THUPHUANG 2:14 - Bawm Common Language Bible Version

¹⁴ Sikhawmsele, tâwm sâwinâk ka nan nei asi, Balaam sîntirnâk thu pawmtu âu tla mawh nan umpi ruangah khan, Balaam nih chun Israel tla chu ruk sawnhnâk sa ei ding leh pung le lêngnâk ah tlûktir ding hen Balak chu a sîntir.

THUPHUANG 2:14 ပူးပေါင်းရင်းမြစ်များ

ISAI 57:14

LALPA nih, “Ka mi tla ka sinah hawng kîr na seh. An lampi khamtu chu lawnh na seh! Lampi remh hen timhtuah zet hen siam na seh!

JEREMIA 6:21

Churuangah hi minung tla hi ka suihtir hen ka bahtir na awt. Pa tla leh fapa tla an thi lai le, chu hâwi hen hâwi tla leh zâwlbâwm tla khawm an thi lai,” a ti.

EZEKIEL 3:20

“Mi ṭha nih thilsual a hawng ti palh hen, ṭihnungkâi mun ah ka siah liauah nangnih nun na simh lo chun a thi lai. A sual ruangah a thi lai le, a thil ṭha ti chu ka theih awtlo, a thihnâk mawh chu nangmah tlûnah ka thâng lai.

EZEKIEL 44:12

Sikhawmsele Israel mi tla rangah milem sawnhnâk an timhtuah le, chubang hâwi thilti hen mi tla sual leikângah an kalpi na ruangah kei, LALPA Zahkâi nih rêp an si ngelchel lai ti hen thu ka tiamh asi.

NUMBER 24:14

Balaam nih Balak sinah, “Tuah ka in leiah ka mi le sinah ka kîr awt rawh le, sikhawmsele ka kal lânah Israel mi tla nih na mi le tla mâilei ah an ti na ding mi dân zei asi, ka nan simh lai,” a ti.

NUMBER 31:16

Kha nunau tla kha Baal sîntirnâk zûltu leh Peor ah zapi tla LALPA lakah zumhkâilo ding hen râwktu an si ti theih u. Chu nih chun LALPA mi le tla tlûnah râi a tlungtir phah asi.

NUMBER 31:8

Midian lalchem panga: Evi, Rekem, Zur, Hur leh Reba an thah na. Beor fapa Balaam khawm an thah sih.

MATHAI 18:7

Mi zapi tla zumhnâk khamtirtu thil tla ruangah laikulh tlûn a pit! Tlûknâk chu um ding rêng asi. Sikhawmsele, tlûknâk umtirtu tlûn chu a pit!

THILTI 15:29

Ruk sawnhnâk sa ei tla, thisen ei tla, pungnâk tla bângtâk ule kan ti; hi bang hi nan bâng chun nan rangah a ṭha lai. Dam hen um u,” ti hen.

THILTI 21:25

“Phundang tla lakah lungtu tla leikâng thu chu ruk sawnhnâk thil leikângah, ei lo ding tla, sa thisen ei lo ding tla, sa rawm dît hen thah mi ei leikâng leh pung-le-leng leikângah anna thliar ding asi ti hen kan rêl le, kan rîn rawh kha,” an ti.

ROM 11:9

Chun David nih chun, “Chun an puai tla chu an rangah thang leh tleihtu, tlûknâk leh rêpnâk hawng si seh!

ROM 14:13

Churuangah, kanna sâwi lai lo rawh. Chu ngâk chun, âukhawm nih mah unau khamnâk mawh tlûknâk mawh siam lo a tum dauh u.

ROM 14:21

Na unau tlûknâk ding asi chun, sa ei lo tla, uain din lo tla, thil zeizawng khawm tilo a ṭha asi.

ROM 9:32

Zei ruang ah me? Lungnâk hen an zûl lo le, thilti a tawng kho hâwi hen an zûl ruangah asi. Tlûknâk lung ah chun an tlu le,

1 KORIN 1:23

Kannih lam nih chun Krist khenhbêknâk thu kan sim tâwn asi; chu chu Juda tla rangah chun tlûknâk, Phundang tla rangah chun âtnâk asi.

1 KORIN 7:2

Sikhawmsele, pung-le-lêngnâk a um tâwn ruangah mipa nih nupi bîk nei chiau sele, nunau khawm nih pasal bîk nei chiau seh.

HEBRAI 13:4

Mi zawzawng lakah umhnâk hi chawnglawmh hen um seh, nupi pasal khawm zumhkâi tawnh hen um seh. Hur leh ṭângdang pawmtu tla chu Pathian nih lâi a rêl lai.

JOSUA 24:9

Churawhchun, Moab lalchem Zipor fapa Balak nih a nan do na. Beor fapa Balaam sinah thu a thanh le, siat an barh na ding hen a ngiar.

1 PETER 2:8

Chun, Pathian lasui thu dang nih, “Hi lung hi minung tla tlûktirtu ding chu asi, anmah tlûktirtu lungpi chu,” ti hen, a sim. An rangah Pathian duhzia thu an lung lo ruangah an tlû rawh.

2 PETER 2:15

Beor fapa Balaam thilsual ti hen tangka tawng ding duhtupa lampi chu zawh hen, lampi dik chu an mâk le, lampi an vâi rawh.

JUD 1:11

An tlûn a pit! Kain lampi chu an zûl le, lawh uh hen Balaam sual lampi chu an zûl le, Kora a hel mi hâwi hen an hel le, amah hâwi hen veih hen an um rawh.

THUPHUANG 2:20

Sikhawmsele, sâwinâk ka nan nei, nunau Jezebel, Pathian khuavângnu â ti mi kha na sâithiam le, anih nih chun ka to-aw tla chu pung le lêngnâk leh milem sawnhnâk thil ei tla sîntir hen diklonâk ah a nan rui na asi.

THUPHUANG 2:4

Sikhawmsele, sâwinâk ka nan nei asi, na dâwtnâk masa chem kha na bângtâk asi.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.