THUPHUANG 4:9 - Bawm Common Language Bible Version

⁹ Chun, thilnung pali tla nih chun laltophah ah a to mi, zungzâl hen a nung kumza mi chu la rokual tak hen an chawnglawmh hen lâwmthu an sim kip ah,

THUPHUANG 4:9 ပူးပေါင်းရင်းမြစ်များ

SAM 47:8

Pathian chu a laltophah thenhlimh tlûnah a to le, phun tla tlûnah lâi a rêl.

SAM 48:14

“Hi Pathian hi zungzâl kan Pathian asi; tik a hawng tlung ding mi zawng lakah hawng kan rui lai,” ti hen.

EXODUS 15:18

LALPA, nang chu, zungzâl hen lalchem ding mi chu na si,” an ti.

ISAI 6:1

Lalchem Uziah thih kum ah LALPA ka muh. Laltophah ah a to le, sâng tak ah chungnungtir hen a um le, a kawrfual nih Biakin pumpi a khattir.

DANIAL 12:7

Chu vânmifial nih chun a kut vân leiah zangh bû hen zungzâl Pathian min hen thu bir tak hen a tiam. A thusim ka theih mi chu, “Kum thum leh a khing asi lai. Pathian mi tla nehsawhnâk a dawng tikah chubang thil zawzawng tla hi a hawng tlung lai,” a ti.

DANIAL 4:34

Lal nih, “Kum sarih a hawng vei rawh chun, vân lei ka zauh le, ka thinlung ah theihnâk a hawng kîr nawlh. Pathian rokual chu ka sawr le, zungzâl um kumza mi sinah zahnâk leh rokualnâk ka pêk. “Anih nih lâi a rêl kumza lai le, a lalram chu zeiliau zawng ah a um kumza lai.

DEUTERONOMY 32:40

Kei, Pathian nung kasi kar vial chu ka kut phar hen thu ka tiamh.

HEBRAI 7:25

Chun, amah lakah Pathian sinah hawng kal mi tla chu a dawngh tiang hen ruang a suah kho asi, anmah tla rangah thlacham piak hen zungzâl hen a nung kumza ruangah.

HEBRAI 7:8

Bâwlpu tla leikâng thu lam chu a thi kho mi minung tla nih an lâk le, sikhawmsele Melkizedek lam chu Pathian lasui thu nih a sim hâwi hen a nung kumza mi nih parâ lû ah pakhat a lâk asi.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.

THUPHUANG 10:6

zungzâl hen a um kumza mi Pathian min chu sâl hen, “Hun a tlâi lai lo rawh,

THUPHUANG 15:7

Chun, thilnung pali lakah pakhat nih chun, vânmifial pasarih tla sinah, zungzâl hen a nung kumza mi Pathian thinthawknâk hen a khat mi ngûn berhbu pasarih a pêk na.

THUPHUANG 21:5

Chun, laltophah ah a to mi nih chun, “Ngâinik, thil zawzawng ka siam thar rawh,” a ti. Chun, ka sinah, “Rîn rawh, hi bang thu hi a dik hen zumh a kâi asi,” a ti.

THUPHUANG 4:2

Chun, lâkkhat ko ah Thlarau hen ka hawng um sawm le, ngâinik, vân ah chun laltophah ah chun âumawh a to.

THUPHUANG 4:8

Chun, thilnung pali nih chun thla paruk chiau an nei le, an sunglei leh lênglei mit hen a khat phak, sûn leh zân hen la sak an bâng lo; “Lalpa Pathian zeizawng tikhotu, a um rawh mi leh, a um liau mi leh a hawng um ding mi chu, a thenhlimh, a thenhlimh, a thenhlimh,” ti hen.

THUPHUANG 5:1

Chun, laltophah ah a to mi kut vawrhlei ah chun lasuibuzual, sunglei leh lênglei hen â rîn mi, singsiahnâk pasarih hen singsiah thlir mi chu ka muh.

THUPHUANG 6:16

Chun, tlâng tla leh lungpi tla sinah chun, “Hawng kan denh rawh, Dawrâ Fa thinthawknâk thawk hen leh laltophah ah a to mi mitmuh lonâk ah hawng kan phenh rawh,

THUPHUANG 7:15

churuangah, Pathian laltophah mâika ah dîr hen a sûn a zân hen a rian an ṭuan asi; chun, laltophah ah a to mi nih chun a vêng na lai.