THUPHUANG 6:11 - Bawm Common Language Bible Version

¹¹ Chun, an sinah puanvâr an pêk chiau na le, an to-aw hâwi tla leh an unau tla, anmah hâwi ber hen thah ding mi tla kha an kim ver lânlo chu anna dîn rih ding asi ti hen an simh.

THUPHUANG 6:11 ပူးပေါင်းရင်းမြစ်များ

DANIAL 12:13

“Danial, nang lam chu a dawngh tiang hen zumhkâi hen um rawh. Na thi lai le, sikhawmsele na lâwmman tawng ding hen tik dawnghnâk ah na thawk lai,” a ti.

MATHAI 10:21

“Chun, thah ding hen unaupa leh unaupa anna tleihtir lai le, pa khawm nih a fa a tleihtir ber lai; fa tla khawm nih an nu leh pa tla an do lai le, an thahtir na lai.

LUK 15:22

Sikhawmsele, a pa nih chun a to-aw tla sinah, Puan ṭha chem kha hawng put rereh ule, aihtir u; a kut ah pizung leh a kezaphah ah pheikawk bunhtir u.

JOHAN 16:2

Pumhnâk in ah mi an nar na lai le; asi, âuzawng an thah natu vial nih Pathian tlûnah thil ṭha ti hen anna ruat lai, chu tik chu a hawng tlung awt.

THILTI 20:24

Sikhawmsele, ka tekzuamnâk lampi ka mabân lîm ding leh Pathian zângfahnâk Thâwngthâng Ṭha theihtir ding hen, Lalpa Jisu sinah kha bang rianṭuannâk rian ka tawng mi kha ṭuan dih tâ sele ka nungnâk khawm unh tlâk ah ka ruat lo.

2 TIMOTHE 4:7

Zuamnâk ṭha chu ka ti thluh rawh; ka tekzuamnâk chu ka zawh rawh le, lungnâk chu ka kil ving rawh asi;

HEBRAI 11:40

Kanmah tel lo hen annih chu rangtlingtir hen an um lonâk ding hen Pathian nih kanmah leikang thu ah thil zeimawh ṭha dauh khun a timhtuah rawh ruangah.

HEBRAI 12:23

Vân ah an min rîn hen an um mi Pathian fa tîr tla pumhnâk lawmhkâi takah nan hawng tleng rawh. Mi zawzawng lâirêltu leh mirep thlarau tla rangtling hen siamtu Pathian sinah nan hawng tleng rawh.

HEBRAI 4:10

Âuzawng lût hen Pathian sinah â dîn mi chu Pathian nih a rianṭuan a dinhtâk hâwi hen a rianṭuan a dinhtâk.

THUPHUANG 10:6

zungzâl hen a um kumza mi Pathian min chu sâl hen, “Hun a tlâi lai lo rawh,

THUPHUANG 13:15

Chun, sarâng masa chem lem chu hawlh kho ding hen leh amah sawnh lotu vial thah kho ding hen sarâng panihnâk nih nungnâk thaw pêk ding hen siang asi.

THUPHUANG 14:13

Chun, vân thawk hen aw-hâu nih, “Hi hâwi hen rîn rawh, Lalpa rianṭuannâk ah an thi mi tla chu tu thawk hen an thaw a suak,” a ti. Thlarau nih chun, “Chu hâwi chu asi,” ti hen a sâng. Chun, “An rianṭuan hamhnâk chu an dinhtâk rawh le, an thilti nih chun a zûl na lai rawh,” a ti mi ka theih.

THUPHUANG 17:6

Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,

THUPHUANG 7:9

Chun, chu nûnah chun ka zauh le, mi zapi cherkhet, âukhawm rêlchâwklo, phun kip lakah mi tla, chi kip lakah mi tla, mikip lakah mi tla, hawlh kip lakah mi tla, puanvâr aih hen, leh tûmkâu put hen, laltophah mâika ah leh, Dawrâ Fa mâika ah an dîr mi ka muh.