THUPHUANG 21:4 - Bawm Common Language Bible Version

⁴ An mit a mi mitthli zawzawng a nawt lai le, thihnâk a um lai lo rawh le, ngaihsiatnâk tla, ṭapnâk tla, nganfâk tla, a um lai lo rawh, thil masa tla chu a vei rawh,” a ti mi ka theih.

THUPHUANG 21:4 ပူးပေါင်းရင်းမြစ်များ

SAM 144:4

Minung chu thaw hâwi cho asi, a san chu dâidul â ṭhial vima mi hâwi asi.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ISAI 30:19

Nannih Jerusalem ah um mi tla, nan ṭap lai lo rawh. LALPA chu mi siherhnâk nei mi asi le, amah ṭangpi deih hen nan auh chun a nan sâng na lai.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 51:11

Ruang na suah mi tla nih Jerusalem chu lâwmnâk hen lâwm ruangah lasak leh âu bû hen an tlung lai. Lâwptlo tak hen an um kumza lai le ngaihsiatnâk leh lawksawngnâk lakah mi chu an thaw a suak kumza lai rawh.

ISAI 60:20

Na ngaihsiatnâk ni chu a dawng lai rawh. Kei, LALPA chu na zungzâl chêu, Nî leh thlâ ngâk hen chêu kumza mi chu kasi lai.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

JEREMIA 31:12

Zion tlângah an hawng kal lai le, lâwm hen la an sak lai, ka thilpêk fâng leh uain, oliv sariak, dawrâ rual leh ranrual tla lakah anna lâwm lai. Dûm tikhurchawh hen châwm mi hâwi an si lai le, an herh mi zawzawng an nei lai.

JEREMIA 31:13

Churawhchun, nungâk tla chu lâwm hen an lâm lai le, upa, ngâksia leh tar anna lâwm lai. Annih tla chu thla ka ngamh na lai le, an ngaihsiatnâk chu lâwmnâk ah ka changtir lai le, an thinlung fâknâk chu lâwmnâk ah ka changtir lai.

HOSEA 13:14

Hi minung tla hi laikulh thihnâk lakah mi leh thihnâk thiltikhonâk lakah mi ka hum na awtlo. Laikulh thihnâk, siat leh râwknâk hi bang minung tla tlûnah hin hawng tlungtir khawm le, pawi ka ti awtlo.

MATHAI 24:35

Tual leh vân a vei lai le, ka thu lam chu a vei lai lo.

1 KORIN 15:26

Mêlma madung chem veih hen a um ding chu thihnâk hi asi.

1 KORIN 7:31

laikulh mangtu tla chu mang tuk lo hen an um khonâk ding hen tik hi tâwitir hen a um asi; hi laikulh umdân hi a dawngh lei rawh asi.

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

2 KORIN 6:17

Churuangah, Pathian nih chun, “An lakah mi hawng suak ule, a dang hen um u. Thil nâwmtâm rerêng khawm tawngh lah u; churawhchun ka nan lawmh na lai.

HEBRAI 12:27

“Veikhat chu ka ninh nawlh lai,’’ ti mi nih hin, thil â nîn lo mi tla chu a um kumza khonâk ding hen thilsiam tla chu ninh leh ṭhial hen a um awt ti fiang tak hen a langhtir asi.

2 PETER 3:10

Sikhawmsele, Lalpa Ni chu mifîr hâwi hen a hawng tlung lai. Chu ni tla chun vân tla chu rihâu fâk tak hen a tlâu lai le, veih asi lai; tual leh a sungah mi tla chu a kâng lai.

1 JOHAN 2:17

Laikulh hi a duhnâk tla hen a tlâu liau chir asi. Pathian duhzia titu lam chu zungzâl hen a um kumza lai.

THUPHUANG 20:13

Chun, tisumsumriat nih a sungah mithi tla chu a suah le, thihnâk leh mithi khua tla khawm nih an sungah mithi tla chu an suah le, an ektê hen an thilti hâwitê hen lâirêl piak hen an um.

THUPHUANG 20:14

Thihnâk leh mithi khua tla chu meizur ah an lawnh rawh. Chu chu thih nihnâk chu asi.

THUPHUANG 21:1

Chun, vân thar leh tual thar ka muh le, vân masa leh tual masa chu a vei rawh, tisumsumriat khawm a um lo rawh.

THUPHUANG 22:3

Chun, chu khuapi ah chun Pathian siatbarh rerêng a um lai lo rawh le, Dawrâ Fa leh Pathian laltophah chu a um dauh lai, chun, a to-aw tla nih amah an sawnh lai.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.