THUPHUANG 6:12 - Bawm Common Language Bible Version

¹² Chun, Dawrâ Fa nih singsiahnâk paruknâk chu a samh mi ka zauh le, chun lî thungâi a hawng a nîn le, nî chu samul puandum hâwi hen a hawng dum le, thlâ khawm thisen hâwi hen a hawng sen.

THUPHUANG 6:12 ပူးပေါင်းရင်းမြစ်များ

ISAI 24:23

Thlâ tla a thim lai le, nî khawm a chêu lai lo rawh, LALPA Zeizawng tikhotu chu lalchem asi awt ruangah Jerusalem mi Zion Tlângah lâi a rêl lai le, mi zapi ruitu tla nih a rokual zia an muh lai.

ISAI 29:6

Lâkkhatko ah ruatlo hâwi tak hen LALPA Zeizawng tikho nih ruah tukpi lakah khua a rî mi leh linîn hen ruang a nan suah na lai. Thlipi leh meialh a hawng fial lai le;

ISAI 34:4

Nî, thlâ leh ârfi tla valeidip hâwi hen an mân dip lai. Vân chu lasuibuzual mi hâwi hen vei ving hen zual asi lai, ârfi tla chu grep leh theipi nah an tlawng mi hâwi hen an tlâ lai.

ISAI 50:3

Thih ruangah lungfâknâk a um mi hâwi hen vândum chu mûi ah ka siam kho,” a ti.

JOEL 2:10

An kal rawh chun tual â nîn le, vân a thir. Nî leh thlâ a mûi le, ârfi tla khawm an chêu lo rawh.

JOEL 3:15

Nî leh thlâ khawm a thim le, ârfi tla khawm a chêu lo rawh.

AMOS 1:1

Hi bang tla hi Tekoa khuapi ah mi dawrâ vêngtu Amos thu tla asi. Lînîn kum nih lânah Uziah, Juda lalchem asi liauah leh Jehoash fapa Jeroboam Israel lal asi liauah Israel leikâng thu ah Amos sinah Pathian nih a muhtir.

AMOS 8:9

Sûn chirah nî ka tlâktir ding mi leh sûn chirah tual ka mûitir ding tik a tlung awt rawh. Kei, LALPA Zahkâi nih chu chu ka sim mi asi.

ZEKARIA 14:5

Chu tlâng panih tivakuam a ṭhen phawknâk hen nan suak lai. Juda lal Uziah san ah lî ninh liauah an thlâk natu an tek mi hâwi hen nan tek lai. LALPA ka Pathian chu a vânmifial tla zawzawng put hen an hawng lai.

MATHAI 11:21

“Korazin, na tlûn a pit, Betsaida, na tlûn a pit, nan lakah thilchê ti mi tla kha Tura leh Sidon ah ti si sele, salâpuan aih hen valeidip nâwngah to hen an rim ving lai rawh.

MATHAI 24:29

“Sikhawmsele, chubang hamhnâk ni tla nûntê ah, ‘Nî mûitir hen a um lai, thlâ a chêu lai lo rawh le, vân thawk hen ârfi tla an tlâ lai le, vân thiltikhonâk tla chu ninh asi lai.

MATHAI 24:7

Phun dang leh phun dang anna do lai le, ram dang leh ram dang anna do lai. Mun dang dang ah pâm a tlung lai le, lî tla â nîn lai.

MATHAI 27:45

Chun, dâr leinih thawk hen dâr thum tiang hen laikulh a hawng mûi ver rawh.

MATHAI 27:54

Chun, kawrsen zâ hotu leh a sinah Jisu vêng hen um bâk mi tla nih chun lînîn leh thil umzia tla chu an muh rawh chun thungâi an ṭih le, “Hi Minung hi Pathian Fapa asi chiammâm,” an ti.

MATHAI 28:2

Chun, lâkkhatko ah lî fâk tak hen â nîn le; Lalpa vânmifial vân thawk hen a hawng ṭum le, lung chu a ṭhial le, a tlûnah a to rawh.

MARK 15:33

Chun, sûn dâr leinihnâk liau chirah chun sûnnilei dâr thum tiang hen laikulh a hawng thim ver.

THUPHUANG 11:13

Chun, chu liau tak chun, lî thungâi thlâk â nîn le, khua chu munrâ ṭhen hen mun khat a chim rawh, lînîn lak chun mi sâng sarih an thi le, an thibang tla chu thungâi an lâu le, Pathian vân ah a um mi chu an chawnglawmh rawh.

THUPHUANG 16:18

Chun, mîmthlalek tla, aw-hâu tla, khuari tla, lî fâk tak â nîn le, tual ah minung siam tîr thawk hen chu hâwi hen lînîn fâk chu a um dahlo.

THUPHUANG 16:8

Chun, vânmifial palinâk nih chun a berhbu chu nî lakah a thlêt le, nî chu minung tla ût rê emh ding hen a lîn rawh.

THUPHUANG 8:12

Chun, vânmifial panihnâk nih chun a tum le, nî mun thum ṭhen hen mun khat leh thlâ mun thum ṭhen hen mun khat leh ârfi tla khawm mun thum ṭhen hen mun khat chu â râwk hep rawh; an chêunâk tla leh sûn khawm mun thum ṭhen hen mun khat a tlâu le, zân khawm chu hâwi ber hen a um.

THUPHUANG 8:5

Chun, vânmifial nih chun zeilo rimthâw duahnâk bâwm chu a lâk le, mâichâm mi mei hen a khattir le, tual ah a lawnh rawh. Chun, khuarît tla, aw-hâu dang tla, mîmthlalek tla, lînîn tla a hawng um sawm rawh.