THUPHUANG 5:1 - Bawm Common Language Bible Version

¹ Chun, laltophah ah a to mi kut vawrhlei ah chun lasuibuzual, sunglei leh lênglei hen â rîn mi, singsiahnâk pasarih hen singsiah thlir mi chu ka muh.

THUPHUANG 5:1 ပူးပေါင်းရင်းမြစ်များ

ISAI 29:11

Khuavâng tla nih langhnâk an muh mi thu umzia chu nan lakah thuh asi lai; singsiahnâk lasui zual hâwi asi lai. Midang âumawh a rêl thiam mi sinah nan va kalpi hen an rêl piak na ding ngiar khawm ule, “singsiah mi asi ruangah ka ti kho lo,” a ti lai.

ISAI 34:16

LALPA thilnung siam mi lasuibu ah hâwl le, zei a sim rêl rawh. Hi bang thilsiam lakah pakhat khawm relh asi lai lo, a bawp um lo mi pakhat khawm a um lo. LALPA nih chu hâwi hen um ding hen thu a pêk, amah tak nih a pumh na lai.

ISAI 8:16

Nannih ka ṭhiruai tla chu, Pathian nih thuchah hawng ka pêk mi vêngtu leh kiltu ding nan si.

DANIAL 8:26

Zînglei leh zânlei bâwlnâk langhnâk ah na muh mi thu chu na sinah simhfiang hen a um mi chu a hawng tlung ngelchel lai. Sikhawmsele hun sâwt ual tikah a hawng tlung ding mi asi ruangah na thinlung ah a thuptê hen kil ziar ko,” a ti.

ZEKARIA 5:1

Ka hawi nawlh le, tutan chu lasuibuzual vân leiah a zuang mi ka muh.

THUPHUANG 10:2

Chun, a kut ah chun lasuibuzual samh chia a put le, a kê vawrhlei hen tisumsumriat a lamh le, a kehlei hen tlâng a lamh;

THUPHUANG 4:3

A mêl chu Jaspar leh sardonik lung hâwi ko hen a lang le, chunah chun laltophah kiangah chumchâ, emeral lung hâwi mi hi a kho.

THUPHUANG 4:9

Chun, thilnung pali tla nih chun laltophah ah a to mi, zungzâl hen a nung kumza mi chu la rokual tak hen an chawnglawmh hen lâwmthu an sim kip ah,

THUPHUANG 5:13

Chun, vân leh tual tlûnah leh tual tang leh tisumsumriat sungah thilsiam chikip leh laikulh sungah an um mi zawzawng tla nih, “Laltophah ah a to mi leh Dawrâ Fa sinah chun, malsâwmnâk leh chawnglawmhnâk tla rokualnâk tla leh lârêlnâk tla zungzâl hen um seh” ti hen an la sak ka theih.

THUPHUANG 5:7

Chun, Dawrâ Fa chu a va kal le, laltophah ah a to mi kut vawrhlei mi lasuibu chu a lâk rawh.

THUPHUANG 6:1

Chun, Dawrâ Fa nih chun singsiahnâk pasarih lakah pakhat chu a samh liau ka muh le, chun thilnung pali lakah pakhat nih chun khuari mi hâu hâwi hen, “Hawng rawh,” a ti mi ka theih.

THUPHUANG 6:16

Chun, tlâng tla leh lungpi tla sinah chun, “Hawng kan denh rawh, Dawrâ Fa thinthawknâk thawk hen leh laltophah ah a to mi mitmuh lonâk ah hawng kan phenh rawh,

THUPHUANG 8:1

Chun, Dawrâ Fa nih chun singsiahnâk pasarihnâk chu a samh ka hen vân ah chun dârkar chanve ding chu dâisipnâk a hawng um.