THUPHUANG 6:2 - Bawm Common Language Bible Version

² Chun, ka zauh le, rang ngo ka muh, a tlûnah â chuan mi nih chun chanhtiang a put le, a sinah lallukhuh an pek le, neh vima ding hen a suak rawh.

THUPHUANG 6:2 ပူးပေါင်းရင်းမြစ်များ

SAM 110:2

Zion thawk hen na lal thiltikhonâk chu a kauh lai, na mêlma tlûnah lâi rêl rawh,” a ti.

SAM 76:7

Sikhawmsele, LALPA, mikip nih nang chu an ṭih. Na thinthawk liau chun na mâika ah âukhawm an dîr kho lo.

SAM 98:1

LALPA sinah la thar sak u; thilchê tak tla a ti rawh! A chaknâk thenhlimh leh a thiltikhonâk hen nehnâk â ting.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ZEKARIA 1:8

LALPA vânmifial rang sen tlûnah â chuan mi ka muh le, tivakuam ah lênmui thing nâwngah â dîn le, a dunglei ah rang dang tla, a sen mi, a senduk mi leh a ngo mi tla an um.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

1 KORIN 15:25

A mêlma tla zawzawng a kê tangah a siah lan lo chu anih chu lal ah a um ding rêng asi.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 11:18

Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.

THUPHUANG 14:14

Chun, ka zauh le, sûm vâr ka muh, chun, sûm tlûnah minung hâwi hen ngûn lallukhuh khuh hen, favah hâr tak put hen a to mi ka muh.

THUPHUANG 15:2

Chun, tisumsumriat thlalang hâwi mi, mei hen a chawmh mi ka muh le, sarâng leh a lêm leh a min nambar nehtu tla chu an hawng suak le, Pathian nih ṭingṭang a pêk na mi chu put hen tisumsumriat thlalang hâwi mi kap ah an dîr mi ka muh ber.

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 19:14

Chun, vân ah kawrsen tla nih chun, puan mangṭhia vâr tak aih hen rang ngo tlûnah chuan bû hen an zûl.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.

THUPHUANG 9:7

Chun, khâubawk tla umdân chu rang tla râltuk ding hen anna tîm zet mi hâwi an si; ngûn lallukhuh hâwi anna khuh le, an mêl khawm minung mêl hâwi asi.