THUPHUANG 3:21 - Bawm Common Language Bible Version

²¹ A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.

THUPHUANG 3:21 ပူးပေါင်းရင်းမြစ်များ

MATHAI 19:28

Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

MATHAI 25:21

Anih nih chun a sinah, ‘To-aw ṭha leh zumhkâi, na ti zia a ṭha, tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

JOHAN 13:32

Pathian nih amah lakah chun anih chu a chawnglawmh lai, a chawnglawmh sawm lai.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

2 TIMOTHE 2:12

Kan tuar chun a lâirêlnâk ah lâi kan rêl lai. Amah kan phehtâk chun anih khawm nih hawng kan phehtâk lai.

THUPHUANG 1:6

a Pathian leh Pa rianṭuan ding hen a lalram ah bâwlpu ah hawng kan siamtu Jisu Krist sinah rokualnâk leh lâirêlnâk chu zungzâl hen um seh! Amen.

THUPHUANG 12:11

Kan unau tla nih chun Dawrâ Fa thisen zârah leh thih ngamh rê hen thudik an phuangnâk zârah anih chu an neh rawh;

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 2:7

“Thlarau nih kawhmi tla sinah thu a sim mi hi nâ a nei mi nih chun theih na seh. “A nehtu vial sinah chun Pathian Dûm ah mi nungnâk thing rah ei ding hen thu ka pêk lai a ti,” ti hen.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.

THUPHUANG 20:6

Hi thawknawlhnâk masa chem ah a tel mi tla chu an thaw suak hen anna thenhlimh asi, chubang tla tlûnah chun thih nihnâk nih thu rerêng a nei lai lo le, Pathian leh Krist bâwlpu tla an si lai le, amah hen kum sâng khat lâi an rêl lai.

THUPHUANG 5:10

Kan Pathian rianṭuan ding hen Lalram bâwlpu ah na siam na rawh, chun, tual ah chun lâi an rêl lai,” ti hen la thar an sak rawh.

THUPHUANG 6:2

Chun, ka zauh le, rang ngo ka muh, a tlûnah â chuan mi nih chun chanhtiang a put le, a sinah lallukhuh an pek le, neh vima ding hen a suak rawh.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.