THUPHUANG 2:19 - Bawm Common Language Bible Version

¹⁹ Na thilti zia tla, na zângfahnâk tla, na zumhkâinâk tla, na rianṭuan zia tla leh na felfê zia tla ka theih, na thilti madung chem tla chu a tîr mi ngâk hen a fâk dauh ti ka theih.

THUPHUANG 2:19 ပူးပေါင်းရင်းမြစ်များ

JOB LASUIBU 17:9

Mi zahkâi hen anna ruat mi tla chu, an dik hen anna ruat dadauh.

SAM 92:14

tar tiang hen rah suah mi leh ring dal hen bir kumza mi an si.

THUFING LASUIBU 4:18

Mirep tla kalnâk lampi chu sûn nî a suak mi hâwi asi le, nî a hawng sâ tan tiang hen a chêu mi hâwi asi.

LUK 1:23

Chun, a rianṭuannâk ni chu a lîm rawh chun in leiah a lâwi rawh.

JOHAN 15:2

Keimah lakah mi ṭeng rah lo mi vial a lawnh tâwn; a rah mi vial a thenhlimhtir tâwn, a rah tam khunnâk ding hen.

KOLOSA 3:14

Chun, chubang zawzawng lakah chun zângfahnâk nei u, chu chu phuar rangtlingnâk asi.

1 THESALONIKA 3:6

Sikhawmsele, Timothe chu nan sin thawk hen tuah kan sinah a hawng tlung hen, an muh na ding kan duh hâwi hen thungâi hawng kan muh ding duh hen zângfah tak hen hawng kan theih tâwn tih thu leh, nan lungnâk leh zângfahnâk thâwngthâng lawmhkâi hawng kan put.

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

1 TIMOTHE 1:5

Nunsimhnâk san chu thinlung thenhlimh leh sia leh ṭha theihnâk thiang leh lungnâk tak thawk hen a hawng suak mi dâwtnâk chu an nei khonâk ding hen asi.

1 PETER 4:8

Zeizawng ngâk hen, semsengâi tak hen a dâwt tawnh ule, dâwtnâk nih sual tam tak a khuh tâwn ruangah.

2 PETER 1:7

nan Pathian sunhsaknâk lakah chun unau tla dâwtnâk telh ule, unau tla nan dâwtnak lakah chun dâwtnâk singsuan nei u;

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 2:9

Nâ hamh zia tla, na pâm zia tla ka theih le, sikhawmsele, na nei ṭung fâwn! Juda tak silo hen, Juda kan si titu, Setan murui lakah mi tla nih a nan simsâwi mi chu ka theih.