THUPHUANG 2:27 - Bawm Common Language Bible Version

²⁷ Tual bêl mân dip hen vuak mi hâwi hen thîr ṭhianṭhunh hen lâi an rêl piak na lai.

THUPHUANG 2:27 ပူးပေါင်းရင်းမြစ်များ

SAM 49:14

thihnâk chu anmah ruitu asi. An in thawk hen lât takah thihnâk nih a râwk sawm mi hâwi hen mirep tla nih an neh na lai!

ISAI 30:14

Tualbêl hâwi hen nan kuai hep le, a kuai zia a fâk tukah, meiṭil sarnâk tâwk ding men a lian mi a um lai lo, tipang ah tî sâwknâk rang khawm a tlâk lai lo,” a ti.

JEREMIA 19:11

“Hi khuapi leh minung tla hi ka râwk awt, hi tual bêl a kuai le, remh kho asi lo rawh mi hâwi hen a um lai. Hi mun leh mun dangah anmah vûinâk a um awtlo ruangah an ruak tla chu Tophet mun ah khawm an vûi na lai.

DANIAL 7:18

Chungnungchem Pathian mi tla nih lal thiltikhonâk anna ting kumza lai rawh,” a ti.

DANIAL 7:22

A nung kumza mi chu a hawng le, Pathian mi tla sunhsaknâk ruangah lâirêlnâk thu a hawng sim. Pathian mi tla nih lal thiltikhonâk anna ting ding mi tik a hawng tlung rawh.

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

LUK 22:29

chun ka ram ah ka dawhkân ah nan din hen nan ei khonâk ding hen ka Pa nih Ram hawng ka ruat piak mi hâwi hen Ram ka nan ruat piak na asi; chun, Israel phun leinih lâirêl piak hen laltophah ah nan to lai.

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

THUPHUANG 12:5

Chun, phun zawzawng tlûnah thîr ṭhianṭhunh hen lâirêltu ding ah fapa a ring le, sikhawmsele, a fa chu Pathian sinah a laltophah ah chun lâk hen a um rawh.

THUPHUANG 19:15

Chun, a kâ thawk hen namsâu hâr tak a suak le, chu hen chun phun kip a neh lai, thîr ṭhianṭhunh hen lâi a rêl lai le, Pathian Zeizawng tikho thinrunhnâk fâk tak grep sûrnâk khur ah an sûr lai.