THUPHUANG 22:9 - Bawm Common Language Bible Version

⁹ Chun, anih nih chun ka sinah “Hi hâwi hen ti lah, kei chu nangmah leh na unau khuavâng tla leh hi lasuibu thu zûltu tla hâwi hen to-aw kasi bâk, Pathian sawnh dauh rawh,” a ti.

THUPHUANG 22:9 ပူးပေါင်းရင်းမြစ်များ

2 Lal 17:36

LALPA Aigupta ram ah mi a thiltikhonâk leh rokual tak hen an suah natu thu ngâi ule; keimah cho hawng ka mâimûk ule, ka sinah bâwlnâk tla hawng ap u.

SAM 45:11

Na dawhnâk nih lal thinlung a thawktir lai, amah chu na hotu asi, a thu na ngâi ding asi.

EXODUS 34:14

“Kei, LALPA nih helnâk ka sâithiam lo ruangah pathian dang rerêng sawnh lah u.

MATHAI 4:9

Chun, a sinah, “Bawkbukhup hen hawng ka sawnh le, hi bang zawzawng hi ka nan pêk ver lai,” a ti.

LUK 4:7

Chuvachun, mâi hawng ka mûk le, a ektê hen na tâ ver asi lai,” a ti.

DEUTERONOMY 4:19

Vân ah nan muh mi nî, thlâ leh ârfi tla sawnh ding hen khawm perpet hen um lah u. Chubang zawzawng tla chu LALPA nan Pathian nih midang tla rangah sawnh ding hen a pêk na mi asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

THUPHUANG 1:1

Jisu Krist thuphuang, Pathian nih a to-aw tla theihtir ding hen a sinah a pêk mi, thil hawng um sawm ding mi thu chu asi. Chu chu, a vânmifial mang hen, a to-aw Johan a hawng theihtir le,

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 14:7

Chun, anih nih chun, hâu fâk tak hen, “A lâirêl tik chu a tlung rawh ruangah Pathian ṭih ule, chawnglawmh u, tual leh vân, tisumsumriat leh tinungva tla siamtu chu mâimûk u,” a ti.

THUPHUANG 15:4

Lalpa, âunih nang a nan ṭih lo lai! Na rokualnâk phuang lotu âu a um lai? Nangmah lâwng na thenhlimh asi! Na thilti rep tla chu mi kip nih an muh rawh, phun kip an hawng lai le a nan sawnh lai,” an ti.

THUPHUANG 19:10

Chun, amah chu sawnh ding hen a kebul ah ka kûn le, sikhawmsele, anih nih ka sinah, “Kha hâwi hen ti lah, kei chu nangmah unau leh Jisu thusim zâwttu tla hâwi hen to-aw kasi, Pathian lam sawnh rawh,’ a ti. Jisu nih thudik a sim mi chu khuavâng tla lakah thaw khumh hen thu sim asi.

THUPHUANG 22:10

Chun, anih nih chun ka sinah, “Hi lasuibu ah khuavâng tla simkannâk thu tla hi pheh lah, hi bang thil tla a hawng tlung ding mi tik chu a nâi rawh hi.

THUPHUANG 22:18

Kei, Johan nih, hi lasuibu hi simhkannâk thu theihtu zawng chu ka theihtir na asi. Âuzawng nih hi bang thu hi a sap chun, hi lasuibu ah rêpnâk â rîn mi tla hi Pathian nih a tlûnah a sap bâk lai.

THUPHUANG 22:7

Chun, Jisu nih, “Ngâinik, ka hawng kal tuan awt hi, hi lasuibu ah khuavâng tla thusim zûltu vial chu an thaw a suak,” a ti.

THUPHUANG 4:10

Upa kul leh pali tla chu laltophah ah a to mi mâika ah chun an lallukhuh chu siah hen zungzâl nung kumza mi chu an mâimûk le;

THUPHUANG 9:20

Chun, chubang rêpnâk nih a thah bang minung tla nih chun, an thil siam sawnhnâk tla chu bângtâk lo hen, khuri tla leh ngûn milem tla, tangka milem tla, dâr milem tla, lung milem tla, thing milem tla, zeikhawm muh kho lo, theih kho lo, kal kho lo tla chu an sawnh le an rim lêm lo.