THUPHUANG 22:6 - Bawm Common Language Bible Version

⁶ Chun, anih nih chun ka sinah, “Hi bang thu hi zumh a kâi hen a dik asi, Lalpa Pathian, khuavâng tla sinah thlarau pêktu nih chun, thil hawng tlung sawm ding mi tla chu a to-aw tla chu zauhtir ding hen a vânmifial chu a fial asi.

THUPHUANG 22:6 ပူးပေါင်းရင်းမြစ်များ

GENESIS 41:32

Mang na manh nawlh mi chu Pathian ruat chia sâwtlotê ah a hawng tlung ding mi chu asi,” a ti.

DANIAL 3:28

Lal nih, “Sadrak, Mesak leh Abednego Pathian chu sawr hen um seh. Hi minung tla amah lungtu hum ding hen a vânmifial a hawng fial, ka thupêk khawm an ngâilo le, anmah Pathian lo chu zei pathian khawm an mâimûk lo ruangah an nungnâk chu ruangsuah hen an um.

DANIAL 6:22

Pathian nih a vânmifial a hawng fial le, chakeibaknei nih hawng ka seh kho lo ding hen an kâ a chîp piak pang, hi hi thilsual ka ti lo ruangah leh nang lal tlûnah khawm thil pawi ka tilo ti a theih ruangah a ti mi asi,” a ti.

MATHAI 13:41

Minung Fapa nih hin a vânmifial tla chu a fial lai le, a ram thawk hen sualtirtu tla leh thilsual titu tla zawzawng chu a khawk na lai le,

LUK 1:70

A lânah thawk hen khuavâng thenhlimh tla kâ ah a sim hâwi khan.

LUK 16:16

“Dân leh khuavâng tla thu chu Johan a hawng um tiang khan a um le; chu thawk chun Pathian Ram Thâwngthâng Ṭha an sim le, mikip zângran ko hen an lût chiau.

THILTI 12:11

Chun, Peter chu a fîm kâ hen, “Lalpa nih a vânmifial a fial le, Herod kut ah mi leh Juda mi tla lungumnâk zawzawng thawk hen ruang ka suak ti tuah dik tak hen kâ theih rawh,” a ti.

THILTI 3:18

Sikhawmsele, Pathian nih khuavâng zawzawng kâ ah a Mesia nih hamhnâk a tuar ding mi thu a theihtirkan mi kha, kha hâwi khan a tlungtir rawh asi.

ROM 1:2

Chu Thâwngthâng Ṭha, a Fapa kan Lalpa Jisu Krist thu chu, Pathian nih tuan liauah Pathian lasui thu thenhlimh ah chun a khuavâng tla kâ hen a tiamh rawh.

1 KORIN 14:32

Thusimtu tla thlarau chu thusimtu thu thu hen an um asi.

1 KORIN 7:29

Sikhawmsele, unau le tla, hi hi ka ti asi: tu thawk chun nupi nei tla chu nei lo hâwi hen an umnâk ding hen leh

HEBRAI 12:9

Taksa leiah pa tla nih nun hawng kan simh le, chubang tla chu kan zah na; chu ngâk fâk dauh hen, kan nungnâk ding hen thlarau lei Pa thu thu hen kan um awtlo ma?

2 PETER 1:21

Simkannâk thu rerêng hi, minung duh thu hen suak asi tâwn lo le, Thlarau Thenhlimh nih mang hen mi nih thu an sim tâwn asi, chu chu Pathian sin thawk hen mi thu asi.

2 PETER 3:2

Khuavâng thenhlimh tla thu simhkan leh nan mifial tla kâ ah leh, Lalpa leh Ruangsuahtu thupêk chu nan theihkumza ding hen ka nan duh na asi.

THUPHUANG 1:1

Jisu Krist thuphuang, Pathian nih a to-aw tla theihtir ding hen a sinah a pêk mi, thil hawng um sawm ding mi thu chu asi. Chu chu, a vânmifial mang hen, a to-aw Johan a hawng theihtir le,

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.

THUPHUANG 19:9

Chun, vânmifial nih ka sinah, “Dawrâ Fa nupi neihnâk puai ah an sâwm mi tla chu an thaw a suak, ti hen rîn rawh,” a hawng ka ti. Chun, vânmifial ber nih, ‘Hi bang thu hi Pathian thudik chu asi,’ a ti nawlh.

THUPHUANG 21:5

Chun, laltophah ah a to mi nih chun, “Ngâinik, thil zawzawng ka siam thar rawh,” a ti. Chun, ka sinah, “Rîn rawh, hi bang thu hi a dik hen zumh a kâi asi,” a ti.

THUPHUANG 21:9

Chun, vânmifial pasarih tla lakah pakhat, berhbu pasarih khat phak hen rêpnâk pasarih puttu chu ka sinah a hawng le, “Hawng le, Mo, Dawrâ Fa nupi chu ka nan muhtir lai,” a ti.

THUPHUANG 22:1

Chun, vânmifial nih chun nungnâk tiva kristal lung hâwi hen a tlêu mi, Pathian leh Dawrâ Fa laltophah thawk hen a hawng suak mi hawng ka zauhtir.

THUPHUANG 22:16

“Kei, Jisu nih, kawhmi murui tla sinah hi bang thu tla hi theihtir ding hen ka vânmifial chu ka hawng fial asi. David bulpi leh a thlâk, ârfi chêu tak, deirêl ârfi chu kasi” a ti.

THUPHUANG 22:7

Chun, Jisu nih, “Ngâinik, ka hawng kal tuan awt hi, hi lasuibu ah khuavâng tla thusim zûltu vial chu an thaw a suak,” a ti.

THUPHUANG 4:1

Chu nûnah chun langhtirnâk dang ka nei le, vân ah kawtkâ â awng mi chu ka muh. Chun, aw-hâu ka theih masa mi, tâwtawrâwt âwn hâu hâwi mi nih a hawng ka sawnh le, “Hinah hawng kâi rawh, hi nûnah thil a hawng um ding mi tla chu ka nan zauhtir lai,” a ti.