THUPHUANG 5:9 - Bawm Common Language Bible Version

⁹ Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.

THUPHUANG 5:9 ပူးပေါင်းရင်းမြစ်များ

SAM 144:9

Pathian, nangmah suangkhâng hen la thar ka sak lai; ka ṭingṭang ka tum lai le, na sinah la ka hawng sak lai.

SAM 149:1

LALPA chu sawr u! LALPA sinah la thar sak ule; a mi zumhkâi tla pumhnâk ah chun a min chu sawr u.

SAM 33:3

A sinah la thar sak ule, thiam tak hen ṭingṭang tum ule, lâwm hen âu u!

SAM 40:3

La thar, kan Pathian sawrnâk la chu hawng ka sîntir. Hi muhtu tam tak nih an ṭih lai le, LALPA chu an zumh lai.

SAM 96:1

LALPA sinah la thar sak u! Laikulh zawzawng nih LALPA sinah la sak u!

SAM 98:1

LALPA sinah la thar sak u; thilchê tak tla a ti rawh! A chaknâk thenhlimh leh a thiltikhonâk hen nehnâk â ting.

ISAI 42:10

LALPA sinah la thar sak u; laikulh zawzawng nih a sawrnâk la sak u! Tipi dung zawhtu tla, amah chu sawr u: Tipi ah thilsiam zawzawng tla, amah chu sawr u! Ram lât takah um mi tla, la sak u!

DANIAL 3:4

hâu fâk tak hen thu phuangnâk a um le, “Phun zawzawng lakah mi tla, chi-le-kuang mi tla, hawlh chikip tla!

DANIAL 4:1

Lal Nebukadnezar nih laikulh ah phun kip leh chi kip leh hawlh kip sinah hi thuchah hi a thanh na: “Chibai!

DANIAL 5:19

A rokual tuktarâi ruangah phun zawzawng leh zât zawzawng leh hawlh zawzawng nih an ṭih le, an thîr. Thah ding a duh mi chu a thah na, nungtir ding a duh mi chu a nunh na. A duh mi zawng zahkâi hen khawm a tuah, ningzak khawm a saih na.

DANIAL 6:25

Churawhchun, lal Darias nih phun kip, chi kip leh hawlh kip sinah lasuikuat a rîn le, a kuat rawh: “Chibai!

MATHAI 20:28

Minung Fapa hi mi nih rianṭuan piak ding hen a hawng lo le, rianṭuan ding leh mi tam tak tlanhnâk ding ah a nungnâk pêk ding hen a hawng dauh asi,” a ti.

MATHAI 26:28

hi hi ka thisen, sual tla ngaihdamnâk ding ah mi tam tak rangah suak ding mi thutiamnâk chu asi.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

1 KORIN 6:20

Churuangah, nan taksa hen Pathian chawnglawmh u.

1 KORIN 7:23

Man hen châwk nan si rawh, minung tla sal si lah u.

EPHESI 1:7

A thisen hen amah lakah tlanhnâk kan nei asi, a zângfahnâk chawng zia hâwi vima hen kan buarnâk tla ngaihdamnâk chu.

EPHESI 5:19

Sawrnâk la tla, Pathian la tla, Thlarau lei la tla hen a sawnh tawnh hen, Lalpa chu nan thinlung ah la sak piak hen, ṭingṭang tum piak u.

KOLOSA 1:14

amah lakah kan tlanhnâk kan tawng asi, kan sual tla ngaihdamnâk chu.

KOLOSA 1:23

ngauhsan nei hen bir tak a um hen, Thâwngthâng Ṭha nan theih mi lungumnâk thawk hen a ṭhial lo hen, lungnâk lakah hin nan um thlir chun chu Thâwngthâng Ṭha chu vânrâng tangah thilsiam zawzawng tla lakah phuang asi kha; kei Pawl hi chu rianṭuantu ah siam kasi.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

HEBRAI 11:14

Chubang tla nih chun anmah rang ding ram an hâwl ti a langhtir.

2 PETER 2:1

Lânah mi zapi tla lakah khuavâng telê an hawng suak mi hâwi hen, nan lak khawm ah sîntirtu telê an hawng suak lai, annih nih chun anmah tla tlanhtu Lalpa chu phehtâk hen, mi râwk khonâk ding hen sîntirnâk diklo an hawng lûtpi lai le, an tlûnah mawhsareh hen siatnâk an tlungtir lai.

1 JOHAN 1:7

chun, amah chu chêu ah a um hâwi hen, kannih khawm chêu ah um kan si chun, kanna kawmh dut le, a Fapa Jisu thisen nih kan sual zawzawng a thiangtir asi.

1 JOHAN 2:2

anih chu kan sual tla thutluangvâwrnâk asi, kanmah tla sual cho silo hen, laikulh zawzawng sual thutluangvâwrnâk khawm asi.

THUPHUANG 10:11

Chun, “Mi tam tak tla, phun tam tak tla, hawlh tam tak tla, lal tam tak tla sinah Pathian thuchah na phuang nawlh ding asi,” a hawng ka ti.

THUPHUANG 11:9

Chun, mi zapi lakah phun zawzawng tla, phun kip leh hawlh kip nih, ni thum leh sûnlân an ruak tla chu an zauh lai le, a vûi ding an siang lai lo.

THUPHUANG 13:7

Chun mi thenhlimh tla chu do hen neh siang an si le, chi kip tla, mikip tla, hawlh kip tla, phun kip tla tlûnah thuneihnâk pêk asi.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 14:6

Chun, tual ah an um mi tla, phun kip tla, chi kip tla, hawlh kip tla, mi kip tla sinah zungzâl Thâwngthâng Ṭha thuchah sim ding hen vânmifial dang vân chung sâng ah a zuang mi ka muh.

THUPHUANG 15:3

Chun, Pathian to-aw Mosi la leh Dawrâ Fa la chu an sak le, Lalpa Pathian zeizawng tikho, na thilti tla chu a rokual hen a chê le! Nang phun kip Lalchem, na lampi tla chu a dik hen â rep asi!

THUPHUANG 17:15

Chun, vânmifial nih ka sinah, “Nunau â zuar mi tonâk tî na muh mi kha, mi zapi tla, phun tla, hawlh tla an si,” a ti.

THUPHUANG 4:11

“Nang kan Lalpa leh kan Pathian, rokualnâk tla, chawnglawmhnâk tla, thiltikhonâk tla tawng tlâk na si. Nangnih zeizawng na siam le, nangmah duh thu hen nungnâk na pêk na asi,” an ti.

THUPHUANG 5:12

“Dawrâ Fa thah rawh mi hi, thiltikhonâk tla, neih leh siahnâk tla, finghnâk tla, chaknâk tla, chawnglawmhnâk tla, rokualnâk tla, malsâwmnâk tla tawng tlâk asi,” ti hen la an sak.

THUPHUANG 5:6

Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.