THUPHUANG 19:8 - Bawm Common Language Bible Version

⁸ Puan mangṭhia chu mi thenhlimh tla thilti rep asi ruangah, puan mangṭhia thiang tak, a lek mi chu aihtir ding hen pêk asi.

THUPHUANG 19:8 ပူးပေါင်းရင်းမြစ်များ

SAM 132:9

Na bâwlpu tla nih thildik ti kumza na sele! na mi tla chu lâwm hen âu kumza na seh!

THUFING LASUIBU 31:22

Ihkhun phah tla a siam le, dum pâwl puan mangṭhia tla â aih.

ISAI 3:23

suak leh langhnâk thuam tla, an mêl nâwtnâk puannêm leh upâwng tla, an lû khuhnâk puan sâu tla lâk ver asi lai.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

EZEKIEL 16:10

Kawrfual dawh tak hen ka nan thuamh le, savun pheikawk ṭha chem mi ka nan pêk le, lû khuhnâk puannêm leh mâimaw kawrfual ka nan pêk.

EZEKIEL 44:17

Biakin sunglei mi kawtkâ ah an lût tikah puan mangṭhia anna aih ding asi. Kulh sungah mawh Biakin sungah mawh rian an ṭuan liauah samul hen siam mi zei thil khawm anna aih ding asi lo.

MATHAI 17:2

An mâika ah chun a mêl umzia chu a hawng a dang rawh. A mêl chu nî hâwi hen a hawng chêu le, a nipuan tla chu chêu hâwi hen a hawng vâr rawh.

MATHAI 22:12

chun, a sinah, ‘Kâwi, zeizia me umhnâk puan aih lo hen hinah na hawng lût le?’ a ti. Chun, anih chu a dâisip.

MARK 9:3

Chun, a nipuan tla chu tual ah puan suktu nih an suk vâr kho lo rê tiang a vâr tîk hen a lek zur rawh.

LUK 24:4

Chun, chubang ruangah an lawksawng liauah chun, minung panih, puan mit ser rê hen aih mi an kiangah an hawng dîr le;

THILTI 1:10

Chun, a kâi liauah vân lei an zauh ko liauah, mi panih puan ngo aih hen an kiangah an hawng dîr.

ROM 13:14

Lal Jisu Krist râlthuam hen chun a thuam dauh ule, nan taksa duhnâk zawh ding hen zeikhawm a siam lah u.

ROM 3:22

chu chu Pathian repnâk, Jisu Krist lung ruangah a lungtu vial tla sinah langhtir hen a um mi chu asi; dangnâk rerêng a um lo:

THUPHUANG 15:4

Lalpa, âunih nang a nan ṭih lo lai! Na rokualnâk phuang lotu âu a um lai? Nangmah lâwng na thenhlimh asi! Na thilti rep tla chu mi kip nih an muh rawh, phun kip an hawng lai le a nan sawnh lai,” an ti.

THUPHUANG 15:6

Chun, biakin sung thawk hen vânmifial pasarih, rêpnâk pasarih puttu tla chu puan thenhlimh vâr tak aih hen, an sûm ah ngûn tâisâwm sâwm hen an hawng suak.

THUPHUANG 19:14

Chun, vân ah kawrsen tla nih chun, puan mangṭhia vâr tak aih hen rang ngo tlûnah chuan bû hen an zûl.

THUPHUANG 3:18

Minei na si khonâk ding hen ka sinah mi, ngûn thenhlimh châwk ding hen ka nan simh asi. Puanvâr na aih ding hen leh na takkaro ningzakkâi tak chu khuh ding leh na mit ah buaih ding hen mit fâk turpâng tla châwk ding ka nan simh asi, na muh khonâk ding hen.