THUPHUANG 2:2 - Bawm Common Language Bible Version

² Na thilti zia tla, na hamh zia leh na felfê zia tla, misual tla na sâithiam lo zia tla ka theih. Mifial si lêm lo hen mifial â ti mi tla chu na nik ber le, mi âwkrâwl an si ti na theih rawh le;

THUPHUANG 2:2 ပူးပေါင်းရင်းမြစ်များ

SAM 1:6

Mirep tla chu Pathian nih a hum na lai le; Misual tla lam chu anmah siatnâk lampi ah an um.

MATHAI 7:23

Chu ni ah chun ‘Nannih thilsual titu tla, ka nan theih na loh, ka sin thawk hen kal u,’ ti hen, annih chu ka simh na teh lai.

JOHAN 6:6

Chubang thu chu Philip rangah niknâk ding hen a sim asi, a ti ding mi chu amah nih a theih ko dangâi ah.

GALATIA 1:7

Chu chu Thâwngthâng Ṭha dangtir duh mi âumawh an um mi ruangah asi.

EPHESI 4:14

fing perpet a minung perpet bû hen, sîntirnâk thli kip nih khatlei khatlei ah vawrh leh ranh mi ngâksia kan si lai lo rawh le,

1 THESALONIKA 5:21

zeizawng nik dauh ule, a ṭha mi vial zâwt ule,

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

HEBRAI 6:10

Tu ah nan ti liau hâwi hen, Kristian unau tla sinah Pathian min hen dâwtnâk ruangah nan ti mi leh nan ṭangpi na nâk tla chu philh ding hen Pathian chu mi replo asi loh.

1 JOHAN 4:1

Duhtak tla, Thlarau nei ding ti thusimtu zawzawng chu lung ver lah u, thlarau chu Pathian lakah mi asi leh silo nik u. Khuavâng telê tam tak mun kip ah an suak rawh ruangah.

THUPHUANG 2:5

Churuangah, na tlûk khalh rawh mi kha theihkumza le, rim hen thilti masa chem kha ti nawlh rawh; chu lo chun na sinah ka hawng lai le, na rim lo chun na meichêu kha a mun ah mi ka ṭhial ving lai.

THUPHUANG 2:6

Sikhawmsele, hi hi na ṭhatnâk chu asi, Nikola murui tla thilti na hua mi hi; chu chu kei khawm nih ka hua bâk asi.

THUPHUANG 2:9

Nâ hamh zia tla, na pâm zia tla ka theih le, sikhawmsele, na nei ṭung fâwn! Juda tak silo hen, Juda kan si titu, Setan murui lakah mi tla nih a nan simsâwi mi chu ka theih.

THUPHUANG 3:1

“Sardis khua kawhmi vânmifial sinah chun rîn rawh: “Pathian Thlarau pasarih leh ârfi pasarih neitu nih khan hi thu hi a sim asi: Na thilti tla chu ka theih, thi ko bû hen nung min na put mi hi ka theih asi.

THUPHUANG 3:15

Na thilti tla ka theih, na kîk lêm lo, na lum lêm lo mi hi, na kîk mawh na lum mawh ding hi ka nan duh asi!

THUPHUANG 3:8

Na thilti zia tla ka theih; ka sîntirnâk thu tla na zûl hen zumhkâi tak hen na um le, thiltikhonâk tâwmtê na nei ti ka theih, âukhawm nih an khâr kho lo mi kawtkâ na mâika ah kan awng piak asi.