THUPHUANG 21:2 - Bawm Common Language Bible Version

² Chun, khua thenhlimh Jerusalem thar chu, mo, a pasal hen a tawng ding hen dawh tak hen â thuam ziar mi hâwi hen, Pathian sin thawk hen vân ah mi a hawng ṭum mi ka muh.

THUPHUANG 21:2 ပူးပေါင်းရင်းမြစ်များ

SAM 87:3

Pathian khuapi, na thâwngthâng chê tak a sim mi chu ngâi rawh.

ISAI 1:21

Khuapi zumhkâi tak chu mi hur â zuar mi hâwi asi rawh! Veikhat chu mirep tla hen an khat le, sikhawmsele tu lam chu mi thahtu karo an um.

ISAI 52:1

Jerusalem, chak tak leh rokual tak hen um nawlh rawh! Pathian khuapi thenhlimh, rokualnâk hen a thuam rawh! Lunglo tla chu na khua kulh sungah an lût lai lo rawh.

ISAI 54:5

Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

ISAI 62:4

“Kaltâk mi” ti hen kawh na si lai lo rawh le, Na ram khawm “Nupi mâkchia” ti hen kawh asi lai lo rawh. Na min thar chu Heph-zi-bah (Pathian a sinah â lâwm mi) ti asi lai. Na ram chu Beaulah (Lâwm tak hen umpi mi) ti asi lai. LALPA chu na lakah â lâwm ruangah leh Na ram rangah chun pasal hâwi asi ruangah.

JEREMIA 31:23

LALPA, Zeizawng tikho, Israel Pathian nih, “Mi zapi tla an ram ah ka umtir nawlh na tikah chun, Juda ram ah leh a khuapi tla ah veikhat chu, ‘LALPA nih a umnâk mun thenhlimh Jerusalem Tlâng thenhlimh chu malsâwm seh,’ an ti nawlh lai.

JOHAN 3:29

Mo neitu chu mo pasal chu asi; sikhawmsele, mo pasal hâwipa dîr hen a thu theihtu chu mo pasal aw ruangah thungâi hen â lâwm tâwn; churuangah, tuhin ka lâwmnâk a rangtling rawh asi.

2 KORIN 11:2

Pathian thîknâk hen asi ka nan thîk na; Krist sinah chun nungâk thenhlimh hâwi hen ka nan pêk kho na bâk ding hen, mi pakhat, Krist chu kan hual piak na ko asi.

HEBRAI 11:10

Khuapi lungphûm nei mi, Pathian timhtuah leh siam mi chu Abraham nih a ngâk kumza dangâiah.

HEBRAI 11:16

Ram ṭha dauh, vân ram duh mi an hawng si le; Pathian nih an Pathian ti hen an kawh ding chu a ningzak loh, an rangah khuapi a timhtuah piak na rawh ruangah.

HEBRAI 12:22

Zion Tlâng leh Pathian nung khua, vân Jerusalem, a vânmifial sâng tam tak tla umnâk chu nan hawng tleng rawh.

HEBRAI 13:14

Hi tual ah hin khua mun bir kan nei loh, khuapi a hawng um ding mi chu kan chuanh dauh asi.

THUPHUANG 1:1

Jisu Krist thuphuang, Pathian nih a to-aw tla theihtir ding hen a sinah a pêk mi, thil hawng um sawm ding mi thu chu asi. Chu chu, a vânmifial mang hen, a to-aw Johan a hawng theihtir le,

THUPHUANG 1:4

Johan nih chun Asia ram ah kawhmi murui sarih tla sinah: Um liau leh um rawh leh hawng um ding mi sinah leh a laltophah mâika ah thlarau pasarih tla thawk hen, Jisu Krist theihpitu zumhkâi tak, mithi lakah mi suak masa chem leh tual ah lal tla lâirêltu thawk hen zângfahnâk leh remnâk nan sinah um seh. Hawng kan zângfah le, a thisen hen kan sual lakah mi hawng kan tlanh le,

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,

THUPHUANG 11:2

Sikhawmsele, biakin lênglei kulhsung lam chu tah sih lah, chu chu phun dang sinah pêk asi rawh, annih nih chun Khua Thenhlimh chu thla sâwmli leh thlanih an lamhbêk lai.

THUPHUANG 21:10

Chun, Thlarau nih tlâng lianpi sâng takah a hawng ka kalpi le, Jerusalem, Khua thenhlimh, Pathian rokualnâk hen a chêu mi, Pathian sinah mi, vân thawk hen a hawng ṭum mi chu a hawng ka zauhtir.

THUPHUANG 21:9

Chun, vânmifial pasarih tla lakah pakhat, berhbu pasarih khat phak hen rêpnâk pasarih puttu chu ka sinah a hawng le, “Hawng le, Mo, Dawrâ Fa nupi chu ka nan muhtir lai,” a ti.

THUPHUANG 22:17

Thlarau leh mo nih chun, “Hawng rawh” an ti. A theihtu zawng nih, “Hawng rawh,” ti seh. A tîhâl mi zawng chu hawng seh, nungnâk tî hi a duhtu zawng nih a thawt hen lâk seh.

THUPHUANG 22:19

Chun, âuzawng nih hi lasuibu ah simhkannâk thu â rîn mi chu a veih chun hi lasuibu ah â rîn mi nungnâk thing rah leh Khua Thenhlimh ah mi a tingvo chu Pathian nih a lâk piak ving lai.

THUPHUANG 3:12

A nehtu vial chu ka Pathian Biakin ah chun intung ah ka siam lai le, chu thawk chun an suak lai lo rawh. Chun, anmah lakah chun, ka Pathian min leh, ka Pathian khuapi Jerusalem thar, ka Pathian sinah mi vân thawk hen a hawng ṭum ding mi min chu ka rîn lai le, ka min thar khawm ka rîn lai.