THUPHUANG 20:9 - Bawm Common Language Bible Version

⁹ Chun, tual tlûn khat zat hen an kal le, Pathian mi le umnâk leh Pathian nih a dâwt mi khua chu an hual le, chun, vân thawk hen mei a hawng tla le, a khangh hep na rawh.

THUPHUANG 20:9 ပူးပေါင်းရင်းမြစ်များ

GENESIS 19:24

Lâkkhatko ah LALPA nih Sodom leh Gomorah khuapi tlûnah chun kât alh a sûrtir le, tivakuam tla,

2 Lal 6:15

A thâi zîngtê ah Elisa to-aw chu a thawk le, lênglei ah a suak le, Siria kawrsen tla nih rang leh rang kari tla hen khua an kulh dak mi a muh. Elisa sinah a va kal le, “Pu, kan vânduai rawh, zeitin kan ti lai rawh,” a ti.

JOB LASUIBU 38:18

Laikulh a lianh kâng ruatnâk na nei ma? Na theih asi chun, hawng ka sâng.

SAM 106:18

An murui tla lakah mei a hawng tlâ le, chu misual tla chu a khangh hep na.

SAM 87:2

Israel ram ah mun dang zawzawng ngâk hen Jerusalem khuapi chu a duh dauh.

SAM 97:3

A mâilei ah mei a kal le, a kiangah mi mêlma tla a khangh na.

ISAI 30:33

A lân thawk hen Asiria lal lianchem duahnâk mun mei humpi chu timhtuah asi rawh. A thûk hen a kâu le, thing châr sâng tak an pawng tung. LALPA nih kâng ding hen a kâ mi meialh a thaw hen a hawng suah lai.

ISAI 37:36

LALPA vânmifial chu Asiria kawrsen riakmun ah a va kal le, kawrsen 185,000 a thah na. Thâizing khua a dei rawh chun an ektê hen an thi hep!

EZEKIEL 38:16

Ram kanh dak hen ka mi Israel tla chu thlipi hâwi hen na do na lai. Chu chu a tlung tikah phun tla chu âu kasi ti theih ding leh nangmah mang hen ka thenhlimhnâk muhtir ding hen ka ram rûn ding hen ka nan fial awt.

EZEKIEL 38:22

Râi leh thisen suahnâk hen ka rêp lai. Ruah tukpi leh rial, mei leh kât hen amah leh a kawrsen tla leh amah lei ṭângṭawmtu phun tam tak tlûnah ka sûrtir lai.

EZEKIEL 38:9

Anmah leh a kawrsen tla, a sinah phun tam tak um mi tla nih thlipi hâwi hen an do lai le, ram chu sûm hâwi hen an vurh dep lai,” a ti.

EZEKIEL 39:6

Magog ram ah meialh ka dawmhtir lai le, nawktir lonâk mun ah um mi zawzawng tla mun tiang hen, mikip nih kei LALPA kasi ti an theih lai rawh.

MIKAH 2:13

Pathian nih an rangah lampi a awng lai le, sal ah tâng mi chu a suah na lai. Khuapi kulh thawk hen an suak lai, an lal LALPA ngelchel nih a rui na lai.

HABAKUK 1:6

Mirât leh um ziar kho lo mi thiltikho tak tla Babulon sinah ka put awt. Ramdang tla lâk ding hen laikulh pumpi an ṭawl.

NUMBER 11:1

Mi zapi tla chu an lawksawngnâk ruangah LALPA sinah an chipchiar. LALPA nih a theih rawh chun a rothawk le, mi zapi lakah mei a suaktir. A hawng kâng le, riakmun khatlei dawng tiang hen a râwk hep.

NUMBER 16:35

Churawh chun, LALPA nih mei a hawng fial le, rimthâw pêktu minung 250 chu a khangh hep na.

LUK 17:29

Sikhawmsele, Sodom khua thawk hen Lot a suak ni ah chun vân thawk hen mei leh kât a sûr le, an ektê hen a thah ver na.

LUK 19:43

Na mêlma nih na kiang hêl dak hen tual kulh an siam lai le, a nan hual lai le, na kiang hêl dak hen suak kho lo hen a nan um nawh lai.

LUK 21:20

“Sikhawmsele, kawrsen hotu tla nih Jerusalem an hual mi nan muh tikah a vei awt ti theih u.

LUK 9:54

Chun, ṭhiruai Jem leh Johan nih chun an muh kâ hen, “Lalpa, hi bang tla kâng vernâk ding hen vân ah mi mei thlâktir sele rem na ti ma?” an ti.

DEUTERONOMY 23:14

Nan riakmun chu thiang tak hen kilkâwi ule, LALPA nan Pathian chu nan riakmun ah nanmah an zauhkhenh na ding hen leh nan mêlma tla an nehtir na ding hen a um ruangah. LALPA nih dunglei an sît na ding hen thil diklo zeikhawm ti lah u.

HEBRAI 13:13

Chun, amah an zauhnawnhnâk chu phurh hen kulh dâilêng ah amah sinah kan kal lai.

THUPHUANG 11:5

Chun, annih chu âuzawng nih nganfâk pêk an tum chun an kâ thawk hen mei a hawng suak le, an leido tla chu an veih na asi. Annih tla chu âuzawng nih thah ding awttu chu thah an si lai.

THUPHUANG 13:13

Chun, hi sarâng panihnâk nih hin mi zawzawng mitmuh ah vân thawk hen tual ah mei tlâktir kho rê hen thilchê ti khonâk a nei.