THUPHUANG 4:7 - Bawm Common Language Bible Version

⁷ Thilnung pakhatnâk chu chakeibaknei hâwi asi. Thilnung panihnâk chu chawpê hâwi asi. Thilnung pathumnâk chu minung hâwi asi. Thilnung palinâk chu mupi zuang liau hâwi asi.

THUPHUANG 4:7 ပူးပေါင်းရင်းမြစ်များ

GENESIS 49:9

Juda chu chakeibaknei hâwi asi, Sa a seh le, a pûk lakah a hawng kîr nawlh le, Â zangh le, a it. Âukhawm nih an tawngh ngam lo.

2 SAMUEL 1:23

“Saul leh Jonathan chu duhrim an kâi hen an chê, an nung leh an thihnâk khawm â rual, mupi ngâk hen an khulrang, chakeibaknei ngâk khawm an chak.

THUFING LASUIBU 28:2

Phun tla an sual chun, a nehnûnah lâirêltu dang pakhat an nei nawlh. Sikhawmsele, phun tla chu ruitu fing nih a rui na chun chak tak hen a um kumza.

ISAI 40:31

Sikhawmsele, ṭangpitu ding ah LALPA lakah â ngauh mi nih chun chaknâk thar a tawng lai. Mupi hâwi hen thla hen an zuang lai le; an tek lai le, an dî lai lo; an kal lai le, an uai lai lo.

EZEKIEL 1:10

Thilnung kip nih mêl dang zât li an nei chiau: mâilei kângah chun minung mêl, vawrhlei kângah chun chakeibaknei mêl, kehlei kâng chu chawchal mêl, dunglei kângah mi chu mupi mêl an put.

EZEKIEL 1:8

An thlâ pali leh an mêl pali lâwng silo hen an thlâ tang kip ah minung kut pali thlâ pakhat tang kip ah pakhat an nei seng.

EZEKIEL 10:14

Thilnung kip nih mêl pali an nei. A pakhatnâk chawchal mêl, a panihnâk chu minung mêl, a pathumnâk chu chakeibaknei mêl, a palinâk chu mupi mêl an put.

EZEKIEL 10:21

An ektê hen mêl pali, thlâ pali, an thlâ tangah minung kut hâwi an nei seng.

DANIAL 7:4

Pakhat chu chakeibaknei hâwi asi, sikhawmsele mû hâwi hen thlâ a nei, ka zauh ko liauah a thlâ tla â thlêr hep. Chu sarâng chu châwi ving hen a um le, minung hâwi hen a dîrtir, churawhchun minung thinlung a sinah pêk hen a um.

OBADIAH 1:4

Na in chu mupi bû hâwi a sâng hen siam hen ârfi nâwngah lang hen um menza khawmsele, ka nan thlâk ving awt.

NUMBER 23:24

Israel phun tla chu chakeibaknei chak tak hâwi an si: A thlêr dip le, râwk dep hen, A thah na mi tla thî a din lânlo chu â dîn lo,” a ti.

NUMBER 24:9

Chu phun chu chakeibaknei chak tak hâwi asi le, A it liauah âukhawm nih an thawh ngam lo. Âuzawng Israel malsâwmtu chu malsâwm hen a um lai le, Âuzawng Israel siatbarhtu chu siatbarh asi bâk lai,” a ti.

1 KORIN 14:20

Unau le tla, thinlung leikâng ah ngâksia lah u. Sikhawmsele, sual leikâng lam chun fasêm si ule, thinlung leikâng lam chun upa si u.

DEUTERONOMY 28:49

Tual dawngnâk ah mi phun an hawlh khawm nan theihlo mi LALPA nih nanmah do ding hen a hawng fial awt. Mupî â thlûr mi hâwi hen a nan nam na lai.

THUPHUANG 4:6

Chun, laltophah mâika ah chun tisumsumriat thlalang hâwi, kristal lung hâwi hen a tliang mi hi a um le, chun, laltophah kulh dak hen thilnung pali dung leh mâi hen mit a khat phak mi an um.

THUPHUANG 6:3

Chun, singsiahnâk panihnâk chu a samh kâ hen thilnung panihnâk nih, “Hawng rawh,” a ti mi ka theih.

THUPHUANG 6:5

Chun, singsiahnâk pathumnâk chu a samh kâ hen, thilnung pathumnâk nih chun, “Hawng rawh,” a ti mi ka theih; chun ka zauh le, rang dum ka muh, a tlûnah â chuan mi nih chun khinghnâk a put.

THUPHUANG 6:7

Chun, singsiahnâk palinâk chu a samh kâ hen, thilnung palinâk nih chun “Hawng rawh,” a ti mi ka theih.