THUPHUANG 2:18 - Bawm Common Language Bible Version

¹⁸ “Chun, Thiatira khua kawhmi vânmifial sinah chun rîn rawh: “Pathian Fapa, a mit meialh hâwi mi, a kezaphah tla dâr hâwi a tlêu mi nih khan hi thu hi a sim asi.

THUPHUANG 2:18 ပူးပေါင်းရင်းမြစ်များ

SAM 2:7

“LALPA nih a sim mi chu ka phuang awt” Lalchem nih a ti. ‘LALPA nih ka fapa na si, tusûn hin na pa kasi,’ a ti.

DANIAL 10:6

A taksa chu lungsung hâwi hen a chêu. A mêl chu mîmthlalek hâwi hen a chêu, a mit tla chu mei hâwi hen a chêu. A kut leh a kê chu dâr a tlêu mi hâwi asi le, a hâu chu zapi tam tak hâu hâwi asi.

MATHAI 17:5

A sim liau chir ah, sûm vâr tak nih anmah a phenh na rawh; chun, sûm thawk hen aw-hâu nih, “Hi hi ka Fapa duhtak, ka lawmh mi chu asi, amah thu ngâi u,” a ti.

MATHAI 27:54

Chun, kawrsen zâ hotu leh a sinah Jisu vêng hen um bâk mi tla nih chun lînîn leh thil umzia tla chu an muh rawh chun thungâi an ṭih le, “Hi Minung hi Pathian Fapa asi chiammâm,” an ti.

MATHAI 3:17

Chun, ngâinik, vân thawk hen aw-hâu nih, “Hi hi ka Fapa duhtak, thungâi ka lawmh mi chu asi,” a ti.

LUK 1:35

Chun, vânmifial nih chun a sinah, “Thlarau Thenhlimh na tlûnah a hawng tlung lai le, Chungnung chem thiltikhonâk nih a nan huhphenh lai. Churuangah mi thenhlimh hawng suak ding mi khawm chu Pathian Fapa an ti lai.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:49

Nathanael nih, “Sîntirtu, Pathian Fapa na si, Israel tla Lalchem na si hi,” ti hen a sâng.

JOHAN 10:36

Kei rangah chun, Pa nih a hawng ka thîm le, chun laikulh ah a hawng ka fial. Churuangah zeitin zia hen, ‘Pathian Fapa kasi,’ ka ti ruangah, Pathian na simsiat, nan ti kho zia?

JOHAN 3:16

Pathian nih laikulh thungâi a dâwt le, churawhchun a Fapa neihlem a pêk, amah chu âuzawng a zumhtu vial thi lo hen, zungzâl nungnâk an nei khonâk ding hen.

JOHAN 3:18

Âuzawng amah zumhtu chu mawh hen an um lo; âuzawng zumhlotu chu mawh chia hen an um, Pathian Fapa neihlem min an zumh lo ruangah.

JOHAN 5:25

Thungâi tak hen ka nan simh na, a tik a tlung awt rawh, tu khawm ah a tlung liau chir, chu tik ah chun mithi tla nih Pathian Fapa aw-hâu an theih lai le, a theihtu vial an nung lai.

THILTI 16:14

Chun, a min Lidia puan senduk zuartu Thiatira khua mi, Pathian sawnhtu nunau pakhat nih kan thu a theih le, chun Pawl thusim zûl ding hen Lalpa nih chun a thinlung a fiangtir rawh.

THILTI 8:36

Chun, lampi ah an kal liauah tî umnâk ah an tleng le; chun tilkhei nih chun, “Zauhnik, hinah tî a um, baptis ding hen zei nih me hawng ka kham chem?” a ti.

ROM 1:4

thenhlimhnâk thlarau lei thu ah chun mithi lakah thawk hen a thawknawlhnâk nih chun, Pathian Fapa a sizia fâk tak hen a theihtir.

ROM 8:32

A Fapa tak khawm zuah lo hen kan ektê ruangrûl ah pêktu nih chun thil zawzawng khawm a thawt hen hawng kan pêk sih awtlo masi? Pathian mi thîm tla chu âunih phiar lai?

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 2:1

“Ephesi khua mi kawhmi vânmifial sinah chun rîn rawh: “A kut vawrhlei ah ârfi pasarih put hen, ngûn meichêu pasarih kiangah â zî lemang mi nih khan hi bang thu hi a sim asi.

THUPHUANG 2:24

“Sikhawmsele nannih Thiatira ah mi zeimaw mi chu Setan thilthup thûk an ti mi tla leh sîntirnâk diklo thu pawm lotu tla tlûnah chun thilrit dang kan phurhtir na awtlo ti ka sim asi.