THUPHUANG 20:3 - Bawm Common Language Bible Version

³ Vânmifial nih chun khurtawdawnglo ah a khumh le, a khar pang le, kum sâng a tling lânlo chu phun kip a perpet lo rawh nâk ding hen a sengh tap le, chu nûn chun sâwtlotê suah nawlh rih ding asi.

THUPHUANG 20:3 ပူးပေါင်းရင်းမြစ်များ

SAM 90:4

Na rangah kum sângkhat chu ni khat hâwi cho asi. Mazân a kal ving mi hâwi leh zân ah nari kar tâwi tak hâwi asi.

DANIAL 6:17

Chun Danial chu âukhawm nih suah kho lo ding hen lung hen pûk chu an sinh le, lal nih amah lal singsiahnâk leh a milian tla singsiahnâk hen chu lung chu a singsiah.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

MATHAI 27:66

Chun, vêngtu kawrsen tla hen an va kal le, thlân chu an vêngtir na le, lung chu an singsiah.

MARK 4:15

Chun, lam vâu ah a thu vawrhnâk tla chu hi tla hi an si: Thu an theih kâ hen Setan nih chun an thinlung ah thu vawrh mi chu a lâk piak sawm tâwn.

LUK 8:31

Chun, khur dawng nei lo ah kal ding thu pêk lo ding hen Jisu sinah an ngiar.

2 KORIN 11:3

Sikhawmsele, rûl nih chun ngamlêmnâk hen Evi chu a bum hâwi khan, Krist leiah taknâk leh thenhlimhnâk lakah mi chu zeitin hen mawh nan thinlung chu an râwk na lebang lai ti ka lâu asi.

2 PETER 3:8

Sikhawmsele, duhtak le tla, hi thu kâ khat hi philh lah u, “Lalpa ngaih hen, ni khat hi kum sâng khat asi le, kum sângkhat khawm hi ni khat hâwi asi,’’ ti hi.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 13:14

Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 17:2

Tual ah lal tla nih chun anih chu an pung tâwn le, tual ah mipi tla chu duh a mangnâk uain chu dinh hen a rîttir na asi,” a ti.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.

THUPHUANG 20:1

Chun, vânmifial, khurtawdawnglo renh leh chikchîn lian tak put hen, vân thawk hen a hawng ṭum mi ka muh.