THUPHUANG 6:16 - Bawm Common Language Bible Version

¹⁶ Chun, tlâng tla leh lungpi tla sinah chun, “Hawng kan denh rawh, Dawrâ Fa thinthawknâk thawk hen leh laltophah ah a to mi mitmuh lonâk ah hawng kan phenh rawh,

THUPHUANG 6:16 ပူးပေါင်းရင်းမြစ်များ

SAM 14:5

Sikhawmsele, Pathian chu ê-aw ngâitu sinah a um ruangah annih tla chu lâu hen an um lai.

ISAI 2:10

LALPA thinthawknâk leh a thiltikhonâk leh rokualnâk thawk hen ruangsuak ding hen tlângah lungpûk ah mawh khur an chawh mi sungah anna thup lai.

JEREMIA 8:3

Chu phun lakah a thibang ka rek phin na mi mun ah um mi tla nih dam vima ding ngâk hen thih an duh dauh lai. Kei, LALPA Zeizawng tikho nih ka sim asi,” a ti.

HOSEA 10:8

Aven tlâng tlûnah Israel mi tla nih milem an sawnhnâk mun khawm râwk asi lai. An mâichâm chu bualingnei leh belh nih a khuh dep lai. Mi tla nih tlâng sâng tla sinah, “Hawng kan thuh! ” an ti lai le, tlâng tênâu sinah, “Hawng kan khuh!” an ti lai.

MATHAI 26:64

Jisu nih a sinah, “Si ta a. Sikhawmsele, ka nan simh, hi nûnah Minung Fapa hi thiltikhonâk vawrhlei ah to hen, a vân sûm tlûnah a hawng kal mi nan muh awt asi,” a ti.

MARK 3:5

Chun, an thinlung chang zia chu thungâi pawi ti piak hen, thinthawk bû hen anmah tla a zauh na nûnah chu minung sinah chun, “Na kut zangh rawh,” a ti. Chun, a van zangh le, a kut chu a dam rawh.

LUK 23:30

Chu tikah chun mi tla nih tlâng tla sinah, ‘Hawng kan denh!’ an ti teh lai; mual tla sinah, ‘Hawng kan khuh,’ an ti teh lai.

THUPHUANG 10:6

zungzâl hen a um kumza mi Pathian min chu sâl hen, “Hun a tlâi lai lo rawh,

THUPHUANG 19:15

Chun, a kâ thawk hen namsâu hâr tak a suak le, chu hen chun phun kip a neh lai, thîr ṭhianṭhunh hen lâi a rêl lai le, Pathian Zeizawng tikho thinrunhnâk fâk tak grep sûrnâk khur ah an sûr lai.

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.

THUPHUANG 4:2

Chun, lâkkhat ko ah Thlarau hen ka hawng um sawm le, ngâinik, vân ah chun laltophah ah chun âumawh a to.

THUPHUANG 4:5

Chun laltophah thawk hen chun, mîmthlalek tla, aw-hâu tla, khuari tla chu ri urmar hen a hawng suak. Chun, meifâr pasarih laltophah mâika ah chun a alh le, chu tla chu Pathian thlarau pasarih tla chu an si.

THUPHUANG 4:9

Chun, thilnung pali tla nih chun laltophah ah a to mi, zungzâl hen a nung kumza mi chu la rokual tak hen an chawnglawmh hen lâwmthu an sim kip ah,

THUPHUANG 5:1

Chun, laltophah ah a to mi kut vawrhlei ah chun lasuibuzual, sunglei leh lênglei hen â rîn mi, singsiahnâk pasarih hen singsiah thlir mi chu ka muh.

THUPHUANG 6:10

Annih nih chun aw-hâu fâk tak hen, “Lalpa, Zeizawng tikhotu, Mi Thenhlimh leh dik tak! Zei tiang me lâirêl lo hen tual ah an um mi tla tlûnah kan thisen suaknâk phû chu lam lo hen na um awt? ti hen an âu.

THUPHUANG 9:6

Chun, chu thla nga sung chun mi nih thihnâk an hâwl khawm ah an tawng lai lo, thih an duh lai le, thihnâk nih a tekkhalh na lai.