THUPHUANG 3:1 - Bawm Common Language Bible Version

¹ “Sardis khua kawhmi vânmifial sinah chun rîn rawh: “Pathian Thlarau pasarih leh ârfi pasarih neitu nih khan hi thu hi a sim asi: Na thilti tla chu ka theih, thi ko bû hen nung min na put mi hi ka theih asi.

THUPHUANG 3:1 ပူးပေါင်းရင်းမြစ်များ

LUK 15:24

Hi ka fapa hi a thi le, a hawng nung nawlh rawh asi hi; a tlâu le, kan tawng nawlh rawh asi hi,’ a ti. Chun, lâwm tak hen an um rawh.

LUK 15:32

Lâwptlo tak hen kan um ding asi, hi na nau hi a thi le, a hawng nung nawlh rawh; a tlâu le, kan tawng nawlh rawh asi hi,’ ” a ti.

JOHAN 1:16

A rangtlingnâk kanna ting chiau, zângfah nûnah zângfah singsuannâk hen,

JOHAN 1:33

Amah chu ka theih lo le, sikhawmsele, tî hen baptis ding hen hawng ka fialtu nih khan ka sinah, ‘Âu tlûn zawng ah Thlarau hawng ṭum hen, a tlûnah um ko na muh mi chu, amah chu Thlarau Thenhlimh hen baptistu ding chu asi,’ hawng ka ti.

JOHAN 20:22

Chun, chubang thu chu a sim thluh ah chun an tlûnah a thâw a suah le, an sinah, “Thlarau Thenhlimh nei u.

JOHAN 3:34

Pathian fial mi nih chun Pathian thu a sim tâwn; anih nih chun a Thlarau khatnâk rangtling a pêk.

THILTI 2:33

Pathian vawrhlei ah chawnglawmh hen a um le, Thlarau Thenhlimh tiamh mi chu Pa sinah thawk hen a tawng le, nan muh leh nan theih mi hi a hawng tawih asi hi.

EPHESI 2:1

Nannih khawm nan buar mi leh nan sual tla ruangah thi nan si liau khan a nan nunh na asi.

EPHESI 2:5

kan buarnâk tla ruangah thi kan si liau khawm ah Krist rual hen hawng kan nunh bâk le, zângfahnâk hen ruangsuah nan si;

KOLOSA 2:13

Chun, nannih buarnâk tla leh nan taksa fêmtan lonâk ruangah thi nan si le, nanmah ngelchel chu amah hen a nan nungtir na asi kha;

1 TIMOTHE 5:6

Sikhawmsele, numei mah nuamhnâk leikâng ah â mang mi chu a dam liau khawm ah a thi chia asi.

JEM 2:26

Thlarau tello hen taksa chu thi asi, chu hâwi ber hen thilti tello hen lungnâk khawm chu thi asi.

1 PETER 1:11

Zeitik ah a hun asi awt, chun zei hâwi hen a hawng um awt ti muh ding anna tum; Krist Thlarau anmah lakah um mi nih chun Krist tuarnâk ding tla leh rokualnâk a hawng um ding mi tla chu tuliau hun hi a zauhtir.

JUD 1:12

Buh nan einâk ah annih tla chu nâwmtâm â buaih mi hâwi an si le, an zû rîtnâk ningzak theihlonâk hen, mah kawngkâ cho ruattu an si; vândâwm ruahtî a um lo mi thli nih a ranh mi hâwi an si, thing, tharvâng liau khawm ah a rah lo mi hâwi leh thing a ram hen â phâwi zek le, a thi thlo mi hâwi an si.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:16

A vawrhlei kut hen ârfi pasarih a put le; chun, a kâ thawk hen nâmsâu hâr nih nei a suak le, a mêl chu nî sûn liau hâwi hen a chêu.

THUPHUANG 1:20

ka kut vawrhlei ârfi pasarih tla leh ngûn meichêu siahnâk pasarih na muh mi thuthup chu; ârfi pasarih tla chu kawhmi pasarih vânmifial tla an si, meichêu pasarih chu kawhmi pasarih tla chu an si.

THUPHUANG 1:4

Johan nih chun Asia ram ah kawhmi murui sarih tla sinah: Um liau leh um rawh leh hawng um ding mi sinah leh a laltophah mâika ah thlarau pasarih tla thawk hen, Jisu Krist theihpitu zumhkâi tak, mithi lakah mi suak masa chem leh tual ah lal tla lâirêltu thawk hen zângfahnâk leh remnâk nan sinah um seh. Hawng kan zângfah le, a thisen hen kan sual lakah mi hawng kan tlanh le,

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 2:19

Na thilti zia tla, na zângfahnâk tla, na zumhkâinâk tla, na rianṭuan zia tla leh na felfê zia tla ka theih, na thilti madung chem tla chu a tîr mi ngâk hen a fâk dauh ti ka theih.

THUPHUANG 2:2

Na thilti zia tla, na hamh zia leh na felfê zia tla, misual tla na sâithiam lo zia tla ka theih. Mifial si lêm lo hen mifial â ti mi tla chu na nik ber le, mi âwkrâwl an si ti na theih rawh le;

THUPHUANG 2:9

Nâ hamh zia tla, na pâm zia tla ka theih le, sikhawmsele, na nei ṭung fâwn! Juda tak silo hen, Juda kan si titu, Setan murui lakah mi tla nih a nan simsâwi mi chu ka theih.

THUPHUANG 3:15

Na thilti tla ka theih, na kîk lêm lo, na lum lêm lo mi hi, na kîk mawh na lum mawh ding hi ka nan duh asi!

THUPHUANG 3:2

Churuang chun, a ṭhang le, na nei chia kha a thi dep lân ah chaktir rawh. Na thilti kha ka Pathian mitmuh hen a rangtling lo ti ka theih.

THUPHUANG 3:8

Na thilti zia tla ka theih; ka sîntirnâk thu tla na zûl hen zumhkâi tak hen na um le, thiltikhonâk tâwmtê na nei ti ka theih, âukhawm nih an khâr kho lo mi kawtkâ na mâika ah kan awng piak asi.

THUPHUANG 4:5

Chun laltophah thawk hen chun, mîmthlalek tla, aw-hâu tla, khuari tla chu ri urmar hen a hawng suak. Chun, meifâr pasarih laltophah mâika ah chun a alh le, chu tla chu Pathian thlarau pasarih tla chu an si.

THUPHUANG 5:6

Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.