THUPHUANG 3:7 - Bawm Common Language Bible Version

⁷ “Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.

THUPHUANG 3:7 ပူးပေါင်းရင်းမြစ်များ

JOB LASUIBU 11:10

Pathian nih rêp ding hen an tleih sele, âu a khap khotu ding a um?

JOB LASUIBU 12:14

Pathian nih a siat rawh mi chu âunih dirhnawlh kho lai? Pathian nih rêng a thlâk mi âunih suah kho lai?

SAM 145:17

LALPA chu a thilti zawzawngah â rep le, a thilti zawzawngah khua a ruat.

SAM 16:10

Thihnâk thiltikhonâk ah mi na ka hum hen na dâwt mi chu laikulh thihnâk lakah na mâk awtlo ruangah.

SAM 89:18

LALPA, nangmah nih hawng kan kilkâwitu na thîm; nangmah, Israel Pathian Thenhlimh nih kan lal na kan pêk.

ISAI 22:22

David thlâk lalchem tangah thuneihnâk rangtling ka pêk lai. Rianṭuannâk in renh a nei lai le; â awng rawh mi chu âukhawm nih a khâr lai lo rawh le, â khâr rawh mi chu âukhawm nih a awng lai lo rawh.

ISAI 30:11

Kan lampi ah mi suak ule, lam hawng kan kham mi hi bâng u. Nan Israel Pathian thenhlimh thu rerêng theih ding kan duh lo,” an ti.

ISAI 41:14

LALPA nih, “Israel na mê le, na chaklo ruangah ṭih lah; ka nan ṭangpi lai. Kei, Israel Pathian thenhlimh chu nangmah ruangsuahtu kasi.

ISAI 41:16

Boruak ah na vawrh phin lai le thli nih a ranh ving lai, thlipi nih a thektham hep lai. Churawhchun, kei na Pathian kasi ruangah na lâwptlo lai rawh; Israel Pathian thenhlimh chu na ka sawr lai rawh.

ISAI 41:20

Mi tla nih chu chu kei, LALPA nih ka ti mi asi ti an muh hen an theih lai. Israel Pathian Thenhlimh nih a ti taktê rawh ti hen theihthiamnâk an nei lai rawh,” a ti.

ISAI 47:4

Israel Pathian Thenhlimh nih hawng kan suah le, a min chu LALPA Zeizawng tikho asi.

ISAI 48:17

Israel Pathian thenhlimh nangmah a nan humtu LALPA nih thu a sim: “Kei hi LALPA nan Pathian, nanmah ṭhatnâk ding ah an sîntir na duhtu leh nan kalnâk ding lampi ah an kaltir natu kasi.

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

ISAI 54:5

Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

ISAI 55:5

Tuah ram dangah mi phun tla na kawh na lai le; veikhat ko chun an theih lai lo le, sikhawmsele tuah nangmah sinah a fawnh ding an hawng tek lai! Kei LALPA na Pathian Israel Pathian thenhlimh nih hi bang zawzawng hi ka hawng tlungtir lai le, zahnâk leh rokualnâk ka nan pêk lai,” a ti.

ISAI 6:3

An ektê hen anna auh tawnh: “A thenhlimh, A thenhlimh, A thenhlimh! LALPA Zeizawng tikho chu a thenhlimh! A rokualnâk nih laikulh a khattir,” ti hen.

MATHAI 16:19

Vân Ram renh tla ka nan pêk lai le, tual tlûnah zeizawng na khap mi vial vân ah khap asi lai; tual tlûnah zeizawng na phal mi vial vân ah phal asi lai,” a ti le, a sâng.

MATHAI 24:35

Tual leh vân a vei lai le, ka thu lam chu a vei lai lo.

MARK 1:24

“Nazaret Jisu, kannih leh nang zei me kanna tlâinâk um? Hawng kan veih ding hen na hawng mi masi? Nang ka nan theih, Pathian Mi Thenhlimh na si,” ti hen a âu sawm rawh.

LUK 1:32

Anih chu milian asi lai le, Chungnung chem Fapa an ti lai. Lalpa Pathian nih a sinah a thlâktu David laltophah chu a pêk lai.

LUK 4:34

“A! Nazaret Jisu, kannih leh nang zeime kanna tlâinâk um? Hawng kan veih ding hen na hawng mi masi? Nang ka nan theih asi, Pathian Mi Thenhlimh na si,” ti hen a âu.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

THILTI 3:14

Mi Thenhlimh leh Rep tak kha nan duh lo le, mi thahtu kha nan sinah pêk nan ngiar dauh.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.

THUPHUANG 15:3

Chun, Pathian to-aw Mosi la leh Dawrâ Fa la chu an sak le, Lalpa Pathian zeizawng tikho, na thilti tla chu a rokual hen a chê le! Nang phun kip Lalchem, na lampi tla chu a dik hen â rep asi!

THUPHUANG 16:7

Chun, mâichâm thawk hen aw-hâu nih chun “Lalpa Pathian Zeizawng tikho, na lâirêl tla chu a dik hen â rep asi,” a ti mi ka theih.

THUPHUANG 19:11

Chun, vân â awng mi ka muh le, chun, rang ngo leh a tlûnah â chuan mi, Zumhkâi leh Diktak, an ti mi chu ka muh le, anih nih chun rep tak hen lâi a rêl le, ral a do tâwn.

THUPHUANG 19:2

a lâirêlnâk tla chu a dik hen â rep asi, anih nih chun nunau â zuar mi rokual tak, a hurnâk ruangah tual râwktu chu a thu a chek piak rawh, a to-aw tla a thah na mi phû chu a lam piak rawh,” a ti mi ka theih.

THUPHUANG 2:1

“Ephesi khua mi kawhmi vânmifial sinah chun rîn rawh: “A kut vawrhlei ah ârfi pasarih put hen, ngûn meichêu pasarih kiangah â zî lemang mi nih khan hi bang thu hi a sim asi.

THUPHUANG 21:5

Chun, laltophah ah a to mi nih chun, “Ngâinik, thil zawzawng ka siam thar rawh,” a ti. Chun, ka sinah, “Rîn rawh, hi bang thu hi a dik hen zumh a kâi asi,” a ti.

THUPHUANG 3:14

“Laodikei khua kawhmi vânmifial sinah chun rîn rawh: “Amen thawk hen theihpitu zumhkâi tak leh diktak, Pathian thilsiam bul nih khan hi thuchah hi a sim asi.

THUPHUANG 4:8

Chun, thilnung pali nih chun thla paruk chiau an nei le, an sunglei leh lênglei mit hen a khat phak, sûn leh zân hen la sak an bâng lo; “Lalpa Pathian zeizawng tikhotu, a um rawh mi leh, a um liau mi leh a hawng um ding mi chu, a thenhlimh, a thenhlimh, a thenhlimh,” ti hen.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.

THUPHUANG 6:10

Annih nih chun aw-hâu fâk tak hen, “Lalpa, Zeizawng tikhotu, Mi Thenhlimh leh dik tak! Zei tiang me lâirêl lo hen tual ah an um mi tla tlûnah kan thisen suaknâk phû chu lam lo hen na um awt? ti hen an âu.