THUPHUANG 20:12 - Bawm Common Language Bible Version

¹² Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.

THUPHUANG 20:12 ပူးပေါင်းရင်းမြစ်များ

SAM 28:4

Thil an ti mi leh an thilsual ti ruangah rêp na. An thilti zawzawng ruangah anmah hen â dêng tâwk ding hen rêp na!

SAM 62:12

LALPA, nangmah ngelchel nih, mikip an thilti hâwi vima hen lâwmman pêk na.

SAM 69:28

Nungnâk bu ah mi an min chu râwk hen um seh, na mi le rînnâk bu ah telh an silonâk ding hen.

THUFING LASUIBU 24:12

Kei ti ding mi zât asi lo na ti kho, sikhawmsele Pathian nih na thinlung ruat a theih le, lâi a rêl. A nan vêng tet le, a nan theih ko. Na thilti zia zia hen an pêk lai.

THUFING LASUIBU 24:29

“Keimah lakah a ti ziatê hen a lakah ka ti bâk awt, amah hâwitê hen ka um bâk awt,” ti lah.

THUSIMTU 12:14

Pathian nih thil kan ti mi zawng ah lâi a rêl awt le, a sia mi khawm a ṭha mi khawm, a thup hen thil ti mi tla khawm.

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

JEREMIA 32:19

Fing tak hen thilti ding na ruat le, thil rokual na ti; mikip nih thil an ti mi na muh, an thilti zia hâwi vima hen lâwmman na pêk na.

DANIAL 7:10

chu thawk hen chun mei tiva a hawng suak, mi sâng tam tak nih a rian an ṭuan piak le, mi nuaikhat a mâika ah an dîr, lâirêlnâk chu dawmh asi le, lasuibu tla an kêu.

MATHAI 11:22

Sikhawmsele, ka nan ti na, lâirêl ni ah chun nannih tuar ngâk hen Tura leh Sidon tuar ding chu a ziachâng a um dauh lai.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

LUK 10:20

Sikhawmsele, khuri tla nan thu thu hen an um ruangah a lâwm lah u; vân ah nan min rîn asi ruangah a lâwm dauh u,” a ti.

THILTI 24:15

Chun, mirep tla leh replo tla thawknawlhnâk a um lai ti Pathian leiah ka lungum le, hi bang tla khawm nih hin chubang tla chu an lung bâk.

ROM 2:6

Pathian nih chun mikip an thilti hâwi vima hen lâwmman a pêk lai.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.

PHILIPI 4:3

Asi, nang khawm ka liangbat bahpitu tatak, ka nan sâwm bâk, kha nunau tla kha ṭangpi rawh. Thâwngthâng Ṭha ah chun hawng ka ṭuanpi tâwn le, Klemen hen, ka ṭuanpi midang nungnâk bu ah min chuang tla hen khan.

THUPHUANG 11:18

Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.

THUPHUANG 19:5

Chun, laltophah thawk hen aw-hâu a hawng suak le, ‘Nannih a to-aw tla leh amah zahtu mi lian leh mi mê tla, kan Pathian chu sawr u,” a ti.

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.

THUPHUANG 20:13

Chun, tisumsumriat nih a sungah mithi tla chu a suah le, thihnâk leh mithi khua tla khawm nih an sungah mithi tla chu an suah le, an ektê hen an thilti hâwitê hen lâirêl piak hen an um.

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.

THUPHUANG 22:12

Chun, Jisu nih, “Ngâinik!’’ ‘’Ka hawng kal tuan awt hi! Mi kip an thilti hâwi vima hen pêk na ding hen ka lâwmman ka hawng put awt asi.

THUPHUANG 3:5

A nehtu vial chu hâwi hen puanvâr aihtir an si lai le, Nungnâk lasuibu ah mi an min chu ka râwk rîimâl lai lo, ka Pa mâika ah leh a vânmifial tla mâika ah an min ka phuang dauh lai.