THUPHUANG 5:6 - Bawm Common Language Bible Version

⁶ Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.

THUPHUANG 5:6 ပူးပေါင်းရင်းမြစ်များ

2 CHRONICLES 16:9

LALPA nih laikulh pumpi hi nâi tek hen a zauh le, amah lakah thinlung zumhkâi tak hen um mi tla sinah chaknâk a pêk na. Â tak hen thil na ti ruangah tu thawk hen na lakah râltuknâk a um kumza lai,” a ti.

DANIAL 7:14

Phun zawzawng leh chi zawzawng leh hawlh zawzawng nih a rian an ṭuannâk ding hen a sinah thuneihnâk leh lal thiltikhonâk an pêk, a thuneihnâk leh a ram chu zungzâl tiang hen dawngh a nei lai lo.

DANIAL 8:3

chu tiva kapah chun dawrâ chal ka muh le, chu dawrâ chal nih ki sâu tak panih a nei, pakhat chu pakhat dang ngâk hen a sâu dauh hen a thar dauh.

MIKAH 4:13

LALPA nih, “Jerusalem mi tla, kal ule, nan mêlma tla va rêp na u! Chawchal a kî thîr, a tin dâr nei a chak mi hâwi hen ka nan siam lai. Phun tam tak na veih na lai le, mi leh tuknâk ruangah neih leh siah anna ting mi chu laikulh pumpi LALPA, Keimah sinah na hawng pêk lai,” a ti.

HABAKUK 3:4

Mîmthlalek chêunâk hen a hawng le, a thiltikhonâk a kut ah thuh mi thawk hen chêunâk a hawng suak.

ZEKARIA 3:9

Josua mâika ah lung pakhat pat sarih nei mi ka siah, chu lakah chun thu ka rîn lai le, ni khat kar lakah hi ram ah sual chu ka lâk phin lai.

ZEKARIA 4:10

Mâilei fûknâk tâwmtê asi ruangah an lung a dawng, sikhawmsele Zerubabel nih Biakin a sak vima mi chu an muh lai le, anna lâwm lai rawh,” a ti. Vânmifial nih ka sinah, “Khâwnvâr pasarih chu LALPA mit pasarih, laikulh zawzawng muhtu chu asi,” a ti. 10bVânmifial nih ka sinah, “Khâwnvâr pasarih chu LALPA mit pasarih, laikulh zawzawng muhtu chu asi,” a ti.

LUK 1:69

A to-aw David dâwngsung tla lakah chun, Ruangsuahtu chak hawng kan dirh piak dangâiah.

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 1:36

chun, Jisu kal liau a zauh le, “Zauhnik u, Pathian Dawrâ Fa khi,” a ti.

THILTI 8:32

Chun, Pathian lasui thu a rêl liau mi chu hi hi asi: “Thah ding mi dawrâ hâwi hen anih chu an kalpi le, dawrâ fa a mul mêttu mâika ah a dâisip hâwi hen anih khawm nih a kâ a âng loh.

THUPHUANG 1:4

Johan nih chun Asia ram ah kawhmi murui sarih tla sinah: Um liau leh um rawh leh hawng um ding mi sinah leh a laltophah mâika ah thlarau pasarih tla thawk hen, Jisu Krist theihpitu zumhkâi tak, mithi lakah mi suak masa chem leh tual ah lal tla lâirêltu thawk hen zângfahnâk leh remnâk nan sinah um seh. Hawng kan zângfah le, a thisen hen kan sual lakah mi hawng kan tlanh le,

THUPHUANG 12:11

Kan unau tla nih chun Dawrâ Fa thisen zârah leh thih ngamh rê hen thudik an phuangnâk zârah anih chu an neh rawh;

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 14:1

Chun, ka zauh le, Dawrâ Fa Zion tlângah a dîr mi leh an chal ah a min leh a Pa min â rîn mi, mi nuai khat leh sîng li leh sâng li a sinah an dîr mi ka muh,

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 21:22

Lalpa Pathian Zeizawng tikho leh Dawrâ Fa chu biakin asi ruangah chun ah chun biakin rerêng ka muh lo.

THUPHUANG 21:23

Chun, chu khua nih chun a cherhtu ding hen nî a herh lo, thlâ khawm a herh lo; Pathian rokualnâk nih a cherh le, an meichêu chu Dawrâ Fa asi.

THUPHUANG 22:1

Chun, vânmifial nih chun nungnâk tiva kristal lung hâwi hen a tlêu mi, Pathian leh Dawrâ Fa laltophah thawk hen a hawng suak mi hawng ka zauhtir.

THUPHUANG 22:3

Chun, chu khuapi ah chun Pathian siatbarh rerêng a um lai lo rawh le, Dawrâ Fa leh Pathian laltophah chu a um dauh lai, chun, a to-aw tla nih amah an sawnh lai.

THUPHUANG 4:8

Chun, thilnung pali nih chun thla paruk chiau an nei le, an sunglei leh lênglei mit hen a khat phak, sûn leh zân hen la sak an bâng lo; “Lalpa Pathian zeizawng tikhotu, a um rawh mi leh, a um liau mi leh a hawng um ding mi chu, a thenhlimh, a thenhlimh, a thenhlimh,” ti hen.

THUPHUANG 5:11

Chun, ka zauh le, laltophah leh thilnung pali leh upa tla kiangah chun vânmifial a sîng a sîng tam tak aw-hâu chu ka theih. Thilnung tla leh upa tla leh laltophah hêl hen an dîr le, hâu fâk tak hen,

THUPHUANG 5:12

“Dawrâ Fa thah rawh mi hi, thiltikhonâk tla, neih leh siahnâk tla, finghnâk tla, chaknâk tla, chawnglawmhnâk tla, rokualnâk tla, malsâwmnâk tla tawng tlâk asi,” ti hen la an sak.

THUPHUANG 5:13

Chun, vân leh tual tlûnah leh tual tang leh tisumsumriat sungah thilsiam chikip leh laikulh sungah an um mi zawzawng tla nih, “Laltophah ah a to mi leh Dawrâ Fa sinah chun, malsâwmnâk leh chawnglawmhnâk tla rokualnâk tla leh lârêlnâk tla zungzâl hen um seh” ti hen an la sak ka theih.

THUPHUANG 5:14

Chun, thilnung pali tla nih chun, “Amen,” ti hen an sâng le, upa tla khawm nih bawkbukhup hen an mâimûk rawh.

THUPHUANG 6:16

Chun, tlâng tla leh lungpi tla sinah chun, “Hawng kan denh rawh, Dawrâ Fa thinthawknâk thawk hen leh laltophah ah a to mi mitmuh lonâk ah hawng kan phenh rawh,

1 SAMUEL 2:10

LALPA mêlma tla chu veih an si lai le, vân thawk hen khuarît hen a do na lai. LALPA nih laikulh pumpi lâi a rêl lai le; a lal sinah thiltikhonâk a pêk lai, a lal thîm ruangah nehnâk a pêk lai,” a ti.