THUPHUANG 5:11 - Bawm Common Language Bible Version

¹¹ Chun, ka zauh le, laltophah leh thilnung pali leh upa tla kiangah chun vânmifial a sîng a sîng tam tak aw-hâu chu ka theih. Thilnung tla leh upa tla leh laltophah hêl hen an dîr le, hâu fâk tak hen,

THUPHUANG 5:11 ပူးပေါင်းရင်းမြစ်များ

1 Lal 22:19

Mikaiah nih a sim vima le, “Tuah LALPA thusim hi ngâinik, LALPA chu vân ah a laltophah ah to hen a kiangkam ah vânmifial tla zawzawng hen dîr mi ka muh.

SAM 103:20

Nannih vânmifial chak tak leh thiltikho tak tla, a dân thu zûltu leh a thusim ngâitu tla, LALPA chu sawr u.

SAM 148:2

Vânmifial zawzawng tla leh a kawrsen zawzawng tla, amah chu sawr u.

SAM 68:17

LALPA chu a rang kari chak sâng tam tak hen Sinai thawk hen mun thenhlimh ah a hawng kal.

DANIAL 7:10

chu thawk hen chun mei tiva a hawng suak, mi sâng tam tak nih a rian an ṭuan piak le, mi nuaikhat a mâika ah an dîr, lâirêlnâk chu dawmh asi le, lasuibu tla an kêu.

DEUTERONOMY 33:2

LALPA chu Sinai Tlâng thawk hen a ṭum le; Edom ram tlûnah nî hâwi hen a hawng suak le, Paran Tlâng thawk hen a mi tla a hawng cherh na. A sinah vânmifial sâng râ an um le, a kut vawrhlei ah meialh a um.

HEBRAI 12:22

Zion Tlâng leh Pathian nung khua, vân Jerusalem, a vânmifial sâng tam tak tla umnâk chu nan hawng tleng rawh.

JUD 1:14

Adam thawk hen san sarihnâk Enok nih chun chubang tla thu chu hun sâwt tak thawk hen a simkan rawh asi, “Ngâinik u, Pathian lunglotu tla nih an thilti leh an thusim ṭihnungkâi tak leh Pathian an simsiat ruangah, lâirêl ding hen Lalpa chu a vânmifial thenhlimh sâng tam tak hen a hawng awt,” ti hen.

THUPHUANG 19:6

Chun, mi zapi cherkhet aw-hâu hâwi leh, tî tam tak â khâwk mi rihâu hâwi leh khuarît fâk tak hâwi hen, “Halleluia’’ (Pathian chu sawr u), kan Lalpa, Pathian Zeizawng tikho chu lalchem asi,

THUPHUANG 4:4

Chun, laltophah chu laltophah dang kul leh pali nih an kulh, laltophah ah chun upa kul leh pali chu puanvâr aih leh ngûn lallukhuh khuh hen an to.

THUPHUANG 4:6

Chun, laltophah mâika ah chun tisumsumriat thlalang hâwi, kristal lung hâwi hen a tliang mi hi a um le, chun, laltophah kulh dak hen thilnung pali dung leh mâi hen mit a khat phak mi an um.

THUPHUANG 5:14

Chun, thilnung pali tla nih chun, “Amen,” ti hen an sâng le, upa tla khawm nih bawkbukhup hen an mâimûk rawh.

THUPHUANG 5:6

Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.

THUPHUANG 5:8

Chun, lasuibu chu a lâk kâ hen thilnung pali tla leh upa kul leh pali tla chu ṭingṭang leh ngûn berhbu rimthâw hen a khat mi put chiau hen Dawrâ Fa mâika ah chun an bawkbukhup rawh; chubang rimthâw tla chu Pathian mi tla thlachamnâk asi.

THUPHUANG 7:11

Chun, vânmifial zawzawng tla chu laltophah leh upa tla leh thilnung pali tla hêl bung hen an dîr le, laltophah mâika ah,

THUPHUANG 9:16

Rang kêng tlûnah anna chuan mi kawrsen tla tam zia chu sîng lir hen mun sing nih (200,000,000) an si ti an ka simh.