THUPHUANG 3:11 - Bawm Common Language Bible Version

¹¹ Âukhawm nih na lallukhuh chu an lâk piak lo ding hen na thilneih chia kha kil thlir rawh, ka hawng tuan awt hi.

THUPHUANG 3:11 ပူးပေါင်းရင်းမြစ်များ

ZEPHANIAH 1:14

LALPA ni rokual chu a nâi thlo rawh, a tlung tuan lai! Chu ni chu ni hamhkâi tak asi lai le, kawrsen râlṭha chem tla men lungdawng tuk ruangah an ṭap lai!

1 KORIN 9:25

Chun, tekzuamnâk tla lakah chun â ṭang rarâm mi chu zeizawng ah anna sûm tâwn asi. Annih lam nih chun lallukhuh râwk kho tawng ding hen anna ṭang, kannih lam nih chun lallukhuh râwk kho lo tawng ding hen.

PHILIPI 4:5

Nanna dawnhkho zia mi zawzawng theih si seh; Lalpa chu a nâi asi.

2 TIMOTHE 2:5

Chun, zuamnâk tla lak khawm ah mi nih ti khawmsele, dân hâwi hen a ti lo chun nehtu asi dah loh.

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

JEM 5:9

Unau tla, Pathian nih lâi an rêl piak na lo ding hen pakhat leh pakhat a sâwi tawnh lah u. Lâirêltu chu a nâi le, hawng kal ding hen tîm chia hen a um.

THUPHUANG 1:3

Hi simhkannâk thu rêltu leh ngâitu leh a sungah thu â rîn mi pawmtu tla chu an thaw a suak. Hi zawng thil a hawng um ding mi tik chu a nâi rawh ruangah.

THUPHUANG 16:15

Ngainik, mifîr hawi hen ka hawng kal awt, râlring hen nipuan aih kumza hen a um mi chu a thaw a suak, chu lo chun takkaro leh mualpho hen a um sual lai.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 2:25

Nan nei chia lam kha ka hawng kal lânlo chu kil thlir u.

THUPHUANG 22:12

Chun, Jisu nih, “Ngâinik!’’ ‘’Ka hawng kal tuan awt hi! Mi kip an thilti hâwi vima hen pêk na ding hen ka lâwmman ka hawng put awt asi.

THUPHUANG 22:20

Hi thu theihtirtu nih hin, “Ka hawng kal tuan awt,” a ti. Amen, hawng kal ko me, Lalpa Jisu!

THUPHUANG 22:7

Chun, Jisu nih, “Ngâinik, ka hawng kal tuan awt hi, hi lasuibu ah khuavâng tla thusim zûltu vial chu an thaw a suak,” a ti.

THUPHUANG 3:3

Ê-aw ngâilo, na sual tla rim le, an sîntir mi tla leh na theih rawh mi tla kha theihkumza rawh. Na vêng lo chun mifîr hâwi hen zei tikah na sinah ka hawng awt ti na theih lai lo.

THUPHUANG 4:10

Upa kul leh pali tla chu laltophah ah a to mi mâika ah chun an lallukhuh chu siah hen zungzâl nung kumza mi chu an mâimûk le;

THUPHUANG 4:4

Chun, laltophah chu laltophah dang kul leh pali nih an kulh, laltophah ah chun upa kul leh pali chu puanvâr aih leh ngûn lallukhuh khuh hen an to.