THUPHUANG 2:13 - Bawm Common Language Bible Version

¹³ Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 2:13 ပူးပေါင်းရင်းမြစ်များ

MATHAI 10:23

Chuvachun, khua khat ah an nehsawh na tikah khua dangah tektâk u; thungâi tak hen ka nan simh na, Minung Fapa a hawng kal lânah Israel khua tla chu nan ṭawl thluh lai lo.

MATHAI 24:9

“Chu tikah chun hamh tuar ding hen a nan tleihtir na lai le, an thah na lai; ka min ruangah phun zawzawng huat nan si lai.

MATHAI 4:10

Chu ka hen Jisu nih a sinah, “Setan, kal ving! ‘Lalpa na Pathian sawnh le, amah rian cho ṭuan rawh,’ ti rîn asi,” a ti.

LUK 21:17

Keimah min ruangah mi zawzawng huat nan si lai.

THILTI 22:20

Chun, na thu theihtu Stephen an suah liauah khan kei khawm a kiangah ka dîr le, rem ka ti le, a thahtu tla puan khawm ka kil piak na asi,’ ka ti.

THILTI 9:14

Chun, hinah khawm na min lamtu vial phuar na ding hen bâwlpu lal tla thawk hen thu a tawng asi,” a ti le, a sâng.

1 THESALONIKA 5:21

zeizawng nik dauh ule, a ṭha mi vial zâwt ule,

1 TIMOTHE 5:8

Sikhawmsele, âuzawng nih mah unau rualsia tla ruatkan lo hen, mah insungkhur mi men a ruatkan lo chun, lungnâk chu a pheh khalh le, lunglo mi tla ngâk hen a sual dauh asi.

2 TIMOTHE 1:13

Jisu Krist lakah um mi lungnâk leh dâwtnâk nei hen, thudik dân ka kâ thawk hen na theih mi tla kha nei thlir rawh.

2 TIMOTHE 2:12

Kan tuar chun a lâirêlnâk ah lâi kan rêl lai. Amah kan phehtâk chun anih khawm nih hawng kan phehtâk lai.

HEBRAI 10:23

A thutiam zawt ding hen Pathian kan lung ruangah kan lungum mi thu chu bir tak hen kan tleih lai.

HEBRAI 3:6

Krist chu Pathian in ah thuneitu fapa asi hâwi hen zumh a kâi asi, kan lungum mi lakah kan râlṭhatnâk leh kan lungnâk bir tak hen kan tleih thlir chun Pathian in kan si.

JEM 2:7

Pathian nih a nan pêk na mi min ṭha sâwitu an si.

THUPHUANG 11:3

Chun, ka thu theihpitu mi panih chu ka fial lai le, salâpuan aih hen ni sâng khat zanih leh sâwmruk Pathian thu an sim lai,” a ti.

THUPHUANG 12:11

Kan unau tla nih chun Dawrâ Fa thisen zârah leh thih ngamh rê hen thudik an phuangnâk zârah anih chu an neh rawh;

THUPHUANG 13:2

Chun, sarâng ka muh mi chu keitê hâwi asi le, a kê tla chu vawm kê hâwi asi le, a kâ chu chakeibaknei hâwi asi; chun, rûlrêu nih sarâng chu amah thiltikhonâk leh a laltophah leh amah thuneihnâk fâk tak a pêk.

THUPHUANG 14:12

Hinah hin mi thenhlimh Pathian thupêk tla leh Jisu lungnâk thu zâwttu tla felfênâk chu a lang asi.

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 17:6

Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.

THUPHUANG 2:2

Na thilti zia tla, na hamh zia leh na felfê zia tla, misual tla na sâithiam lo zia tla ka theih. Mifial si lêm lo hen mifial â ti mi tla chu na nik ber le, mi âwkrâwl an si ti na theih rawh le;

THUPHUANG 3:11

Âukhawm nih na lallukhuh chu an lâk piak lo ding hen na thilneih chia kha kil thlir rawh, ka hawng tuan awt hi.

THUPHUANG 3:3

Ê-aw ngâilo, na sual tla rim le, an sîntir mi tla leh na theih rawh mi tla kha theihkumza rawh. Na vêng lo chun mifîr hâwi hen zei tikah na sinah ka hawng awt ti na theih lai lo.