.