THUPHUANG 21:7 - Bawm Common Language Bible Version

⁷ A nehtu vial nih chubang tla chu ka sinah mi a tawng lai le, anih chu ka fa asi lai.

THUPHUANG 21:7 ပူးပေါင်းရင်းမြစ်များ

GENESIS 17:8

Hi mun, ram dang mi hâwi a nan umnâk hi na sinah leh na thlâk tla sinah ka pêk lai. Kanaan ram zawzawng hi na thlâk le tla tâ asi kumza lai le, Kei chu an Pathian kasi lai,” a ti.

2 SAMUEL 7:14

Kei chu a pa kasi lai le, anih chu ka fapa asi lai. Thilsual a ti chun pa nih a fa a rêp mi hâwi hen ka rêp lai.

SAM 89:26

‘Nang chu ka Pathian leh ka pa na si, hawng ka vêngtu leh ka ruangsuahtu na si,’ a ka ti lai.

THUFING LASUIBU 3:35

Mifing nih chun zahkâinâk a lawh le, sikhawmsele mi ê-aw ngâilo tla chu anmah ningzak anna saih.

ISAI 65:9

Juda phun lakah mi Israel tla chu mal ka sâwm na lai le, an thlâk tla nih ka ram lakah mi tlâng tla anna ting lai. Ka mi, keimah nâwl zulhtu ka mi thîm tla chu chunah an um lai.

ZEKARIA 8:8

Jerusalem ah um ding hen saklei ah leh thlanglei ah mi chu ka kîrpi nawlh lai. Annih chu ka mi tla an si lai le, kei chu an Pathian kasi lai le, an tlûnah rep tak leh zumhkâi tak hen lâirêltu kasi lai.

MATHAI 19:29

Chun, mikip, in tla mawh, unau tla mawh, farnu tla mawh, pa mawh, nu mawh, fa tla mawh, ram tla mawh, ka min ruangah kaltâktu zawng nih chun a leh zâ a tawng lai le, zungzâl nungnâk anna ting lai.

MATHAI 25:21

Anih nih chun a sinah, ‘To-aw ṭha leh zumhkâi, na ti zia a ṭha, tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

MARK 10:17

Chun, kal ding hen Jisu a suak liauah minung pakhat amah leiah a hawng tek le, a mâika ah a siksidîr le, a sinah, “Sîntirtu ṭha, zungzâl nungnâk ka ting khonâk ding hen zei me ka ti lai?” ti hen a deih.

ROM 8:14

Pathian Thlarau rui hen an um mi vial tla chu Pathian fa tla an si.

ROM 8:19

Thilsiam zawzawng tla nih chun thungâi lungum bû hen Pathian fa tla hawng langhnâk chu thungâi an mawhlah asi.

2 KORIN 6:16

Pathian Biakin leh ruk khawm nih zei me remnâk an nei? Kannih lam chu Pathian nung Biakin kan si; Pathian nih, “Anmah lakah ka um lai le, anmah lakah ka tâwi ber lai; chun, an Pathian kasi lai le, annih khawm ka mi tla an si lai,” a ti hâwi khan.

2 KORIN 6:18

Nan rangah Pa kasi lai le, nannih khawm ka rangah fanu fapa nan si lai, Lalpa zeizawng tikho nih chun a ti,” ti hen, a sim hâwi khan.

HEBRAI 8:10

“Chubang tla nûnah chun Israel dâwngsung tla sinah thudântuk ka siam ding mi chu hi bang hi asi,” Lalpa nih a ti. “Hi nûn chun an thinlung ah ka thupêk tla ka siah lai le, an thinlung ah ka rîn ber lai le, chun, kei an Pathian kasi lai le, annih chu ka mi tla an si lai.

1 PETER 3:9

Sual chu sual hen rulh lah u, siatbarhtu chu siatbarh bâk lah na u, chu ngâk chun mal lam sâwm lehlam na u. Churuang chun malsâwmnâk ting ding hen Pathian nih a nan kawh na asi.

THUPHUANG 2:11

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu vial chu thih nihnâk nih zeitin khawm a ti lai lo, a ti” ti hen.

THUPHUANG 2:17

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu zawng sinah manna thuh mi chu ka pêk lai, lungvâr khawm ka pêk chiau na lai, chu lung tlûnah min thar â rîn mi hen, chu chu a tingtu cho lo nih chun âukhawm nih an theih lo, a ti” ti hen.

THUPHUANG 2:25

Nan nei chia lam kha ka hawng kal lânlo chu kil thlir u.

THUPHUANG 2:7

“Thlarau nih kawhmi tla sinah thu a sim mi hi nâ a nei mi nih chun theih na seh. “A nehtu vial sinah chun Pathian Dûm ah mi nungnâk thing rah ei ding hen thu ka pêk lai a ti,” ti hen.

THUPHUANG 21:3

Chun, laltophah thawk hen aw-hâu fâk tak hen, “Ngâinik, Pathian bâsâ chu minung lakah a hawng um rawh, anih chu an sinah a um lai le, annih tla chu a mi le an si lai le, Pathian ngelchel chu an sinah a um lai le; an Pathian asi lai.

1 SAMUEL 2:8

Mipâm tla chu valeidip ah mi a châwi le, ṭangpi herh tla chu anna hamhnâk lakah mi a thawh na. Lal fa tla chu hawikawmh ah a siam na le, mi zahkâi dîrmun ah a umtir na. Tual hi Lalpa tâ asi; chunahchun laikulh hi a dirh.