THUPHUANG 6:10 - Bawm Common Language Bible Version

¹⁰ Annih nih chun aw-hâu fâk tak hen, “Lalpa, Zeizawng tikhotu, Mi Thenhlimh leh dik tak! Zei tiang me lâirêl lo hen tual ah an um mi tla tlûnah kan thisen suaknâk phû chu lam lo hen na um awt? ti hen an âu.

THUPHUANG 6:10 ပူးပေါင်းရင်းမြစ်များ

GENESIS 4:10

Churawhchun, LALPA nih a sinah, “Zei rangah hi thil ṭihnungkâi hi na ti? Na unaupa thisen nih tual thawk hen aw-hâu bang hen phû lam ding hen hawng ka auh.

SAM 119:84

Zei chan riamruam me ka ngâk awt? Hawng ka nehsawhtu tla zeitikah na rêp na awt?

SAM 13:1

LALPA, zei chan riamruam me na ka philh awt? Zungzâl hen ma? Zeitiang riamruam me ka lakah mi na thup awt?

SAM 35:17

LALPA, zeitiang riamruam me na thlawrhthlâu awt? An ka donâk ah mi ruang hawng ka suah le, hi bang chakeibaknei lakah mi ka nungnâk hi hum rawh.

SAM 79:10

Zei rangah phun tla nih, “Zeiah nan Pathian?” hawng kan ti zia lai. Na to-aw tla thisen suahtu phun na rêp na mi chu hawng kan muhtir.

SAM 9:12

Tuartu tla chu Pathian nih a theih; an âu hâu chu a philh lo le, chun, thil diklo titu tla chu a rêp na.

ISAI 61:2

LALPA nih a mi tla ruang a suah na ding mi leh Mêlma tla a neh piak ding mi tik a tlung rawh Ti sim ding hen hawng ka fial. Mi ngaihsia tla sinah thlangamh ding hen hawng ka fial.

LUNGFÂKNÂK 3:64

“LALPA, an thilti ruangah rêp na le,

DANIAL 12:6

Chu minung pakhat dauh nih chun thu a deih le, “Hi thilchê a hawng tlung mi tla hi zeitiang ding me asi awt?” a ti.

DANIAL 8:13

Vânmifial pakhat nih a dang rangah thu a deih mi ka theih le, “Hi langhnâk lakah mi thil tla hi zeitiang me a um vima awt? Hi nisiar bâwlnâk hi zeitiang hi sualnâk ṭihnungkâi nih a luah awt? Vân ah mi kawrsen tla leh Biakin chu zeitiang riamruam me lamhbêk hen a um awt?” a ti.

ZEKARIA 1:12

Churawhchun, vânmifial nih, “LALPA, Zeizawng tikho, tuah Jerusalem leh Juda khuapi lakah na thinrun mi chu kum sâwmsarih asi rawh. Khuaruatnâk nei lo hen zeitiang riamruam me na siah awt? ” a ti.

LUK 2:29

“Lalpa, tuah na thu ziatê hen, na to-aw hi lungngam tak hen na kaltir awt le,

LUK 21:22

Chubang ni tla chu phû lam ni asi, thu an rîn mi zawzawng a hawng tlung khonâk ding hen.

ROM 12:19

Duhtak le tla, nan phû lam lah u, “Keimah nih lehrûl ka sam lai, Lalpa nih a ti,” ti rîn asi.

HEBRAI 12:24

Jisu, thudântuk thar siamtu, Abel thisen ngâk hen thisen ṭha dauh thehtu sinah nan hawng tleng rawh.

2 PETER 2:1

Lânah mi zapi tla lakah khuavâng telê an hawng suak mi hâwi hen, nan lak khawm ah sîntirtu telê an hawng suak lai, annih nih chun anmah tla tlanhtu Lalpa chu phehtâk hen, mi râwk khonâk ding hen sîntirnâk diklo an hawng lûtpi lai le, an tlûnah mawhsareh hen siatnâk an tlungtir lai.

THUPHUANG 11:18

Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.

THUPHUANG 18:24

Khuapi sungah khuavâng tla leh Pathian mithenhlimh tla thah hen an um mi thisen zawzawng chu muh asi ruangah Babulon chu rêp asi rawh,” a ti.

THUPHUANG 19:2

a lâirêlnâk tla chu a dik hen â rep asi, anih nih chun nunau â zuar mi rokual tak, a hurnâk ruangah tual râwktu chu a thu a chek piak rawh, a to-aw tla a thah na mi phû chu a lam piak rawh,” a ti mi ka theih.

THUPHUANG 3:10

Felfê tak hen ka thupêk tla na pawm ruang khan, tual ah mi zapi an um mi tla nik ding hen, laikulh zawzawng tlûnah tik hawng tlung ding mi lakah chun kei khawm nih ka nan hum lai.

THUPHUANG 3:7

“Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.

LÂIRÊL 16:28

Churawhchun, Samson nih thla a cham le, “LALPA zahkâi, zângfahtê hen hawng ka theihkumza rawh; Pathian, zângfahtê hen chaknâk veikhat tal hawng ka pêk nawlh, ka mit khiang khinih an ka chawih piak mi ruangrûl ah Philistia mi tla hi tutan veikhat ka vuak kho na bâk ding hen,” a ti.

1 SAMUEL 24:12

Kan lakah a diklo dauh mi chu kan tlûnah LALPA nih lâirêl seh. Nang khawm tâwmtê khawm nganfâk kan pêk lo mi lakah na ka râl ruangah LALPA nih an rêp bâk seh.