THUPHUANG 20:4 - Bawm Common Language Bible Version

⁴ Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.

THUPHUANG 20:4 ပူးပေါင်းရင်းမြစ်များ

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

DANIAL 7:18

Chungnungchem Pathian mi tla nih lal thiltikhonâk anna ting kumza lai rawh,” a ti.

DANIAL 7:22

A nung kumza mi chu a hawng le, Pathian mi tla sunhsaknâk ruangah lâirêlnâk thu a hawng sim. Pathian mi tla nih lal thiltikhonâk anna ting ding mi tik a hawng tlung rawh.

DANIAL 7:27

Tual tlûnah lalram zawzawng rokualnâk leh thiltikhonâk chu Pathian mi rokual tla sinah pêk asi lai rawh. Lal thiltikhonâk anna ting mi chu a dawng lai lo rawh le, tual tlûnah lâirêltu zawzawng nih an rian an ṭuan piak na hen an thu an ngâi lai rawh,” a ti.

DANIAL 7:9

Ka zauh ko liauah laltophah a hawng toh, laltophah tlûnah um kumza mi chu a to, a nipuan chu vûr hâwi a vâr le, a sam chu samul thiang mi hâwi asi. A laltophah chu mei kari chângpah tlûnah toh hen a um le, meialh lian tak asi le,

MALAKI 4:5

Sikhawmsele LALPA ni ṭihnungkâi leh rokual tak a hawng tlung lânah nan sinah khuavâng Elija ka hawng fial lai.

MATHAI 19:28

Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

MATHAI 24:10

Chu tikah chun mi tam tak an zumhnâk an bângtâk lai le, anna tleihtir tawnh lai, anna hua tawnh lai.

MARK 6:16

Herod lam nih chun a theih rawh chun, “Johan, a lû ka tan mi tak kha a hawng thawknawlh rawh ma chu!” a ti.

MARK 6:27

Chun, lalchem nih chun a vêngtu kawrsen pakhat a fial sawm le, a lû hawng put ding thu a pêk. Chun, anih chu rêngin ah a va lût le, a lû a va tan le,

MARK 9:11

Chun, annih nih a sinah, “Zei ti zia me Dân sîntirtu tla nih, ‘Elija chu a hawng kal masa ding asi,’an ti zia?” ti hen an deih.

LUK 1:17

Chun, pa le tla thinlung chu fa tla leiah hawitir ding hen leh mi thu ngâi lo tla chu mirep tak finghnâk leiah hawitir ding leh Lalpa rangah mi a tîm zet ding lebang ah timhtuah ding hen Elija thinlung leh a thiltikhonâk put hen Lalpa mâika ah a kal lai,” a ti.

LUK 14:14

Chun, chubang nih chun an rulhnâk ding an nei lo ruangah na thaw a suak lai; mirep tla thawknawlh tikah Pathian nih a rulh na awt ruangah,” a ti.

JOHAN 14:19

Sâwtlotê ah laikulh nih a ka muh lai lo rawh; sikhawmsele nannih nih chun nan ka muh lai; keimah ka nung ruangah nannih khawm nan nung bâk lai.

ROM 11:15

Lawmh lo an si liau men ah laikulh chu Pathian hen hâwi tla ah siam hen an um chun anmah tla lawmhnawlhnâk ding chu thihnâk ah mi nung nawlhnâk lo chu zei me si lai?

ROM 8:17

Chun, fa tla kan si chun ro tingtu tla kan si le, Pathian ro tingtu, Krist tingpitu tla kan si. Jisu kan tuarpi tatak chun a sinah chawnglawmh hen kan um bâk lai.

2 TIMOTHE 2:12

Kan tuar chun a lâirêlnâk ah lâi kan rêl lai. Amah kan phehtâk chun anih khawm nih hawng kan phehtâk lai.

THUPHUANG 1:2

chu Johan nih chun Pathian thu leh Jisu Krist theihtirnâk thu leh a thilmuh tla chu a theihtir.

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,

THUPHUANG 11:11

Chun, ni thum leh sûnlân nûnah chun Pathian nungnâk thaw chu an sungah a lût le, an dîr rawh, chun, a muhtu tla nih chun an ṭih na rawh.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 11:3

Chun, ka thu theihpitu mi panih chu ka fial lai le, salâpuan aih hen ni sâng khat zanih leh sâwmruk Pathian thu an sim lai,” a ti.

THUPHUANG 11:7

Chun, an theihtirnâk thu chu an sim dih tikah Sarâng khurtawdawnglo thawk hen a hawng suak mi nih khan a do na lai le, a neh na lai le, a thah na lai.

THUPHUANG 12:11

Kan unau tla nih chun Dawrâ Fa thisen zârah leh thih ngamh rê hen thudik an phuangnâk zârah anih chu an neh rawh;

THUPHUANG 14:11

Chu minung tla rêpnâk meikhû chu zungzâl hen a kâi lai le, sarâng leh a lem mâimûktu tla, a min singsiahnâk neitu tla vial chu anmah rêpnâk, a sûn a zân hen dinh ni an nei lai lo,” ti hen a âu.

THUPHUANG 15:2

Chun, tisumsumriat thlalang hâwi mi, mei hen a chawmh mi ka muh le, sarâng leh a lêm leh a min nambar nehtu tla chu an hawng suak le, Pathian nih ṭingṭang a pêk na mi chu put hen tisumsumriat thlalang hâwi mi kap ah an dîr mi ka muh ber.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.

THUPHUANG 2:26

A dawngh tiang hen ka duhzia hâwi hen zumhkâi tak hen ṭuantu leh nehtu chu ka Pa sinah thuneihnâk ka tawng mi hâwi hen phun tla tlûnah thuneihnâk ka pêk na lai.

THUPHUANG 20:6

Hi thawknawlhnâk masa chem ah a tel mi tla chu an thaw suak hen anna thenhlimh asi, chubang tla tlûnah chun thih nihnâk nih thu rerêng a nei lai lo le, Pathian leh Krist bâwlpu tla an si lai le, amah hen kum sâng khat lâi an rêl lai.

THUPHUANG 22:5

Chun, zân a um lai lo le, khâwnvâr chêu leh nî chêu a herh lai lo le, Lalpa Pathian chu an chêu asi ruangah, zungzâl hen lâi a rêl lai rawh.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.

THUPHUANG 4:4

Chun, laltophah chu laltophah dang kul leh pali nih an kulh, laltophah ah chun upa kul leh pali chu puanvâr aih leh ngûn lallukhuh khuh hen an to.

THUPHUANG 6:9

Chun, Dawrâ Fa nih chun singsiahnâk panganâk chu a samh kâ hen mâichâm tangah chun theihtirnâk thu zumhkâi tak hen an pawm mi ruangah leh Pathian ruangah an thah na mi thlarau tla ka muh.

THUPHUANG 7:3

“Kan Pathian to-aw tla chu an chal ah kan singsiah na lânlo chu mual leh tisumsumriat leh thing tla chu râwk lah rih u,’ ti hen a âu.