THUPHUANG 20:6 - Bawm Common Language Bible Version

⁶ Hi thawknawlhnâk masa chem ah a tel mi tla chu an thaw suak hen anna thenhlimh asi, chubang tla tlûnah chun thih nihnâk nih thu rerêng a nei lai lo le, Pathian leh Krist bâwlpu tla an si lai le, amah hen kum sâng khat lâi an rêl lai.

THUPHUANG 20:6 ပူးပေါင်းရင်းမြစ်များ

ISAI 4:3

Jerusalem ah a thibang an um mi tla LALPA nih a thîm na mi chu, thenhlimh an ti na lai.

ISAI 61:6

Nannih lam chu LALPA bâwlpu, Kan Pathian to-aw ti hen theih nan si lai. Phun tla neih lakah nanna lâwm lai le, Nan tâ si hen zûm phahnâk ah nan mang lai.

DANIAL 12:12

Ni sâng khat leh zathum leh sâwmthum panga len tiang hen zumhkâi hen umtu tla chu an thaw a suak.

LUK 14:15

Chun, buh a dûmpi mi âunih mawh chubang thu chu a theih le, Jisu sinah, “Pathian Ram ah buh ei ding mi chu a thaw a suak,” a ti.

ROM 12:1

Chun, unau le tla, Pathian khuaruatnâk ruangah hin bâwlnâk nung leh thenhlimh leh Pathian lawmh tlâk siding hen nan taksa chu pêk ding hen ka nan ngiar na asi, chu chu nan rianṭuan ding rêng asi.

ROM 8:17

Chun, fa tla kan si chun ro tingtu tla kan si le, Pathian ro tingtu, Krist tingpitu tla kan si. Jisu kan tuarpi tatak chun a sinah chawnglawmh hen kan um bâk lai.

2 TIMOTHE 2:12

Kan tuar chun a lâirêlnâk ah lâi kan rêl lai. Amah kan phehtâk chun anih khawm nih hawng kan phehtâk lai.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

THUPHUANG 1:6

a Pathian leh Pa rianṭuan ding hen a lalram ah bâwlpu ah hawng kan siamtu Jisu Krist sinah rokualnâk leh lâirêlnâk chu zungzâl hen um seh! Amen.

THUPHUANG 14:13

Chun, vân thawk hen aw-hâu nih, “Hi hâwi hen rîn rawh, Lalpa rianṭuannâk ah an thi mi tla chu tu thawk hen an thaw a suak,” a ti. Thlarau nih chun, “Chu hâwi chu asi,” ti hen a sâng. Chun, “An rianṭuan hamhnâk chu an dinhtâk rawh le, an thilti nih chun a zûl na lai rawh,” a ti mi ka theih.

THUPHUANG 2:11

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu vial chu thih nihnâk nih zeitin khawm a ti lai lo, a ti” ti hen.

THUPHUANG 20:14

Thihnâk leh mithi khua tla chu meizur ah an lawnh rawh. Chu chu thih nihnâk chu asi.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 22:5

Chun, zân a um lai lo le, khâwnvâr chêu leh nî chêu a herh lai lo le, Lalpa Pathian chu an chêu asi ruangah, zungzâl hen lâi a rêl lai rawh.

THUPHUANG 22:7

Chun, Jisu nih, “Ngâinik, ka hawng kal tuan awt hi, hi lasuibu ah khuavâng tla thusim zûltu vial chu an thaw a suak,” a ti.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.

THUPHUANG 5:10

Kan Pathian rianṭuan ding hen Lalram bâwlpu ah na siam na rawh, chun, tual ah chun lâi an rêl lai,” ti hen la thar an sak rawh.