THUPHUANG 4:4 - Bawm Common Language Bible Version

⁴ Chun, laltophah chu laltophah dang kul leh pali nih an kulh, laltophah ah chun upa kul leh pali chu puanvâr aih leh ngûn lallukhuh khuh hen an to.

THUPHUANG 4:4 ပူးပေါင်းရင်းမြစ်များ

ESTHER 8:15

Mordekai chu lal thuam, a pâwl mi leh a ngo mi thuam hen, kawrfual senduk, ngûn lukhuh rokual tak khuh bû hen lal in thawk hen a suak rawh. Churawhchun, Susa khuapi chu lawmhnâk leh chawnglawmhnâk hâu hen a tlirhkhâwng.

SAM 21:3

Malsâwmnâk rokual tak hen a sinah na hawng le, a lû ah ngûn lallukhuh na khuh.

MATHAI 19:28

Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

THUPHUANG 11:16

Chun, Pathian mâika ah an laltophah ah upa kul leh pali an to mi tla chu bawkbukhup hen Pathian an mâimûk le,

THUPHUANG 14:3

Laltophah mâika ah leh thilnung pali tla leh upa tla mâika ah chun la thar an sak le, chu la thar chu âukhawm nih tual a mi tlanh chia tla mi nuai khat leh sîng li leh sâng li tla cho lo nih chun anna sîn kho lo.

THUPHUANG 19:14

Chun, vân ah kawrsen tla nih chun, puan mangṭhia vâr tak aih hen rang ngo tlûnah chuan bû hen an zûl.

THUPHUANG 19:4

Chun, upa kulpali leh thilnung pali tla chu an bawkbukhup le, Pathian laltophah ah a to mi chu an mâimûk le, “Amen! ‘’Halleluia’’ (Pathian chu sawr u!’’) an ti.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.

THUPHUANG 3:18

Minei na si khonâk ding hen ka sinah mi, ngûn thenhlimh châwk ding hen ka nan simh asi. Puanvâr na aih ding hen leh na takkaro ningzakkâi tak chu khuh ding leh na mit ah buaih ding hen mit fâk turpâng tla châwk ding ka nan simh asi, na muh khonâk ding hen.

THUPHUANG 4:10

Upa kul leh pali tla chu laltophah ah a to mi mâika ah chun an lallukhuh chu siah hen zungzâl nung kumza mi chu an mâimûk le;

THUPHUANG 4:6

Chun, laltophah mâika ah chun tisumsumriat thlalang hâwi, kristal lung hâwi hen a tliang mi hi a um le, chun, laltophah kulh dak hen thilnung pali dung leh mâi hen mit a khat phak mi an um.

THUPHUANG 5:11

Chun, ka zauh le, laltophah leh thilnung pali leh upa tla kiangah chun vânmifial a sîng a sîng tam tak aw-hâu chu ka theih. Thilnung tla leh upa tla leh laltophah hêl hen an dîr le, hâu fâk tak hen,

THUPHUANG 5:14

Chun, thilnung pali tla nih chun, “Amen,” ti hen an sâng le, upa tla khawm nih bawkbukhup hen an mâimûk rawh.

THUPHUANG 5:6

Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.

THUPHUANG 5:8

Chun, lasuibu chu a lâk kâ hen thilnung pali tla leh upa kul leh pali tla chu ṭingṭang leh ngûn berhbu rimthâw hen a khat mi put chiau hen Dawrâ Fa mâika ah chun an bawkbukhup rawh; chubang rimthâw tla chu Pathian mi tla thlachamnâk asi.

THUPHUANG 6:11

Chun, an sinah puanvâr an pêk chiau na le, an to-aw hâwi tla leh an unau tla, anmah hâwi ber hen thah ding mi tla kha an kim ver lânlo chu anna dîn rih ding asi ti hen an simh.

THUPHUANG 7:11

Chun, vânmifial zawzawng tla chu laltophah leh upa tla leh thilnung pali tla hêl bung hen an dîr le, laltophah mâika ah,

THUPHUANG 7:9

Chun, chu nûnah chun ka zauh le, mi zapi cherkhet, âukhawm rêlchâwklo, phun kip lakah mi tla, chi kip lakah mi tla, mikip lakah mi tla, hawlh kip lakah mi tla, puanvâr aih hen, leh tûmkâu put hen, laltophah mâika ah leh, Dawrâ Fa mâika ah an dîr mi ka muh.

THUPHUANG 9:7

Chun, khâubawk tla umdân chu rang tla râltuk ding hen anna tîm zet mi hâwi an si; ngûn lallukhuh hâwi anna khuh le, an mêl khawm minung mêl hâwi asi.