THUPHUANG 3:12 - Bawm Common Language Bible Version

¹² A nehtu vial chu ka Pathian Biakin ah chun intung ah ka siam lai le, chu thawk chun an suak lai lo rawh. Chun, anmah lakah chun, ka Pathian min leh, ka Pathian khuapi Jerusalem thar, ka Pathian sinah mi vân thawk hen a hawng ṭum ding mi min chu ka rîn lai le, ka min thar khawm ka rîn lai.

THUPHUANG 3:12 ပူးပေါင်းရင်းမြစ်များ

1 Lal 7:21

Huram nih dâr tung panih chu Biakin lûtnâk tualmâi ah a phun; simlei kângah mi pakhat chu a min Jakin asi, marlei kângah mi pakhat min chu Boaz asi.

SAM 46:4

Chungnungchem, in thenhlimh, Pathian khuapi leiah lâwmnâk tlungtirtu tiva a um.

SAM 48:8

Pathian nih zei a ti kan theih rawh, chun tuah Zeizawng tikho LALPA Pathian khuapi ah chu chu kan muh; khuapi chu zungzâl hen a vêng kumza lai.

SAM 87:3

Pathian khuapi, na thâwngthâng chê tak a sim mi chu ngâi rawh.

ISAI 62:2

Jerusalem, phun tla nih na nehnâk an muh lai! An lalchem zawzawng nih na rokualnâk an muh lai. LALPA amah tak nih an phuah mi min thar hen kawh na si lai.

ISAI 65:15

Ka mi thîm tla nih nan min ah hawlh siatbarh tla an ti na lai. Kei, LALPA Zahkâi nih ka nan thah na awt. Sikhawmsele ka thu ngâitu tla chu min thar ka pêk na lai.

JEREMIA 1:18

Jeremia, ngâi rawh! Hi ram ah mi mikip Juda lalchem tla, rianṭuantu tla, bâwlpu tla leh mi zapi tla chu nangmah dotu an si lai. Sikhawmsele tusûn ni ah anmah do na ding hen chaknâk ka nan pêk asi; nang chu kulhnei khuapi hâwi leh thîrtung leh dâr kulh hâwi na si lai. Nangmah an hum ding hen na sinah ka um awt ruangah an neh ding asi lo. Kei, LALPA, nih ka sim asi,” a ti.

EZEKIEL 40:49

Chu kâinâk an dawnh mi kardang tualmâi chu feet 34 hen a kâu le, feet 20 hen a niam. A tung panih a um le, a tualmâi khatlei sîrah pakhat vevê hen.

EZEKIEL 48:35

Chu khuapi kulh a ektê a sâu lei sîr li fawnh hen feet 30,240 asi. Chu khuapi min chu tu thawk hen “LALPA Hinah A um!” ti asi kumza ding asi.

MARK 12:16

Chun, an hawng put. Chun, anih nih chun an sinah, “Hi hi âu lem leh âu min mesi?” a ti. Chun, annih nih chun a sinah, “Kaisar,” an ti.

GALATIA 2:9

zângfahnâk hawng ka pêk mi chu an theih khawm ah Jem, Peter leh Johan tla hotu ah an ruat mi tla nih chun kannih Phundang tla sinah kal ding leh annih fêmtan tla sinah kal ding hen kei leh Barnaba chu a kawmhnâk kut vawrhlei hawng kan pêk.

HEBRAI 12:22

Zion Tlâng leh Pathian nung khua, vân Jerusalem, a vânmifial sâng tam tak tla umnâk chu nan hawng tleng rawh.

HEBRAI 13:14

Hi tual ah hin khua mun bir kan nei loh, khuapi a hawng um ding mi chu kan chuanh dauh asi.

1 JOHAN 4:4

Sikhawmsele, fa le tla, Pathian sinah mi nan si le, khuavâng telê chu nan neh rawh, laikulh lakah mi thlarau neitu ngâk hen nanmah lakah a um mi Thlarau chu a chak dauh ruangah.

THUPHUANG 14:1

Chun, ka zauh le, Dawrâ Fa Zion tlângah a dîr mi leh an chal ah a min leh a Pa min â rîn mi, mi nuai khat leh sîng li leh sâng li a sinah an dîr mi ka muh,

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 2:11

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu vial chu thih nihnâk nih zeitin khawm a ti lai lo, a ti” ti hen.

THUPHUANG 2:17

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu zawng sinah manna thuh mi chu ka pêk lai, lungvâr khawm ka pêk chiau na lai, chu lung tlûnah min thar â rîn mi hen, chu chu a tingtu cho lo nih chun âukhawm nih an theih lo, a ti” ti hen.

THUPHUANG 2:7

“Thlarau nih kawhmi tla sinah thu a sim mi hi nâ a nei mi nih chun theih na seh. “A nehtu vial sinah chun Pathian Dûm ah mi nungnâk thing rah ei ding hen thu ka pêk lai a ti,” ti hen.

THUPHUANG 21:2

Chun, khua thenhlimh Jerusalem thar chu, mo, a pasal hen a tawng ding hen dawh tak hen â thuam ziar mi hâwi hen, Pathian sin thawk hen vân ah mi a hawng ṭum mi ka muh.

THUPHUANG 22:4

Chun, a mêl an muh lai le, an chal ah a min rîn asi lai.

THUPHUANG 3:5

A nehtu vial chu hâwi hen puanvâr aihtir an si lai le, Nungnâk lasuibu ah mi an min chu ka râwk rîimâl lai lo, ka Pa mâika ah leh a vânmifial tla mâika ah an min ka phuang dauh lai.