THUPHUANG 2:5 - Bawm Common Language Bible Version

⁵ Churuangah, na tlûk khalh rawh mi kha theihkumza le, rim hen thilti masa chem kha ti nawlh rawh; chu lo chun na sinah ka hawng lai le, na rim lo chun na meichêu kha a mun ah mi ka ṭhial ving lai.

THUPHUANG 2:5 ပူးပေါင်းရင်းမြစ်များ

ISAI 1:26

A lânah mi hâwi hen simhtu leh lâirêltu ka nan pêk lai. Churawhchun, Jerusalem chu khuapi rep leh zumhkâi asi, an ti lai,” ti hen.

ISAI 14:12

“Nang Babulon lalchem, deirêl ârfi chêu tak, vân ah mi chu na tlâ rawh! A lân chun phun tla na neh le, tu lam chun tual ah lawnh hen na um rawh.

EZEKIEL 20:43

Churawhchun, thil ningzakkâi tak nan ti mi tla leh nanmah nanna nawmh mi tla nan theihkumza lai rawh. Thilsual zawzawng nan ti mi ruangah mah leh mah nanna fih lai.

EZEKIEL 36:31

Nan umdân sual leh thil diklo nan ti mi nan theihkumza lai le, chubang nan sualnâk leh nan thilti diklonâk ruangah nanmah nanna fih lai rawh.

HOSEA 14:1

Israel mi tla, LALPA nan Pathian sinah kîr u. Nan sualnâk nih an bahtir na le an tlûktir na.

HOSEA 9:10

LALPA nih, “Israel tla chu ramkaro ah grep a kho mi hâwl ding mi hâwi hen a tîrah chun ka muh na. An thlâk natu chu ka muh tîr chun a tikah theipi a min masa chem mi hâwi hen ka muh na. Sikhawmsele Peor tlângah an hawng le, Baal an sawnh le, an duh mi pathian tla hâwi hen fihnungkâi hen an hawng um sawm.

MALAKI 3:4

Churawhchun, Juda mi leh Jerusalem mi tla nih LALPA sinah thil ap an hawng put mi tla chu a lânah mi hâwi hen LALPA nih a lawmh lai rawh.

MALAKI 4:6

Pa tla leh fa tla munkhat ah a pumh nawlh na lai le, chu hâwi asi lo chun ka hawng lai le, nan ram ka râwk lai,” a ti.

MATHAI 5:14

“Laikulh chêu nan si. Tlâng tlûnah khua um chu thuh kho asi loh.

MATHAI 5:15

Mi nih khâwnvâr kaih hen tâwng tangah an siah dahlo, a siahnâk mun ah an siah dauh tâwn; chun in sungah mi zawzawng a cherh tâwn.

MARK 12:9

“Chuvachun, dûm dâwngpu nih chun zeitin a hawng ti lai? Bultu tla chu a hawng veih na lai le, dûm chu midang tla a pêk lai.

LUK 1:17

Chun, pa le tla thinlung chu fa tla leiah hawitir ding hen leh mi thu ngâi lo tla chu mirep tak finghnâk leiah hawitir ding leh Lalpa rangah mi a tîm zet ding lebang ah timhtuah ding hen Elija thinlung leh a thiltikhonâk put hen Lalpa mâika ah a kal lai,” a ti.

LUK 20:16

A zauhtu tla chu a veih na lai le, dûm chu midang a pêk lai,” a ti. Chun, chu chu an theih le, “Chu ngâi chu tlung lah seh! ” an ti.

GALATIA 5:4

Nannih Dân lakah mawh lo tumtu tla, Krist hen nanna ṭhen rawh: Zângfahnâk chu nan tlûktâk rawh.

HEBRAI 10:32

Sikhawmsele, a lânah Pathian chêunâk hen chêutir a nan um nûnah tuarnâk fâk tak nan tuar liauah donâk nih a nan neh na lo mi kha theihkumza u.

2 PETER 3:17

Chun, duhtak le tla, nannih nih chubang thu chu nan hawng theihkan ruangah a râlring u, chu lo chun misual diklonâk ah kalpi sual a um hen, bir tak hen nan um mi nan tlû sual lai.

JUD 1:24

Chun, nan tlû lonâk ding hen an vêng na khotu leh rokualnâk ah lâwptlo tak hen leh nâwmtâm kawplo hen an siah na khotu,

THUPHUANG 1:20

ka kut vawrhlei ârfi pasarih tla leh ngûn meichêu siahnâk pasarih na muh mi thuthup chu; ârfi pasarih tla chu kawhmi pasarih vânmifial tla an si, meichêu pasarih chu kawhmi pasarih tla chu an si.

THUPHUANG 16:9

Chun, chu minung tla chu nî nih ût rê hen emh na khawmsele, nî tlûnah thuneitu Pathian chu sawr leh chawnglawmh ngâk hen hawlhsiat an barh le, an sualnâk chu an rim lêm lo.

THUPHUANG 2:16

Chuvachun, rim rawh, chu lo chun na sinah ka hawng sawm lai le, chu hâwi titu tla chu ka kâ ah nâmsâu hen ka hawng do na lai.

THUPHUANG 2:19

Na thilti zia tla, na zângfahnâk tla, na zumhkâinâk tla, na rianṭuan zia tla leh na felfê zia tla ka theih, na thilti madung chem tla chu a tîr mi ngâk hen a fâk dauh ti ka theih.

THUPHUANG 2:2

Na thilti zia tla, na hamh zia leh na felfê zia tla, misual tla na sâithiam lo zia tla ka theih. Mifial si lêm lo hen mifial â ti mi tla chu na nik ber le, mi âwkrâwl an si ti na theih rawh le;

THUPHUANG 3:19

Ka dâwt hen ka zângfah mi tla chu ka fâi hen nun ka simh na tâwn, semsêngâi le, rim rawh.