THUPHUANG 21:3 - Bawm Common Language Bible Version

³ Chun, laltophah thawk hen aw-hâu fâk tak hen, “Ngâinik, Pathian bâsâ chu minung lakah a hawng um rawh, anih chu an sinah a um lai le, annih tla chu a mi le an si lai le, Pathian ngelchel chu an sinah a um lai le; an Pathian asi lai.

THUPHUANG 21:3 ပူးပေါင်းရင်းမြစ်များ

1 Lal 8:27

“Pathian, sikhawmsele nang chu tual tlûnah hin na um tatak kho awt mazei? Vân zawzawng khawm khi nang rang chun a bî tuk, kei sak mi Biakin châng chu nang rangah zeitin a kâu tâwk kho lai?

2 CHRONICLES 6:18

“Sikhawmsele, Pathian, hi tual ah hin nunau leh mipa sinah hin na um kho tak awt men maw? Nang chu vân khawm nih an tlum lo mi, hi ka sak mi Biakin hi zeitin a kâu tâwk lai?

EXODUS 25:8

Mi zapi nih ka rangah puanin thenhlimh an siam ding, anmah tla sinah ka um khonâk ding hen.

EXODUS 29:45

Israel mi tla lakah ka um lai le, Kei, an Pathian kasi lai.

ISAI 12:6

Zion ah um mi zawzawng chu âu hen la sak na seh! Israel Pathian thenhlimh chu a rokual le, a mi tla sinah a um,” ti hen.

JEREMIA 31:33

Israel mi tla hen thudântuk thar ka siam mi chu hi hi asi lai: An sungah ka dân tla ka siah lai le, an thinlung ah ka rîn lai. Kei, an Pathian kasi lai le, annih chu ka mi le an si lai.

JEREMIA 32:38

Annih chu ka mi tla an si lai le, Kei, an Pathian kasi lai.

EZEKIEL 37:27

Chunah an sinah ka um lai; an Pathian kasi lai le, annih chu ka mi tla an si lai.

EZEKIEL 43:7

“Thikho mi minung, hinah hin ka laltophah a um, hinah Israel mi tla sinah ka um lai le, an tlûnah lâi ka rêl kumza lai rawh. Israel mi tla khawm nih, an lal tla khawm nih pathian dang tla sawnh hen mawh, an lal tla ruak vûi hen mawh hi mun ah hin ka min thenhlimh an mualphotir lai lo rawh.

EZEKIEL 48:35

Chu khuapi kulh a ektê a sâu lei sîr li fawnh hen feet 30,240 asi. Chu khuapi min chu tu thawk hen “LALPA Hinah A um!” ti asi kumza ding asi.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

ZEKARIA 8:8

Jerusalem ah um ding hen saklei ah leh thlanglei ah mi chu ka kîrpi nawlh lai. Annih chu ka mi tla an si lai le, kei chu an Pathian kasi lai le, an tlûnah rep tak leh zumhkâi tak hen lâirêltu kasi lai.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 14:23

Jisu nih a sâng le, a sinah, “Mi nih a ka dâwt chun ka thu a zâwt lai le; ka Pa nih anih chu a dâwt lai le; a sinah kan hawng kal lai le, a sinah kan um kumza lai.

2 KORIN 6:16

Pathian Biakin leh ruk khawm nih zei me remnâk an nei? Kannih lam chu Pathian nung Biakin kan si; Pathian nih, “Anmah lakah ka um lai le, anmah lakah ka tâwi ber lai; chun, an Pathian kasi lai le, annih khawm ka mi tla an si lai,” a ti hâwi khan.

2 KORIN 6:18

Nan rangah Pa kasi lai le, nannih khawm ka rangah fanu fapa nan si lai, Lalpa zeizawng tikho nih chun a ti,” ti hen, a sim hâwi khan.

1 THESALONIKA 3:11

Chun, kan Pathian, kan Pa tak nih chun, kan Lalpa Jisu khawm nih, nanmah leikângah hawng kan rui seh!

HEBRAI 11:16

Ram ṭha dauh, vân ram duh mi an hawng si le; Pathian nih an Pathian ti hen an kawh ding chu a ningzak loh, an rangah khuapi a timhtuah piak na rawh ruangah.

HEBRAI 8:10

“Chubang tla nûnah chun Israel dâwngsung tla sinah thudântuk ka siam ding mi chu hi bang hi asi,” Lalpa nih a ti. “Hi nûn chun an thinlung ah ka thupêk tla ka siah lai le, an thinlung ah ka rîn ber lai le, chun, kei an Pathian kasi lai le, annih chu ka mi tla an si lai.

HEBRAI 8:2

Chu hawi bâwlpu lalchem, vân ah khin rokual chem mi laltophah vawrhlei ah to mi, mun thenhlimh chem leh sawnhnâk puanin tatak, minung siam silo mi, Lalpa sak mi lakah rianṭuantu kan nei ti hi.

THUPHUANG 10:4

Chun, khuarît pasarih tla nih an aw-hâu an suah kâ hen, ka rîn awt le, sikhawmsele, “Khuarît pasarih thusim tla kha pheh thlir, rîn lah” ti hen vân thawk hen aw-hâu ka theih rawh.

THUPHUANG 10:8

Chun, vân thawk hen aw-hâu ka theih mi nih khan a hawng ka sawnh nawlh le, “Tisumsumriat leh tlângah a dîr mi vânmifial kut a mi lasuibuzual samh chia kha lâk rawh,” a ti mi ka theih.

THUPHUANG 12:10

Chun, vân ah aw-hâu fâk tak ka theih mi nih chun, ‘Tuah chun kan Pathian ruangsuahnâk leh a thiltikhonâk leh Lal a sizia chu a langhtir le, tuah a Mesia thuneihnâk chu a langhtir rawh! Kan unau tla phiar hen Pathian mâika ah a sûn a zân hen a dîr tâwn mi chu vân thawk hen lawnh asi rawh,” a ti.

THUPHUANG 21:7

A nehtu vial nih chubang tla chu ka sinah mi a tawng lai le, anih chu ka fa asi lai.

THUPHUANG 22:3

Chun, chu khuapi ah chun Pathian siatbarh rerêng a um lai lo rawh le, Dawrâ Fa leh Pathian laltophah chu a um dauh lai, chun, a to-aw tla nih amah an sawnh lai.

THUPHUANG 7:15

churuangah, Pathian laltophah mâika ah dîr hen a sûn a zân hen a rian an ṭuan asi; chun, laltophah ah a to mi nih chun a vêng na lai.