THUPHUANG 3:14 - Bawm Common Language Bible Version

¹⁴ “Laodikei khua kawhmi vânmifial sinah chun rîn rawh: “Amen thawk hen theihpitu zumhkâi tak leh diktak, Pathian thilsiam bul nih khan hi thuchah hi a sim asi.

THUPHUANG 3:14 ပူးပေါင်းရင်းမြစ်များ

GENESIS 49:3

“Reuben, ka fa tîr, ka chaknâk leh minung Ka sinâk ah ka fapa tîr na si; Zumh chemnâk leh chak chemnâk Ka fapa dang tla ngâk hen na nei.

THUFING LASUIBU 14:5

Theihpitu zumhkâi nih chun thudik a sim kumza. Sikhawmsele zumh a kâi lo mi nih chun âwkrâwl thu karo a sim.

THUFING LASUIBU 8:22

“LALPA nih a masa chem hen kei hawng ka siam le, a lânah a rianṭuan masa chem kasi.

ISAI 55:4

Anih chu phun tla lakah ruitu ah leh thupêktu ah ka siam le, amah mang hen ka thiltikhonâk ka langh.

ISAI 65:16

Âuzawng nih ram lakah malsâwmnâk deihtu nih chun Pathian Zumhkâi nih mal a sâwm ding hen a deih lai. Âuzawng siat tleihtu chu Pathian zumhkâi min hen a tiam ding asi. A lânah nawknâk tla chu a lan rawh le, philh asi lai rawh,” a ti.

JEREMIA 42:5

Churawhchun, annih nih ka sinah, “LALPA kan Pathian nih kan rangah thu hawng kan pêk mi zawzawng kan zûl lo chun kan lakah LALPA chu theihpitu dik tak zumhkâi si seh.

JOHAN 1:3

Zeizawng a ektê hen amah siam asi; thilsiam zawzawng hi amah siamlo zeikhawm a um lo.

JOHAN 8:14

Jisu nih an sinah, “Mah thu theihtir khawmsele, ka thu theihtir a dik asi; kei nih ka hawng suaknâk leh ka kalnâk lei ding khawm ka theih; nannih lam nih chun ka hawng suaknâk leh ka kalnâk ding lei khawm nan theih lo.

2 KORIN 1:20

Pathian thutiam tla chu zeizat tal si khawmsele amah lakah chun, “Asi” ti chu a um le; chun amah ruang khawm ah, “Amen” ti chu a um asi, kanmah tla ruangah Pathian rokualnâk ding hen.

DEUTERONOMY 21:17

A fapa tîr rangah tingvo a lehnih hen a neih lakah mi a pêk ngelchel ding asi, a nupi a duh dauh mi fapa silah menza khawmsele. Chu minung nih chun a fapa tîr chu dân hâwitê hen a vo pêk hen fapa tîr min a puttir ding asi.

KOLOSA 1:15

Anih chu muh kho lo Pathian banghpi thilsiam zawzawng ngâk a sâng hen suak masa chem chu asi;

KOLOSA 1:18

Anih chu a taksa, kawhmi lû asi; zeizawng ah chungnungchem a hawng si khonâk ding hen, a bulpi, mithi lakah mi suak masa chem chu asi.

KOLOSA 2:1

Nanmah tla leh Laodikei khua um tla leh taksa ah ka mêl muh lo mi vial tla rangah zei ti tluk a fâk hen me kan ṭuan piak na mi hi nan theih ka duh asi.

KOLOSA 4:16

Chun, hi lasuikuat hi nan lakah nan rêl nûnah Laodikei kawhmi tla lakah khawm rêltir na bâk u; nannih khawm nih Laodikei khua ah mi kha hawng rêl bâk u.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 19:11

Chun, vân â awng mi ka muh le, chun, rang ngo leh a tlûnah â chuan mi, Zumhkâi leh Diktak, an ti mi chu ka muh le, anih nih chun rep tak hen lâi a rêl le, ral a do tâwn.

THUPHUANG 2:1

“Ephesi khua mi kawhmi vânmifial sinah chun rîn rawh: “A kut vawrhlei ah ârfi pasarih put hen, ngûn meichêu pasarih kiangah â zî lemang mi nih khan hi bang thu hi a sim asi.

THUPHUANG 21:6

Chun, hi hawi hen a sim le, “Â lîm rawh, kei Alpha leh Omega, a bul leh a dawng kasi, a tîhâl mi zawng sinah nungnâk tiva ah mi a thawt hen ka pêk lai.

THUPHUANG 22:13

Kei Alpha leh Omega, a masa chem leh a madung chem, a bul leh a dawng kasi,’’ a ti.

THUPHUANG 22:6

Chun, anih nih chun ka sinah, “Hi bang thu hi zumh a kâi hen a dik asi, Lalpa Pathian, khuavâng tla sinah thlarau pêktu nih chun, thil hawng tlung sawm ding mi tla chu a to-aw tla chu zauhtir ding hen a vânmifial chu a fial asi.

THUPHUANG 3:7

“Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.