THUPHUANG 4:8 - Bawm Common Language Bible Version

⁸ Chun, thilnung pali nih chun thla paruk chiau an nei le, an sunglei leh lênglei mit hen a khat phak, sûn leh zân hen la sak an bâng lo; “Lalpa Pathian zeizawng tikhotu, a um rawh mi leh, a um liau mi leh a hawng um ding mi chu, a thenhlimh, a thenhlimh, a thenhlimh,” ti hen.

THUPHUANG 4:8 ပူးပေါင်းရင်းမြစ်များ

GENESIS 17:1

Abram chu kum sâwmkua leh kum kua asi liauah LALPA chu a sinah â langh le, “Kei Pathian zeizawng tikho kasi. Ka thu ngâi le, thil dik ti kumza rawh.

SAM 91:1

Him ding hen LALPA sinah kaltu leh zeizawng tikho Zauhkhenhnâk tangah umtu tla nih chun

EXODUS 15:11

LALPA, pathian tla lakah nang hâwi âu me um? Thenhlimhnâk leikângah chê tak mi nang hâwi âu me um? ‘Nangmah hâwi hen mi chak leh thilchê tikho âu me um?

EXODUS 3:14

Pathian nih, “Keimah kasi a ti mi kha kasi, a ti. ‘Keimah kasi titu nih nan sinah hawng ka fial asi, na ti ding asi,” a ti.

ISAI 13:6

Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

ISAI 62:1

Jerusalem fawrhnâk thu ka sim lai le; Him tak hen a um lânlo leh a nehnâk chu Zân ah mi meifâr hâwi asi lânlo chu ka dâisip awtlo.

EZEKIEL 1:18

Chu kari tlâng chu mit nih a tuam zat.

EZEKIEL 1:5

Chu thli lâi ah chun, minung mêl put hen thilnung siam mi pali ka muh le,

EZEKIEL 1:6

chu tla nih mêl pali ah thlâ pali an nei chiau.

EZEKIEL 10:12

An taksa tla, an dunglei tla, an kut tla, an thlâ tla leh kari kê tla chu mit nih a tuam zat.

JOEL 1:15

LALPA ni chu a nâi rawh, Zeizawng tikho nih siatnâk a hawng tlungtir ding mi ni chu: Chu ni ah thil a hawng tlung ding mi chu ṭihnung a kâi a!

THILTI 20:31

Churuangah ruat tet u; kum thum thlo mitthli tlâk bû hen, a sûn a zân hen mikip nunsimh ka bâng lo kha, theihkumza u.

2 KORIN 6:18

Nan rangah Pa kasi lai le, nannih khawm ka rangah fanu fapa nan si lai, Lalpa zeizawng tikho nih chun a ti,” ti hen, a sim hâwi khan.

1 THESALONIKA 2:9

Unau tla, kan rianṭuan hamhzia leh kan rianṭuan dît zia kha nan theih ko kha; nan lakah âukhawm kan rittir na lonâk ding hen a sûn a zân ṭuan hen Pathian Thâwngthâng Ṭha kan simh na tâwn kha.

1 TIMOTHE 4:16

Nangmah leh na sîntirnâk ah chun a thiamthih rawh, chubang tla thil chu ti hen nangmah leh na thusim ngâitu tla chu ruang na suah awt asi.

2 TIMOTHE 4:2

Thu sim rawh, a tik tla ah, a tik lo tla ah khawm ti vima; dawnhkho tak hen, sîntir bû hen an mawhnâk theihtir le, nunsimh leh fawrh rawh.

HEBRAI 13:8

Jisu Krist chu mazân khawm, tusûn khawm ah leh kumleza hen a mahmun hen a um kumza.

THUPHUANG 1:4

Johan nih chun Asia ram ah kawhmi murui sarih tla sinah: Um liau leh um rawh leh hawng um ding mi sinah leh a laltophah mâika ah thlarau pasarih tla thawk hen, Jisu Krist theihpitu zumhkâi tak, mithi lakah mi suak masa chem leh tual ah lal tla lâirêltu thawk hen zângfahnâk leh remnâk nan sinah um seh. Hawng kan zângfah le, a thisen hen kan sual lakah mi hawng kan tlanh le,

THUPHUANG 1:8

“Kei Alpha leh Omega kasi,” Lalpa Pathian, um liau leh um rawh leh hawng um ding mi, zeizawng tikho nih chun a ti asi.

