THUPHUANG 3:5 - Bawm Common Language Bible Version

⁵ A nehtu vial chu hâwi hen puanvâr aihtir an si lai le, Nungnâk lasuibu ah mi an min chu ka râwk rîimâl lai lo, ka Pa mâika ah leh a vânmifial tla mâika ah an min ka phuang dauh lai.

THUPHUANG 3:5 ပူးပေါင်းရင်းမြစ်များ

SAM 109:13

A thlâk zawzawng thi hep na seh, a thlâk nawlh tla lakah a min puang lah seh.

SAM 69:28

Nungnâk bu ah mi an min chu râwk hen um seh, na mi le rînnâk bu ah telh an silonâk ding hen.

MALAKI 3:17

LALPA Zeizawng tikho nih, “Ka mi tla an si lai, thil ka ti ni ah chun ka tâ tak an si lai, pa nih a rianṭuantu a fapa tlûnah khua a ruat mi hâwi hen an tlûnah khua ka ruat lai.

MATHAI 10:32

“Chuvachun, mi le tla mâika ah hawng ka ṭanhtu zawng ka Pa vân ah mi mâika ah ka ṭanh bâk lai.

LUK 10:20

Sikhawmsele, khuri tla nan thu thu hen an um ruangah a lâwm lah u; vân ah nan min rîn asi ruangah a lâwm dauh u,” a ti.

LUK 12:8

“Chun, ka nan simh na, mi le mâika ah hawng ka ṭanhtu zawng Pathian vânmifial tla mâika ah Minung Fapa nih a ṭanh bâk lai.

DEUTERONOMY 9:14

Hawng ka thloh rîlmâl lah. Ka veih dep na awt, âukhawm nih an theih na lai lo rawh. Nang hi anmah ngâk hen phun lian leh thiltikho dauh pa ah ka nan siam awt,’ a ti.

PHILIPI 4:3

Asi, nang khawm ka liangbat bahpitu tatak, ka nan sâwm bâk, kha nunau tla kha ṭangpi rawh. Thâwngthâng Ṭha ah chun hawng ka ṭuanpi tâwn le, Klemen hen, ka ṭuanpi midang nungnâk bu ah min chuang tla hen khan.

JUD 1:24

Chun, nan tlû lonâk ding hen an vêng na khotu leh rokualnâk ah lâwptlo tak hen leh nâwmtâm kawplo hen an siah na khotu,

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.

THUPHUANG 19:8

Puan mangṭhia chu mi thenhlimh tla thilti rep asi ruangah, puan mangṭhia thiang tak, a lek mi chu aihtir ding hen pêk asi.

THUPHUANG 2:11

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu vial chu thih nihnâk nih zeitin khawm a ti lai lo, a ti” ti hen.

THUPHUANG 2:7

“Thlarau nih kawhmi tla sinah thu a sim mi hi nâ a nei mi nih chun theih na seh. “A nehtu vial sinah chun Pathian Dûm ah mi nungnâk thing rah ei ding hen thu ka pêk lai a ti,” ti hen.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.

THUPHUANG 22:19

Chun, âuzawng nih hi lasuibu ah simhkannâk thu â rîn mi chu a veih chun hi lasuibu ah â rîn mi nungnâk thing rah leh Khua Thenhlimh ah mi a tingvo chu Pathian nih a lâk piak ving lai.

THUPHUANG 3:12

A nehtu vial chu ka Pathian Biakin ah chun intung ah ka siam lai le, chu thawk chun an suak lai lo rawh. Chun, anmah lakah chun, ka Pathian min leh, ka Pathian khuapi Jerusalem thar, ka Pathian sinah mi vân thawk hen a hawng ṭum ding mi min chu ka rîn lai le, ka min thar khawm ka rîn lai.

THUPHUANG 3:4

Sikhawmsele, Sardis khua ah an nipuan thiang mi tâwmtê nan um. Chu hâwi ti tlâk mi nan si ruangah, puanvâr aih hen ka sinah nan hawng lai.

THUPHUANG 6:11

Chun, an sinah puanvâr an pêk chiau na le, an to-aw hâwi tla leh an unau tla, anmah hâwi ber hen thah ding mi tla kha an kim ver lânlo chu anna dîn rih ding asi ti hen an simh.

1 SAMUEL 17:25

“Zauhnik u! Lalchem Saul nih a thah khotu chu lâwmman lian tak pêk ding a tiam, a fanu khawm pêk hen a man khawm a lâk awtlo a ti,” anna ti.