THUPHUANG 5:12 - Bawm Common Language Bible Version

¹² “Dawrâ Fa thah rawh mi hi, thiltikhonâk tla, neih leh siahnâk tla, finghnâk tla, chaknâk tla, chawnglawmhnâk tla, rokualnâk tla, malsâwmnâk tla tawng tlâk asi,” ti hen la an sak.

THUPHUANG 5:12 ပူးပေါင်းရင်းမြစ်များ

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 17:2

kha hâwi hen mi zawzawng tlûnah thu nei hen na siam mi nih khan, a sinah na pêk mi vial tla sinah zungzâl nungnâk a pêk khonâk ding hen.

2 KORIN 8:9

Kan Lalpa Jisu Krist zângfahnâk chu a pâmnâk ruangah nan hawng nei khonâk ding hen, nei khawmsele nanmah ruang takah a hawng pâm mi kha nan theih asi.

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

THUPHUANG 1:6

a Pathian leh Pa rianṭuan ding hen a lalram ah bâwlpu ah hawng kan siamtu Jisu Krist sinah rokualnâk leh lâirêlnâk chu zungzâl hen um seh! Amen.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 15:3

Chun, Pathian to-aw Mosi la leh Dawrâ Fa la chu an sak le, Lalpa Pathian zeizawng tikho, na thilti tla chu a rokual hen a chê le! Nang phun kip Lalchem, na lampi tla chu a dik hen â rep asi!

THUPHUANG 19:1

Chu nûn chun, vân ah mi zapi aw-hâu fak tak hâwi hen, “Halleluia’’ (Pathian chu sawr u), ruangsuahnâk tla, rokualnâk tla, thiltikhonâk tla, kan Pathian tâ asi;

THUPHUANG 4:11

“Nang kan Lalpa leh kan Pathian, rokualnâk tla, chawnglawmhnâk tla, thiltikhonâk tla tawng tlâk na si. Nangnih zeizawng na siam le, nangmah duh thu hen nungnâk na pêk na asi,” an ti.

THUPHUANG 5:13

Chun, vân leh tual tlûnah leh tual tang leh tisumsumriat sungah thilsiam chikip leh laikulh sungah an um mi zawzawng tla nih, “Laltophah ah a to mi leh Dawrâ Fa sinah chun, malsâwmnâk leh chawnglawmhnâk tla rokualnâk tla leh lârêlnâk tla zungzâl hen um seh” ti hen an la sak ka theih.

THUPHUANG 5:6

Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.

THUPHUANG 5:8

Chun, lasuibu chu a lâk kâ hen thilnung pali tla leh upa kul leh pali tla chu ṭingṭang leh ngûn berhbu rimthâw hen a khat mi put chiau hen Dawrâ Fa mâika ah chun an bawkbukhup rawh; chubang rimthâw tla chu Pathian mi tla thlachamnâk asi.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.

THUPHUANG 6:1

Chun, Dawrâ Fa nih chun singsiahnâk pasarih lakah pakhat chu a samh liau ka muh le, chun thilnung pali lakah pakhat nih chun khuari mi hâu hâwi hen, “Hawng rawh,” a ti mi ka theih.

THUPHUANG 7:12

“Amen! Malsâwmnâk tla, rokualnâk tla, finghnâk tla, lâwmthusimnâk tla, zahnâk tla, chawnglawmhnâk tla, thiltikhonâk tla, chaknâk tla, zungzâl hen kan Pathian sinah um seh, Amen,” ti hen Pathian an mâimûk.