THUPHUANG 2:23 - Bawm Common Language Bible Version

²³ Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

THUPHUANG 2:23 ပူးပေါင်းရင်းမြစ်များ

1 CHRONICLES 17:18

Thu dang zei me na sinah ka sim lai rawh! Nangnih fiang tak hen na ka theih le, kei na to-aw hi ṭih leh zah ding hen na ka siam.

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

1 CHRONICLES 29:17

Mikip thinlung chu na nik hen na theih, mi dik tla lakah na lâwm. Zumhkâi tak leh rinhtlâk hen hi bang zawzawng hi duhtak bû hen kan pêk mi asi. Na mi tla hinah na sinah thil an pêk mi lakah anna lâwm zia chu ka muh asi.

2 CHRONICLES 6:30

Na vân in thawk hen ngâi le, ngaihdam piak na rawh. Nangmah cho nih minung thinlung ruat chu na theih.

JOB LASUIBU 24:23

Pathian nih him tak hen amah chu a vêng kho, zeiliau zawng ah a tlûnah a mit a rak kumza.

SAM 139:1

LALPA, na ka nik le, na hawng ka theih rawh.

SAM 26:2

LALPA, ka duhnâk leh ka dawn mi tla hi hawng zauh dik le, nik hen lâirêl.

SAM 62:12

LALPA, nangmah ngelchel nih, mikip an thilti hâwi vima hen lâwmman pêk na.

SAM 7:9

Nang chu Pathian rep na si le, kan dawn mi leh kan duhnâk tla lakah lâi na rêl. Misual tla sualnâk chu bângtir le, mi ṭha tla chu lâwmman pêk na.

JEREMIA 11:20

Churawhchun, thla ka cham le, “LALPA Zeizawng tikho, nang chu lâirêltu rep na si; minung thinlung dawn leh theihnâk tla chu na nik. Ka lawksawngnâk chu na kut ah kan ap, churuang chun hi minung tla lakah lehrûl na sam mi hawng ka ngâktir,” a ti.

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

JEREMIA 20:12

Sikhawmsele, Zeizawng tikho LALPA, rep tak hen mi chu na nik na, an thinlung leh an dawnnâk ah zei a um ti na theih. Churuangah ka harsatnâk zawzawng chu na sinah ka hawng siah asi. Nangmah nih ka mêlma lakah phû na lam mi chu hawng ka muhtir rawh.

ZEPHANIAH 1:11

Nannih khuapi tanglei dauh a umtu tla, chu chu nan theih rawh chun, sawlehtu tla an thi awt ruangah lungfâk tak hen ṭap u!

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

LUK 16:15

Chun, anih nih chun an sinah, “Minung mitmuh ah a reptir mi cho nan si, sikhawmsele, Pathian nih nan thinlung a theih; minung lakah chawnglawmhnâk chu Pathian mitmuh hen nâwm tak asi.

JOHAN 21:17

Chun, a veithumnâk ah chun a sinah, “Simon, Johan fapa, nangnih kei na ka dâwt ma?” a ti. A veithumnâk ah, “Nangnih na ka dâwt ma?” a sinah a ti ruangah chun Peter a lawksawng le, a sinah, “Lalpa, zeizawng na theih le, ka nan dâwt ti na theih,” a ti. Jisu nih a sinah, “Ka dawrâ tla zauhkhenh rawh.

JOHAN 4:16

Chun, Jisu nih a sinah, “Na pasal va kawh le, hinah hawng nawlh,” a ti.

THILTI 1:24

Chun, thla an cham le, “Nang Lalpa, minung zawzawng thinlung theihtu,

ROM 14:12

Chun, kan ektê hen Pathian sinah mah thâwngthâng kan sim chiau ding asi.

ROM 8:27

Chun, Pathian duhzia hâwi vima hen mi thenhlimh tla chu thla a cham piak na tâwn ruangah, thinlung tla zauhtu nih chun Thlarau duhzia chu a theih tâwn asi.

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.

GALATIA 6:5

Mi kip mah phurh chiau an phurh awt ruangah.

DEUTERONOMY 13:11

Chu tikah Israel mi tla nih thil umdân chu an theih lai le, an lâu lai le, chu hâwi thilsual chu âukhawm nih an ti lai lo rawh.

DEUTERONOMY 17:13

Mikip nih an theih lai le, an ṭih lai, âukhawm nih chu hâwi ti ding an ngamh lai lo rawh.

DEUTERONOMY 19:20

Chun, mikip nih thil a hawng um mi tla chu an theih lai le, an ṭih lai le, chu hâwi thilsual chu âukhawm nih an ti lai lo rawh.

DEUTERONOMY 21:21

Churawhchun, khua mi tla nih lung hen thi thlo hen an seh ding asi; chu hâwi hen sualnâk chu nan veih ding asi. Israel lakah mikip tla nih chubang thil chu an theih lai le, an lâu lai rawh.

HEBRAI 4:13

Thilsiam Pathian mitmuh ah a lang lo mi rerêng a um loh. A thilsiam zawzawng chu a mitmuh ah langh leh pho hen a um. Kanmah ngelchel nih kan thilti zia kan phuang ngelchel ding mi chu amah sinah asi.

1 PETER 1:17

Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.

THUPHUANG 2:11

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu vial chu thih nihnâk nih zeitin khawm a ti lai lo, a ti” ti hen.

THUPHUANG 2:7

“Thlarau nih kawhmi tla sinah thu a sim mi hi nâ a nei mi nih chun theih na seh. “A nehtu vial sinah chun Pathian Dûm ah mi nungnâk thing rah ei ding hen thu ka pêk lai a ti,” ti hen.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.

THUPHUANG 20:13

Chun, tisumsumriat nih a sungah mithi tla chu a suah le, thihnâk leh mithi khua tla khawm nih an sungah mithi tla chu an suah le, an ektê hen an thilti hâwitê hen lâirêl piak hen an um.

THUPHUANG 22:12

Chun, Jisu nih, “Ngâinik!’’ ‘’Ka hawng kal tuan awt hi! Mi kip an thilti hâwi vima hen pêk na ding hen ka lâwmman ka hawng put awt asi.

THUPHUANG 6:8

Chun, ka zauh le, rang a dâng mi ka muh le, a tlûnah â chuan mi min chu Thihnâk an ti, a dunglei ah Mithi khua nih a hawng zûl sawm. Nâmsâu hen thah ding leh pâmnâk, râi leh sarâng hen thah na ding hen tual mun li ṭhen hen mun khat tlûnah thuneihnâk an pêk.

1 SAMUEL 16:7

Sikhawmsele LALPA nih a sinah, “A sâng mi leh â dawh mi leiah zauh lah. Chu hâwi chu ka duh lo, minung lâirêl hâwi hen ka rêl lo ruangah. Minung nih chun lênglei a zauh le, kei lam nih chun thinlung lei ka zauh dauh,” a ti.