THUPHUANG 2:12 - Bawm Common Language Bible Version

¹² “Chun, Pergamos khua kawhmi, vânmifial sinah chun rîn rawh: “Nâmsâu hâr nih nei mi nih khan hi bang thu hi a sim asi.

THUPHUANG 2:12 ပူးပေါင်းရင်းမြစ်များ

ISAI 11:4

mipâm tla chu ṭha tak hen lâi a rêl piak lai le, ṭangpitu nei lo tla diknâk chu a ṭanh lai. A thupêk hen mi zapi rêp an si lai le, misual tla chu an thi lai.

ISAI 49:2

Ka thu chu nâmsâu hâr mi hâwi hen a siam. Amah kut hen hawng ka hum. Chanhtiang thal zum hâr tak leh mang ding timhtuah zet mi hâwi hen hawng ka siam.

HEBRAI 4:12

Pathian thu hi a nung le, thil a ti kho le, nâmsâu hâr nih nei um mi ngâk hen a hâr dauh le, nungnâk leh thlarau liahchân leh thlik phel dip rê hen a tuk kho le, thinlung ah dawn mi leh tum mi tla lakah thu a nei chawlh kho asi.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:16

A vawrhlei kut hen ârfi pasarih a put le; chun, a kâ thawk hen nâmsâu hâr nih nei a suak le, a mêl chu nî sûn liau hâwi hen a chêu.

THUPHUANG 19:15

Chun, a kâ thawk hen namsâu hâr tak a suak le, chu hen chun phun kip a neh lai, thîr ṭhianṭhunh hen lâi a rêl lai le, Pathian Zeizawng tikho thinrunhnâk fâk tak grep sûrnâk khur ah an sûr lai.

THUPHUANG 19:21

An kawrsen tla chu rang tlûnah â chuan mi kâ thawk hen a suak mi nâmsâu hen thah an si rawh. Chun, vâ zawzawng tla nih chun an sa tla chu duh tâwk hen an ei rawh.

THUPHUANG 2:1

“Ephesi khua mi kawhmi vânmifial sinah chun rîn rawh: “A kut vawrhlei ah ârfi pasarih put hen, ngûn meichêu pasarih kiangah â zî lemang mi nih khan hi bang thu hi a sim asi.

THUPHUANG 2:16

Chuvachun, rim rawh, chu lo chun na sinah ka hawng sawm lai le, chu hâwi titu tla chu ka kâ ah nâmsâu hen ka hawng do na lai.

LÂIRÊL 3:16

Ehud nih nâmsâu hâr nih nei dâwngkhat dêng sâu mi a nei. A dêm vawrhlei kângah a puan tangah a thlaih.