THUPHUANG 22:10 - Bawm Common Language Bible Version

¹⁰ Chun, anih nih chun ka sinah, “Hi lasuibu ah khuavâng tla simkannâk thu tla hi pheh lah, hi bang thil tla a hawng tlung ding mi tik chu a nâi rawh hi.

THUPHUANG 22:10 ပူးပေါင်းရင်းမြစ်များ

ISAI 13:6

Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

ISAI 8:16

Nannih ka ṭhiruai tla chu, Pathian nih thuchah hawng ka pêk mi vêngtu leh kiltu ding nan si.

EZEKIEL 12:23

Kei LALPA Zahkâi nih, chu leikâng thu ka sim mi chu tuah simh na. Chu thufing chu ka dawngtir awt. Israel lakah chu thu chu an sim lai lo rawh. Chu hâwi ding ngangâk hen tik a hawng tlung, simkannâk tla khawm a dik vima ti simh na.

DANIAL 12:4

Anih nih chun ka sinah, “Tuah, Danial, lasuibu kha zual le, laikulh dawngh tiang hen singsiahnâk siam. Chu liau chir chun mi tam tak nih thil hawng um mi theih ding hen anna ṭang lai le, sikhawmsele anna ṭangnâk chu a thawt asi lai,” a ti.

DANIAL 12:9

Anih nih hawng ka sâng le, “Danial, hi thu tla a thuptê hen kil hen, laikulh dawnghnâk a hawng tlung lânlo chu thuh thlir ding asi ruangah tu chun kal ko rih.

DANIAL 8:26

Zînglei leh zânlei bâwlnâk langhnâk ah na muh mi thu chu na sinah simhfiang hen a um mi chu a hawng tlung ngelchel lai. Sikhawmsele hun sâwt ual tikah a hawng tlung ding mi asi ruangah na thinlung ah a thuptê hen kil ziar ko,” a ti.

MATHAI 10:27

Mûi lakah ka nan simh na mi hi chêu ah sim u; nâ ah nan theih mi hi in tlûnah a chuan hen âu u.

ROM 13:11

Tuliau thil umzia nan theih ruangah leh it mi tla ṭhangh tik asi tatak rawh ti nan theih ruangah chu chu ka sim asi; tuah chun kan lung tîr ngâk hen khan kan ruangsuahnâk chu a nâi dadauh rawh.

ROM 13:12

Zân hi a ral dêngmâng rawh le, khua a dei awt rawh; churuangah, mûi thilti chu lawnh sele, chêu thuam hen kanna thuam lai.

2 THESALONIKA 2:3

Âukhawm nih zeitin kâng khawm ah an perpet lah na seh, tlûknâk chu a hawng tlung masa ta hen, Dân Buartupa, tlâuveihtu fapa chu a hawng lang lo chun chu Ni chu a hawng tlung lai loh,

1 PETER 4:7

Thil zawzawng dawnghnâk chu a nâi rawh. Thla nan cham khonâk ding hen mah lakah sûm leh ringrâwn hen nan um ding asi.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:3

Hi simhkannâk thu rêltu leh ngâitu leh a sungah thu â rîn mi pawmtu tla chu an thaw a suak. Hi zawng thil a hawng um ding mi tik chu a nâi rawh ruangah.

THUPHUANG 10:4

Chun, khuarît pasarih tla nih an aw-hâu an suah kâ hen, ka rîn awt le, sikhawmsele, “Khuarît pasarih thusim tla kha pheh thlir, rîn lah” ti hen vân thawk hen aw-hâu ka theih rawh.

THUPHUANG 22:16

“Kei, Jisu nih, kawhmi murui tla sinah hi bang thu tla hi theihtir ding hen ka vânmifial chu ka hawng fial asi. David bulpi leh a thlâk, ârfi chêu tak, deirêl ârfi chu kasi” a ti.

THUPHUANG 22:18

Kei, Johan nih, hi lasuibu hi simhkannâk thu theihtu zawng chu ka theihtir na asi. Âuzawng nih hi bang thu hi a sap chun, hi lasuibu ah rêpnâk â rîn mi tla hi Pathian nih a tlûnah a sap bâk lai.

THUPHUANG 22:20

Hi thu theihtirtu nih hin, “Ka hawng kal tuan awt,” a ti. Amen, hawng kal ko me, Lalpa Jisu!

THUPHUANG 22:7

Chun, Jisu nih, “Ngâinik, ka hawng kal tuan awt hi, hi lasuibu ah khuavâng tla thusim zûltu vial chu an thaw a suak,” a ti.

THUPHUANG 22:9

Chun, anih nih chun ka sinah “Hi hâwi hen ti lah, kei chu nangmah leh na unau khuavâng tla leh hi lasuibu thu zûltu tla hâwi hen to-aw kasi bâk, Pathian sawnh dauh rawh,” a ti.

THUPHUANG 5:1

Chun, laltophah ah a to mi kut vawrhlei ah chun lasuibuzual, sunglei leh lênglei hen â rîn mi, singsiahnâk pasarih hen singsiah thlir mi chu ka muh.