THUPHUANG 21:5 - Bawm Common Language Bible Version

⁵ Chun, laltophah ah a to mi nih chun, “Ngâinik, thil zawzawng ka siam thar rawh,” a ti. Chun, ka sinah, “Rîn rawh, hi bang thu hi a dik hen zumh a kâi asi,” a ti.

THUPHUANG 21:5 ပူးပေါင်းရင်းမြစ်များ

ISAI 42:9

Thil ka simkan rawh mi tla chu tuah dik tak hen a hawng tlung rawh. Thil thar tla chu a hawng tlung lânah tuah ka nan simh na lai,” a ti.

ISAI 43:19

Thil thar ka ti ding mi chu ngâk rawh. A hawng tlung ko rawh, tuah na muh kho lai! Ramkaro ah lan dak hen lamlian ka siam lai le, chunah chun tinungva ka nan pêk lai.

LUK 5:38

Uain thar chu savun uain dûr thar tla ah an râwn dauh ding asi.

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

HEBRAI 12:27

“Veikhat chu ka ninh nawlh lai,’’ ti mi nih hin, thil â nîn lo mi tla chu a um kumza khonâk ding hen thilsiam tla chu ninh leh ṭhial hen a um awt ti fiang tak hen a langhtir asi.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:19

Chuvachun, na thil muh rawh mi tla leh thil um liau leh thil hawng um ding mi thu tla chu rîn rawh;

THUPHUANG 19:9

Chun, vânmifial nih ka sinah, “Dawrâ Fa nupi neihnâk puai ah an sâwm mi tla chu an thaw a suak, ti hen rîn rawh,” a hawng ka ti. Chun, vânmifial ber nih, ‘Hi bang thu hi Pathian thudik chu asi,’ a ti nawlh.

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.

THUPHUANG 22:19

Chun, âuzawng nih hi lasuibu ah simhkannâk thu â rîn mi chu a veih chun hi lasuibu ah â rîn mi nungnâk thing rah leh Khua Thenhlimh ah mi a tingvo chu Pathian nih a lâk piak ving lai.

THUPHUANG 22:6

Chun, anih nih chun ka sinah, “Hi bang thu hi zumh a kâi hen a dik asi, Lalpa Pathian, khuavâng tla sinah thlarau pêktu nih chun, thil hawng tlung sawm ding mi tla chu a to-aw tla chu zauhtir ding hen a vânmifial chu a fial asi.

THUPHUANG 4:2

Chun, lâkkhat ko ah Thlarau hen ka hawng um sawm le, ngâinik, vân ah chun laltophah ah chun âumawh a to.

THUPHUANG 4:9

Chun, thilnung pali tla nih chun laltophah ah a to mi, zungzâl hen a nung kumza mi chu la rokual tak hen an chawnglawmh hen lâwmthu an sim kip ah,

THUPHUANG 5:1

Chun, laltophah ah a to mi kut vawrhlei ah chun lasuibuzual, sunglei leh lênglei hen â rîn mi, singsiahnâk pasarih hen singsiah thlir mi chu ka muh.