THUPHUANG 11:17

“Zeizawng tikhotu, Lalpa Pathian, um liau leh um rawh mi, na thiltikhonâk rokual tak chu lâk hen, lâirêl na dawmh rawh ruangah ka nan sawr asi!

THUPHUANG 14:11

Chu minung tla rêpnâk meikhû chu zungzâl hen a kâi lai le, sarâng leh a lem mâimûktu tla, a min singsiahnâk neitu tla vial chu anmah rêpnâk, a sûn a zân hen dinh ni an nei lai lo,” ti hen a âu.

THUPHUANG 14:3

Laltophah mâika ah leh thilnung pali tla leh upa tla mâika ah chun la thar an sak le, chu la thar chu âukhawm nih tual a mi tlanh chia tla mi nuai khat leh sîng li leh sâng li tla cho lo nih chun anna sîn kho lo.

THUPHUANG 15:3

Chun, Pathian to-aw Mosi la leh Dawrâ Fa la chu an sak le, Lalpa Pathian zeizawng tikho, na thilti tla chu a rokual hen a chê le! Nang phun kip Lalchem, na lampi tla chu a dik hen â rep asi!

THUPHUANG 15:7

Chun, thilnung pali lakah pakhat nih chun, vânmifial pasarih tla sinah, zungzâl hen a nung kumza mi Pathian thinthawknâk hen a khat mi ngûn berhbu pasarih a pêk na.

THUPHUANG 16:14

Chun, chu tla chu khuri thlarau thilche titu tla an si. Hi thlarau pathum tla hi Zeizawng tikho Pathian ni rokual ah râltuknâk ah kalpi na ding leh laikulh lal zawzawng tla pumh na ding hen an suak rawh.

THUPHUANG 16:7

Chun, mâichâm thawk hen aw-hâu nih chun “Lalpa Pathian Zeizawng tikho, na lâirêl tla chu a dik hen â rep asi,” a ti mi ka theih.

THUPHUANG 19:15

Chun, a kâ thawk hen namsâu hâr tak a suak le, chu hen chun phun kip a neh lai, thîr ṭhianṭhunh hen lâi a rêl lai le, Pathian Zeizawng tikho thinrunhnâk fâk tak grep sûrnâk khur ah an sûr lai.

THUPHUANG 19:4

Chun, upa kulpali leh thilnung pali tla chu an bawkbukhup le, Pathian laltophah ah a to mi chu an mâimûk le, “Amen! ‘’Halleluia’’ (Pathian chu sawr u!’’) an ti.

THUPHUANG 21:22

Lalpa Pathian Zeizawng tikho leh Dawrâ Fa chu biakin asi ruangah chun ah chun biakin rerêng ka muh lo.

THUPHUANG 3:7

“Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.

THUPHUANG 4:4

Chun, laltophah chu laltophah dang kul leh pali nih an kulh, laltophah ah chun upa kul leh pali chu puanvâr aih leh ngûn lallukhuh khuh hen an to.

THUPHUANG 4:6

Chun, laltophah mâika ah chun tisumsumriat thlalang hâwi, kristal lung hâwi hen a tliang mi hi a um le, chun, laltophah kulh dak hen thilnung pali dung leh mâi hen mit a khat phak mi an um.

THUPHUANG 4:9

Chun, thilnung pali tla nih chun laltophah ah a to mi, zungzâl hen a nung kumza mi chu la rokual tak hen an chawnglawmh hen lâwmthu an sim kip ah,

THUPHUANG 5:6

Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.

THUPHUANG 6:1

Chun, Dawrâ Fa nih chun singsiahnâk pasarih lakah pakhat chu a samh liau ka muh le, chun thilnung pali lakah pakhat nih chun khuari mi hâu hâwi hen, “Hawng rawh,” a ti mi ka theih.

THUPHUANG 6:6

Chun, thilnung pali tla lâiah chun aw-hâu hâwi hen, “Ni khat lawhman wheat fâng khîng khat, ni khat lawhman hen barley fâng khîng thum; oliv thing leh grep zûn lam chu râwk lah,” a ti mi ka theih.

THUPHUANG 7:11

Chun, vânmifial zawzawng tla chu laltophah leh upa tla leh thilnung pali tla hêl bung hen an dîr le, laltophah mâika ah,

THUPHUANG 7:15

churuangah, Pathian laltophah mâika ah dîr hen a sûn a zân hen a rian an ṭuan asi; chun, laltophah ah a to mi nih chun a vêng na lai.