THUPHUANG 3:9 - Bawm Common Language Bible Version

⁹ Ngâinik, Setan pumhnâk in tla lakah mi, Juda tak silo hen Juda anna ti mi tla chu ka hawng fial lai le, na kê bul ah kan mâimûktir lai le, âuzawng nih ka nan zângfah ti an theih lai rawh.

THUPHUANG 3:9 ပူးပေါင်းရင်းမြစ်များ

ESTHER 8:17

Lal thusuah a tlengnâk ram ṭhen kip ah Juda tla nih lâwmnâk puai an tuah le, thungâi an lâwptlo. Chu hâwi a hawng si ruangah mi tam tak anmah ṭih ruangah Juda phun ah anna siam.

EXODUS 11:8

Mosi nih, “Na rianṭuantu tla zawng ka sinah an hawng lai le, ka mâika ah an kûn lai, ka mi tla zawzawng put hen kal ving ding hen an ka ngiar lai. Chu tikah ka kal lai rawh,” a ti. Churawhchun, thinthawk bû hen Mosi nih lalchem chu a kaltâk rawh.

ISAI 43:4

Na nungnâk hum ding hen phun zawzawng ka nâutir lai le, ka lakah na sung ruangah leh ka nan dâwt hen zahkâinâk ka nan pêk ruangah.

ISAI 45:14

LALPA nih Israel sinah, “Aigupta leh Sudan neihnâk chu na tâ asi lai le, Seba ram ah mi sâng tla chu na sal an si lai; rêng khimh bû hen a nan zûl lai. Na sinah an hawng kûn lai le, ‘Pathian na sinah a um, Amah cho chu Pathian chu asi,’ ti hen thutluang an vâwr lai.

ISAI 49:23

Lalchem tla chu na rangah pa hâwi an si lai le; lalnu tla chu nu hâwi an si lai. Na mâika ah an hawng kûn hen a nan zah lai; thinlung nâu tak hen a nan zah zia an langh lai. Chu tikah kei LALPA kasi mi leh keimah ṭangpinâk ngâktu tla chu pakhat khawm lungdawng hen an um lai lo ti na theih lai,” a ti.

ISAI 60:14

Nangmah a nan nehsawhtu fapa tla an hawng lai le, An zah ti theihnâk ding hen na mâika ah an kûn lai. A nan zauhnawmhtu tla nih na kezaphah bul ah an mâimûk lai. ‘LALPA khuapi’ ‘Zion, Israel Pathian Thenhlimh khuapi’ a nan ti lai.

JOHAN 17:23

kei anmah lakah, nang keimah lakah, annih chu rangtling tak hen pumkhat an si khonâk ding hen; nangnih kei na ka fial ti leh na ka dâwt hâwi hen annih hi na dâwt ti laikulh nih an theih khonâk ding hen.

THUPHUANG 2:9

Nâ hamh zia tla, na pâm zia tla ka theih le, sikhawmsele, na nei ṭung fâwn! Juda tak silo hen, Juda kan si titu, Setan murui lakah mi tla nih a nan simsâwi mi chu ka theih.

1 SAMUEL 2:36

Na thlâk tla an thibang tla nih chu bâwlpu sinah chun; tangka leh buh an deih lai le, bâwlpu ṭangpitu siding hen an deih lai, thil zei zeimawh ei ding an tawng khonâk ding hen,” a ti.