THUPHUANG 2:26 - Bawm Common Language Bible Version

²⁶ A dawngh tiang hen ka duhzia hâwi hen zumhkâi tak hen ṭuantu leh nehtu chu ka Pa sinah thuneihnâk ka tawng mi hâwi hen phun tla tlûnah thuneihnâk ka pêk na lai.

THUPHUANG 2:26 ပူးပေါင်းရင်းမြစ်များ

SAM 2:8

Hawng ka deih le, phun zawzawng ka nan pêk lai, tual pumpi na tâ asi lai.

SAM 2:9

Thîr ṭhianṭhunh hen na mântir na lai le, tualbêl hâwi hen na nektir na lai.

SAM 49:14

thihnâk chu anmah ruitu asi. An in thawk hen lât takah thihnâk nih a râwk sawm mi hâwi hen mirep tla nih an neh na lai!

DANIAL 7:18

Chungnungchem Pathian mi tla nih lal thiltikhonâk anna ting kumza lai rawh,” a ti.

DANIAL 7:22

A nung kumza mi chu a hawng le, Pathian mi tla sunhsaknâk ruangah lâirêlnâk thu a hawng sim. Pathian mi tla nih lal thiltikhonâk anna ting ding mi tik a hawng tlung rawh.

DANIAL 7:27

Tual tlûnah lalram zawzawng rokualnâk leh thiltikhonâk chu Pathian mi rokual tla sinah pêk asi lai rawh. Lal thiltikhonâk anna ting mi chu a dawng lai lo rawh le, tual tlûnah lâirêltu zawzawng nih an rian an ṭuan piak na hen an thu an ngâi lai rawh,” a ti.

MATHAI 10:22

Keimah min ruangah mi zawzawng huat nan si lai; sikhawmsele, a dawngh tiang hen tuar huamtu zawng chu, chu tak chu ruangsuah hen a um lai.

MATHAI 19:28

Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

MATHAI 24:13

Sikhawmsele, a dawngh tiang hen tuar huamtu vial chu, chu tak chu ruangsuah hen a um lai.

JOHAN 6:29

Chun, Jisu nih an sinah, “Pathian rianṭuan chu hi hi asi, a fial mi hi zumh ule,” a ti le, a sâng.

ROM 2:7

Thil ṭha ti rarâm hen, rokualnâk leh chawnglawmhnâk leh thi kho lo mi nungnâk hâwltu tla sinah chun zungzâl nungnâk a pêk lai.

ROM 8:37

Ṭhen lah e, chubang zawzawng lakah chun hawng kan dâwttu ruangah rokual tak hen nehtu kan si.

1 THESALONIKA 3:5

Churuang chun ka tuar kho lo nûnah, lêmtu nih chun an thlûk na lebang lai le, kan ṭuan hamhnâk chu a thawt lebang lai ti hen, nan lung zia ka theih khonâk ding hen mi ka hawng fial asi.

HEBRAI 3:6

Krist chu Pathian in ah thuneitu fapa asi hâwi hen zumh a kâi asi, kan lungum mi lakah kan râlṭhatnâk leh kan lungnâk bir tak hen kan tleih thlir chun Pathian in kan si.

JEM 2:20

Mi â, thilti tel lo hen lungnâk ko chu zeikhawm asi lo ti na theih duh ma?

1 JOHAN 2:19

Annih chu kan lakah mi murui an si lo ruangah hawng kan kaltâk le, kanmah mi tak si na sele kan sinah an um vima ding asi, sikhawmsele, an ektê hen kanmah mi tak an si lo ti a lang fiang khonâk ding hen hawng kan suaktâk rawh asi.

1 JOHAN 3:23

Chun, a thupêk chu hi hi asi, Jisu Krist nih thu hawng kan pêk hâwitê hen, Jisu Krist min lung hen a zângfah tawnh ding asi.

1 JOHAN 5:5

“Jisu chu Pathian Fapa asi” titu cho lo nih chun âunih me laikulh a neh kho?

THUPHUANG 2:11

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu vial chu thih nihnâk nih zeitin khawm a ti lai lo, a ti” ti hen.

THUPHUANG 2:17

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu zawng sinah manna thuh mi chu ka pêk lai, lungvâr khawm ka pêk chiau na lai, chu lung tlûnah min thar â rîn mi hen, chu chu a tingtu cho lo nih chun âukhawm nih an theih lo, a ti” ti hen.

THUPHUANG 2:7

“Thlarau nih kawhmi tla sinah thu a sim mi hi nâ a nei mi nih chun theih na seh. “A nehtu vial sinah chun Pathian Dûm ah mi nungnâk thing rah ei ding hen thu ka pêk lai a ti,” ti hen.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.

THUPHUANG 21:7

A nehtu vial nih chubang tla chu ka sinah mi a tawng lai le, anih chu ka fa asi lai.

THUPHUANG 22:5

Chun, zân a um lai lo le, khâwnvâr chêu leh nî chêu a herh lai lo le, Lalpa Pathian chu an chêu asi ruangah, zungzâl hen lâi a rêl lai rawh.

THUPHUANG 3:12

A nehtu vial chu ka Pathian Biakin ah chun intung ah ka siam lai le, chu thawk chun an suak lai lo rawh. Chun, anmah lakah chun, ka Pathian min leh, ka Pathian khuapi Jerusalem thar, ka Pathian sinah mi vân thawk hen a hawng ṭum ding mi min chu ka rîn lai le, ka min thar khawm ka rîn lai.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.

THUPHUANG 3:5

A nehtu vial chu hâwi hen puanvâr aihtir an si lai le, Nungnâk lasuibu ah mi an min chu ka râwk rîimâl lai lo, ka Pa mâika ah leh a vânmifial tla mâika ah an min ka phuang dauh lai.