THUPHUANG 22:14 - Bawm Common Language Bible Version

¹⁴ An nipuan thiang tak hen suktu leh nungnâk thing rah ei hen khuapi kawtkâ ah a lût khotu tla chu an thaw a suak.

THUPHUANG 22:14 ပူးပေါင်းရင်းမြစ်များ

GENESIS 2:9

Chunah chun thing dawh tak zât kip rah suah mi a khotir. Dûm lâi chirah chun nungnâk thing leh sia leh ṭha theihnâk thing a um.

GENESIS 3:22

Chun, LALPA Pathian nih, “Tuah chun minung chu kan lakah mi pakhat hâwi a hawng si rawh hen, a sia leh a ṭha theihnâk a nei rawh. Nungnâk thing rah ei hen nung kumza ding siang asi lai lo rawh,” a ti.

SAM 112:1

LALPA chu sawr u! Mi, LALPA zahtu leh, a thupêk zûl nuam titu tla chu an thaw a suak.

SAM 118:20

Hi hi LALPA inkulh kawtkâ mirep tla cho lûtnâk asi.

EXODUS 19:10

LALPA nih a sinah, “Kal le, Israel fa tla chu hawng ka sawnh ding hen tusûn leh thâi ah anna thianh ding hen simh na. An puan tla suk hen

DANIAL 12:12

Ni sâng khat leh zathum leh sâwmthum panga len tiang hen zumhkâi hen umtu tla chu an thaw a suak.

JOHAN 10:7

Chun, Jisu nih an sinah a sim nawlh le, “Thungâi tak hen ka nan simh na, kei hi dawrâ kawtkâ chu kasi.

JOHAN 10:9

Kei kawtkâ chu kasi; âuzawng keimah lakah a lût mi chu ruangsuah hen a um lai le, a lût hen a suak lai, ei ding a tawng lai.

JOHAN 14:15

“Nannih nih nan ka dâwt chun, ka thupêk tla nan zâwt lai.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 4:12

Kan pu Jakob ngâk hen na rokual dauh mazei? Anih nih chun tikhurchawh hi hawng kan pêk le, amah khawm nih a din le, a fa le, a ran tla hen,” a ti.

1 KORIN 7:19

Pathian thupêk tla tleih cho lo chu fêmtan hi zeikhawm asi lêm lo, fêmtan lo khawm hi zeikhawm asi lêm lo.

1 KORIN 8:9

Sikhawmsele, thiamthih u, chu lo chun mah thawsuak a um khonâk hi zeitin mawh mi chak lo tla rangah tlûknâk a hawng si lebang lai.

1 KORIN 9:5

Mifial dang tla leh Lalpa unau tla leh Peter hâwi hen khan Kristian nunau nupi rui ding hen thu kan nei lo mazei?

GALATIA 5:6

Krist Jisu ah chun fêmtan hi zeikhawm a ṭhatnâk a um lo, fêmtan lo khawm zeikhawm a ṭhatnâk a um lo; lungnâk, zângfahnâk ah ṭuan tam chu a ṭhavak asi.

1 JOHAN 3:3

Âuzawng Jisu Krist ah lungnâk nei mi vial nih amah â thenhlimh hâwi hen a thenhlimhtir tâwn.

1 JOHAN 5:3

Pathian kan zângfahnâk chu hi hi asi, a thupêk tla kan zûl mi hi. A thupêk tla chu kan rangah a har lo.

THUPHUANG 2:7

“Thlarau nih kawhmi tla sinah thu a sim mi hi nâ a nei mi nih chun theih na seh. “A nehtu vial sinah chun Pathian Dûm ah mi nungnâk thing rah ei ding hen thu ka pêk lai a ti,” ti hen.

THUPHUANG 21:12

Kulh rokual tak, sâng tak a nei le, kawtkâ leinih leh kawtkâ kip ah vânmifial leinih an um. Kawtkâ kip ah min rîn a um le, chu chu Israel phun leinih tla min asi.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.

THUPHUANG 22:2

Chun, nungnâk thing, tiva kap khatlei vevê ah zât leinih hen thla kip a rah mi a um le, chu thingnah tla chu phun kip damhnâk ding asi.

THUPHUANG 22:7

Chun, Jisu nih, “Ngâinik, ka hawng kal tuan awt hi, hi lasuibu ah khuavâng tla thusim zûltu vial chu an thaw a suak,” a ti.

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,